1 Juan 3:5 - Yaminahua

⁵ Jesucristo nai ariax nokoki fotoni nõko chaka noko soaxoxiki. Akka nãatofi afaa chakafamismakĩ. Nã fistifi finakõiakĩ. Ẽ mato yoiai keskara mã mã tãpiakĩ.

1 Juan 3:5 ပူးပေါင်းရင်းမြစ်များ

Mateo 1:21

María fake feronãfake fii kiki. Mĩ anekĩ Jesús faxikai. Nãato ato ifipakenakaki. Nãskaxõ afe yorafo ãto chaka soaxoxii kiki ato nimapakexakĩ,” ixõ ãjirinĩ José yoini.

Lucas 23:41

“Akka nõ omiskõikõi chanĩmakõi nõmãi afara chakafakatsaxakĩ. Akka na feronãfakekai afaa chakafama na omiskõiai,” fani.

Lucas 23:47

Nãskaito soraro xanĩfãfe õikĩ, Epa Nios aicho fayanã iskafakĩ yoini: “Chanĩma, na feronãfake afaa chakafamisma,” ixõ yoini.

Juan 1:29

Askata pena fetsa Juanki Jesús kani. Jesús fichixõ Juan yorafo yoini iskafakĩ: “Õikapo. Nã Niospa ãfe oveja tetomashta keskara oa. Nato keyokõi yorafo chaka soaxonõ Epa Niospa nĩchia nokoõnoax naxõ nõko chaka noko soaxonõ.

Juan 1:31

Ẽrifi Cristo tãpixoma yorafo maotisafapai a nõko kaifo judeofãfe tãpinõfora,” ixõ Juan ato yoini Cristoõnoa yoikĩ.

Juan 14:30

“Ẽ mato mẽxotaima yoipaifiaino nã yõshi chakafãfe ãto xanĩfo Satanás chaka ekeki oi. Askafixõ ea afeska fatiroma.

Juan 8:46

Ẽ afaa chakafaito mã ea õimisma. Ẽkai afaa chakafamisma. Ramashara ẽ chanĩmisma. Ẽ askafiaito mã ea chanĩmara famisma.

2 Co. 5:21

Akka Cristo afaa chakafapaonima. Nãskafikẽ Apa Niospa nõko chakafo akiki nĩchini. Cristo afaa chakafayamafiakatsaxakĩ noko nãxoni Epa Niospa noko omiskõimayamanõ. Nã yora chaka keskarax nõko chakafoõnoax Jesús nani. Nãskakẽ nõ Jesús Ifofaino Niospa noko õitiro sharakõi nã nõ afaa chakafamisma keskara, nokoki inimakõikĩ.

1 Ti. 1:15

Timoteo, na ẽ mia yoiai chanĩma. Keyokõichi chanĩmara fanõfo. Jesucristo nai mẽraxõ Apa Niospa nãmã nĩchini nõko chakafoõnoax noko nãxoyonõ nõ afe ĩpaxanõfo. Askafiaino na fetsafãfe chakafakĩ finayamafiaifono ẽ fãsikõi chakafakĩ finakõipaoni. Jesús Ifofamisfo ẽ chakafayopaoni.

1 Ti. 3:16

Fetsafãfe yoikĩ iskafatirofoma: “Niospa meka chanĩra,” ixõ yoitirofoma. Jesús Niospa Fake feronãfakekõi kãini. Niospa Yõshi Sharapa, “Jesús Niospa Fakekõi,” ixõ yoini. Askatari Niospa ãjirifãfe Jesús õinifo Niospa Fakekõikẽ. Askatari yorafãferi õinifo Jesús Niospa Fakekõikẽ. Nãskaxõ yorafo tãpimakõinifo ato yoisharakõikakĩ, akairi tãpisharakõinõfo. Askaifãfe yora fetsafãfe mai fetsafo arixõ nikakakĩ ato chanĩmara fanifo akairi Jesús shinãkakĩ. Nãskakẽ Jesús anã nai mẽra kani Apa Nios ano.

Tit. 2:14

Nã nokoõnoax nani. Nõko chaka keyokõi noko soaxõfaini. Nãskaxõ nõko õiti noko sharafaxõa. Nõ afe yoraxõ nõ afara sharafapaikĩ nõ anõ.

Hebreos 1:3

Nãfi sharafinakõiaki Apa Nios keskarakõi. Apa Nios afe keskaramãki noko õimani. Nãato keyokõi kexesharamis ãfe mekasharaõxõ. Askatari nokoõnoax nani nõko chaka noko soaxoxiki a keskara shara noko õi. Nãskakẽ nõko chaka anã shinãima. Nãskata mã otoax nai mẽra kani Apa fe xanĩfokõi ixiki.

Hebreos 4:15

Nãatori meemis a Satanás noko afara chakafamapaiyai keskara. Nãskakẽ nãato tãpia a nõ meemis keskara fekaxkõi. Akka Satanás Jesúsri afara chakafamapaini. Nãskafekẽ Jesús nikanima. Nãskakẽ nokori axotiro.

Hebreos 7:26

Akka nã Jesúsfi noko Nios kĩfixomis xanĩfokõikĩ. Apa Nios keskara sharafinakõia. Fetsafo finõkõia. Tsõakai aõnoa afaa chaka yoitiroma. Aatokai afaa chaka shinãmisma yora chakafo keskarama. Nãskaxõ Apa Nios ika anoafori ato finõkõia. Nãskaxõ a nõ yopaifo noko axosharatiro.

