1 Juan 4:21 - Yaminahua

²¹ Niospa noko yoimis: “Ea noixõ nã ea Ifofaafori noikãfe,” noko famis.

1 Juan 4:21 ပူးပေါင်းရင်းမြစ်များ

Mateo 5:43

Anã Jesús ato yoini iskafakĩ: “Askatari mã mã nikamis a nõko xinifo yoipaonifo keskara. Iskafakĩ ato yoipaonifo: ‘Mãto kaifo noikãfe. Akka a mato noikaspaifo ato kopikiri noikaspakãfe,’ ixõ nõko xinifo yoipaonifo.

Lucas 10:37

a Moisés keneni tãpiato kemani iskafakĩ: “Nã noikõiaito akiki kaxõ sharafani,” ixõ yoiaito, Jesús iskafani: “Mĩri ato noikĩ askafafe,” fani.

Juan 15:12

Iskafakĩ ẽ mato yoi: Ẽ mato noiai keskai mãri noinãkãfe.

Gálatas 5:14

Akka Niospa Moisés yoini iskafakĩ: “Nã mã noimeai keskariakĩ fetsafori noisharakãfe,” ixõ yoini. Mã askafakĩ nã Niospa Moisés yoini keskara, keyokõi mã aki. Mã askafakĩ keyokõi a Niospa Moisés yoini keskara mã aki.

Gálatas 5:6

Nõ foshki repa xateano, askayamãkĩ nõ xateamano, afãfekai nõko chaka noko soaxotiroma. Akka nõ Jesucristo Ifofakõinaino fetsafo noko ato noimasharakõitiro nõ ato noisharakõinõ. Nã fisti nõ fichipai, chanĩmara fasharakõixii.

1 Tesalonicenses 4:9

Ẽfe mekakai mã fichipaima mã ranã noinãxiki. Epa Niospa mato tãpimani mã noinãnõ.

1 Pedro 3:8

Nãskakẽ isharakõixõ keyokõichi nãnori fisti shinãsharakãfe. Oa mato fe yora mã noiai keskafakĩ ato fe nõinã faatanãsharakõikãfe. Ato shinãkĩ ato axosharafafãikãfe. Askatari, “Nã yora afaa tãpiamafo ẽ finakõia,” ikaifo keskai askayamakãfe.

1 Pedro 4:8

Nãskax noinã faatanãkõikãfe nõ noinãkõia sharaki. Fetsa noikõixõ nõ rae fatiro, a noko chakafai keskara anã shinãnõma.

1 Juan 2:7

Efe yora mĩshtichi, ẽ mato yoisharakĩ ẽ mato kirika kenexoni. Na ẽ mato yoiai keskafakĩ taefakĩ mã mã nikamiskĩ. Jesús noko yoia keskafakĩ ẽ mato kenexonõ.

1 Juan 3:11

Nãskakẽ taefakĩ mã Nios Ifofaxõ mã mã nikamiskĩ mato yoiaito: “Nõa ranã nõ noinãsharanõ,” ixõ mato yoiaito mã mã nikamis.

1 Juan 3:14

Nõ yorafo noikõixõ nõ tãpitiro nõmãi Niospa fakefoxõ. Nãskakẽ a omiskõipakenakafo mẽra katama, afe nõ ipanaka. Akka a yora fetsafo noikaspai, afokai Niospa fakema. Nios fe rafeamax afe ipanakama.

1 Juan 3:18

Efe yorafãfe, ea nikakõikãfe, ẽ mato yoinõ. Fetsafo iskakani, ãa chanĩkani: “Ẽfi yorafo noikai,” ifiaxõ ato chakafakani, atokai noikanima. Akka nõfi askaramakĩ. Nõ yorafo noisharakõixõ nõ ato shara fatiro.

1 Juan 3:23

Iskafakĩ noko yoini: “Ẽfe Fake Jesucristo nikasharakõikãfe,” ixõ noko yoini. Nãskatari a noko yoini keskai nõa ranã nõ noinãsharai.

1 Juan 4:11

Akka efe yora mĩshtichi, Epa Niospa noko noikõi. Nãskakẽ nõa ranã nõri nõ noinãsharakõikãfe.