1 Juan 3:10 - Yaminahua

¹⁰ Fetsafãfe afara chakafamisfo, afokai Niospa fakefoma. Afofi aa ranã noinãkanima. Askarafo Niospa fakefoma. Afofi Satanás fakefoki. Nãskakẽ Satanás fakefo nõ tãpitiro. Nãskafakĩri Niospa fakefo nõ tãpitiro.

1 Juan 3:10 ပူးပေါင်းရင်းမြစ်များ

Mateo 13:38

“Akka a tare ẽ yoiai mã tãpitiro nã maitio ẽ yoi. Akka nã fimi exe shara ẽ yoiai nã Nios Ifofamisfo ẽ yoi. Akka nã fana chakafo ẽ yoiai nã Satanás ifofamisfo ẽ yoi.

Lucas 6:35

Akka ẽ mato yoinõ, nikakapo. A mato noikaspaifãfe mãroko ato noikãfe, ato shara fakãfe. Afara ato inãxõ ea kopifafe iyamakãfe. Mã askai Epa Nios ari mã nokoaito matoki inimayanã afara sharafo mato inãxii. Nãskax mã Nios Sharapa fake mã iki. Nãfi tsoa keskaramãki sharafinakõiaki. Epa Nios sharakõi tsõa fayamafiaino ato noikõi. Nã yora chakafori ato noi.

Juan 1:12

Askafafiaifono a ifipaiyaifãfe Jesús ato yoini iskafakĩ: “Mã ea noikĩ chanĩmara faa. Nãskakẽ ẽfe Epa Niospa fakefo mã itiro ea chanĩmara faax,” ixõ Jesús ato yoini.

Juan 11:52

Jesúskai judeofo fistiõnoax naima. Mai fetsa ano ikafãferi chanĩmara faafono ato nãxoxii. Nãskata Niospa fake ixikakĩ noinãkõikanax, nã yora fisti keskara ixikaki.

Juan 8:44

Akka mãto epa Satanás. Mã ãfe fakekõifo. Nãskaxõ mãto epa apaiyai keskara mãri mã apai. Nãfi taeyoi retemitsamis iyopaoni. Afi iskaratĩa nãskara. Atokai afara shara yoimisma, chanĩkõi. Ãfe shinã mẽraxõ chanĩ fisti shinãmis. Nãskaxõ chanĩ fisti yoimis. Nã chanĩai shinãifãfe nã chanĩmis nãfi ãto apaki.

Juan 8:47

Nã Nios fe rafeafãfe Niospa meka nikatirofo. Mãkai Nios fe rafeama. Nãskaxõ mã ãfe meka mã nikaima,” ixõ Jesús ato yoini.

Hch. 13:10

Nãskaxõ yoini iskafakĩ: “Chanĩchakapa nĩafaka fake, nã sharafo mĩ noikaspamis. Mĩ chanĩmis ato pãrapaiyanã nõko Ifãfe mẽstekõi ato yoifimisno, akka anorima mĩ ato yoimis. ¿Afeskai mĩ xateimamẽ?

Romanos 13:8

Tsoa nimiyamakãfe. Askatamaroko noinãkãfe. Noinãi eneyamakãfe. Nã nõ yorafo noiaiõxõ Epa Niospa yoini keskarakõi nõ amis.

Efesios 5:1

Mã Niospa fakefokẽ mato noisharakõi. Nãskakẽ a keskara ikãfe, Ifofasharakõi.

Colosenses 3:14

Nãskakẽ nã ẽ mato yoiai keskai, keyokõi noinãkãfe, nõ noinãsharafinakõiaki. Nãskai nõ noinãx nõ isharakõitiro, nã nõko Ifãfe noko yoini keskai nõ noinãsharakõiax nõ nãskasharakõitiro.

1 Ti. 1:5

Niospa meka ato yoisharafe noinãnõfo. Mĩ ato yoiaito nikakĩ ãto õiti sharafanõfo. Askatari ãto chakafo Jesús ato soaxonõ, anã afaa pishta chaka shinãifomano, askatari Jesús chanĩmara fakõinõfo. Nãskax keyokõi shara faatanãkõinõfo.

1 Juan 2:29

Mã mã tãpiakĩ Nios isharakõimiskĩ afaa chakafatama. Nã isharakõimisfo nãfo Epa Niospa imasharapakenaka ãfe fakefo inõ. Nafofi Epa Niospa fakekõifokĩ.

1 Juan 3:1

Epa Niospa noko noikõi. Shinãfãi ikãfe. “Ẽfe fakefora,” noko famis. Akka nõ ãfe fakekõifo. Akka nã yora fetsafãfe Jesucristo shinãifoma Nios tãpiafoma. Nãskafakĩri nokori tãpiafoma, nõ Niospa fakefofiano.

1 Juan 3:2

Efe yora mĩshtichi, ea nikakãfe. Nõfi iskaratĩa Niospa fakekõifokĩ. Nãskakẽ afe keskarara chipo noko Niospa imai nõ tãpiama. Cristo fotoaito nõ õiax nã keskarakõi nõ iki, ãfe õiti keskarakõi.

1 Juan 4:21

Niospa noko yoimis: “Ea noixõ nã ea Ifofaafori noikãfe,” noko famis.

1 Juan 4:6

Akka nõfi Niospa yorafokĩ. Nãskakẽ a Nios tãpiafãfe noko nikakõitirofo nõ yoiai anori. Akka a Nios Ifofaafãfema a nõ yoiai anori nikatirofoma. Akka nõ tãpitiro ato mẽra Niospa Yõshi Shara naneano noko nikasharaifono. Ato mẽra nanexõ fanĩrira ato shinãmanima. Akka a noko nikaifoma ato mẽra Satanás nanea. Satanás ato mẽra nanexõ fanĩrira ato shinãmani. Satanás chanĩ finakõia. Nãskax õiti chakaya.

1 Juan 4:8

Niospa yorafo noikõia. Nãskaxõ ato noikĩ noko tãpimatiro. Akka a yorafo noiaifãfema, Nios tãpiafoma.

1 Juan 5:19

Mã nõ tãpia nõ Niospa fake. Akka fetsafãfe Nios nikakaspaifono, afo Satanás ato shinãmani ãto ifo inõfo.

1 Juan 5:2

Nõ Nios noikõikĩ noko yoiai keskara nõ nikai. Nãskaxõ mã nõ tãpia nõ Niospa fakefori noikõi.

3 Jn. 1:11

Yamã, õiti chakayafo keskara mĩri iyamafe. Akka a õiti sharayafo keskara mĩri ife. A ato sharafamisfo Niospa fakefokĩ. Akka a ato chakafamisfo Nios tãpimisfoma afe keskaramãki.