Hebreos 9:26

Akka askakatsaxakĩ Cristo nokoõnoax nai ranã ranãkerana nã Niospa mai onifanichãi. Akka askamisma. Jesús nai fistini ĩkisi noko keyokõi chaka soaxoxiki.

Hebreos 9:28

Cristo ãari inãmeax noko naxõi fistini. Yora ichapafoõnoax omiskõixõ noko nãxoni. Askafiax anã ãfe yorafoki oxii, noko ĩkisharapakexakĩ. Nãskakẽ anã nokoõnoax nanakama noko chaka soaxoxiki. Askatamaroko aõnoax nõ isharapakenaka.

1 Pedro 1:18

Akka mãto xinifãfe mato tãpimapaonifo keskarato mato nimapakexatiroma. Mãto xinifo Nioski mesepaonifoma. Ãakõi ipaonifo. Nãskakẽ mãri ato keskara ipaoni chaka shinãi. Mã askaito Niospa mato ifini mã anã chaka shinãyamanõ a mã ipaoni keskara Nios shinãmax. Akka shinãkapo. Mã mã tãpia a oro sharakõi mã Nios inãx mã aõnoax nĩpaxatiroma. Askatari kori exe mã inãx aõnoaxri mã nĩpaxatiroma.

1 Pedro 1:20

Epa Niospa mai onifatama ãfe Fake Jesús katoni noko nimapakexanõ. Nãskafekẽ fetsafãfe tãpiyopaonifoma, akka iskaratĩa Epa Niospa mã mato tãpimana.

1 Pedro 2:22

Cristokai afaa pishta chakafamisma, askatarikai tsoa pishta pãramisma.

1 Pedro 2:24

Cristo cruznoax noko nãxoni, nõko chaka noko soaxoxiki. Nãskakẽ nõ anã fanĩrira shinãtiro oa yora naa keskara nõ itiro mã noko chaka soaxonano nõ afe isharapakexanõ. Mãraki yora naato afaa shinãtiro. Nãskax mẽstekõi nõ isharakõitiro. Nã noko omiskõixoniõnoax nõ isharakõipakexanõ.

1 Pedro 3:18

Akka Cristo nokoõnoax omiskõiax nani nõko chaka noko soaxoxiki. Anãkai nanakama nai fistini. Sharakõifiano retenifo. Akka nõ chakakõifokẽ noko nãxoni. Apa Nios ano noko imapakexakĩ. Akka mã nafiax ãfe fero mẽsho nanima, anã otoni Ãpa Yõshi Sharaõnoax.

1 Juan 1:2

Apa Nios ariax nokoki Jesús fotoni. Fotokẽ nõ õikĩ feyafani. Nãfi afeskapishta nakama, nãfi nĩpanakakĩ. Apa Nios fe ikatsaxakĩ nokoki fotoni. Nãskakẽ nã nõ õia keskara nõ mato yoi.

1 Juan 1:7

Nios xafakĩakõi ikakĩ, afaa pishta chakafamisma. Ãfe õiti mẽra oa fakish keskarama, xafakĩa sharakõi ika. Akka nõri afe rafekõixõ, nõ ãfe meka nõ mẽra nanekõixõ, Niospa shinãi keskafakĩ nõri nõ shinãtiro. Nõ askara shinãx, nã Ifofaafo fe nõ ato fe rafetiro. Nãskax nõ xafakĩakõi nitiro, Niospa Fake Jesúsmãi noko nãxonikẽ. Ãfe imĩ nõko chaka noko soaxõfafãini keyokõi.

1 Juan 2:1

Efe yora mĩshtichi, ẽ mato shinãi. Mẽ mato Jesús Ifofamaxõ ẽ mato fakefai. Mato fakefaxõ ẽ mato kirika kene fomai, mã anã afarafo chakafanõma, shinãsharata mã inõ. Askara Niospa fichipai. Akka nõ chakafaino Niospa fichipaima. Nãskakẽ nõ anã afara chakafaxõ nõ nõko Ifo Jesucristo nõ yoitiro anã nõko chaka nõ soapaikĩ, nokomãi nikaito. Noko nikaxõ Apa Nios noko yoixoni iskafakĩ: “Epa, ẽ ato nãxoni. Eõxõ ato chaka soaxõfe, ãto chaka soapaikani kiki,” Apa fatiro. Nã fistimãi mẽstekõi ixõ, afaa chakafamisma. Nãskaxõ Apa Nios noko yoixotiro.

1 Juan 2:2

Noko nãxoni nõko chaka noko soaxoxiki. Noko fistima, keyokõiõnoax noko nãxoni. Nõko Ifo Jesucristo noko nãxoni. Nõko chaka noko soaxõfaini nani.

1 Juan 2:29

Mã mã tãpiakĩ Nios isharakõimiskĩ afaa chakafatama. Nã isharakõimisfo nãfo Epa Niospa imasharapakenaka ãfe fakefo inõ. Nafofi Epa Niospa fakekõifokĩ.

1 Juan 3:8

Akka nã afara chakafamisfo Satanás fe rafeafo. Nã Satanásmãi taeyoi õiti chakaya inino, iskaratĩari nãskara. Nãskaxõ Satanás keyokõi yorafo afara chakafamapai. Nãskakẽ Niospa ãfe Fake nokoki nĩchini. Noko nãxoxiki nokoki fotoni, nõko chaka noko soaxoxiki. Nomakinoa Satanás potatiro noko afara chakafamapaiyaito. Nãskakẽ Jesucristo Satanás finõinĩfofana.