1 Juan 2:10 - Yaminahua

¹⁰ Akka nõroko nofe yorafo noi, nõ xafakĩakõi iki. Nõ shinãsharata nõ ikax, nõ anã fenotiroma. Nãskakẽ nõ xafakĩakõi iki, afaa pishta chaka shinãtama.

1 Juan 2:10 ပူးပေါင်းရင်းမြစ်များ

Mateo 18:7

Askafata Jesús aõxõ tãpimisfo yoini iskafakĩ: “Mẽxotaima ea chanĩmara faafãfema yorafo chakafamapaimisfo. Akka fẽtsa fetsafo chakafamax omiskõi finakõixikani.

Juan 11:9

Jesús anã ato kemani: “Penata nõ õisharatiro. Xinĩ chaxaino nõ õisharatiro. Nãskax nõ otisikax nõ paketiroma. Nãskarifiakĩ pena tii Niospa ea amapaiyai keskara ea tãpimani. Nãskaxõ ea kexeano ẽ mesetiroma.

Juan 12:35

Askafaifono Jesús ato yoini: “Ẽ nono ika pena keskara shara. Nãskakẽ ẽ anã mato fe nono ifãinakama. Ẽ mato yoiaito nikasharakãfe fenoxikakima. Pena yamaino fakish itiro. Nãskakẽ yora fenotiro. Tsõa fakish mẽra õitiroma, fãi kai fenotiro. Nãskarifiai a chaka shinãmis fenotiro. Fenokĩ tãpitiroma afeskax Nios fe rafetiromãki.

Juan 8:31

Nãskaxõ Jesús a chanĩmara faafo yoini: “Ẽ mato yoiaito mã ea nikasharakõiax mã eõxõ tãpimiskõifo mã itiroki.

Romanos 14:13

Nãskakẽ a mato feta Jesús chanĩmara faafo mekafakĩ chakafayamakãfe. Iskafakĩ shinãkãfe: “Nõ afara chakafaito õikaxõ akairi chakafatirofo. Nãskakẽ nõ afaa chakafapaima akairi afaa chakafayamanõfo.”

Filipenses 1:10

Nãskaxõ afara sharakõifo tãpixõ katonõfo. Nãskakanax isharakõitirofo, afaa chakakai matoõ netiroma, matoõnoari afara chaka yoitirofoma mã Cristo oaino.

2 Pe. 1:10

Nãskakẽ efe yora mĩshtichi, Niospa mato ifikĩ mato shinãmani mã afe yorakõifo mã inõ. Nãskakẽ afe yorakõi isharapaikõikãfe. Shinãsharata isharakõikãfe. Askafaax mã anã afara chakafo ifofaima.

1 Juan 2:11

Akka a afe yorafo noikaspaifo, afokai sharama. Fakish mẽra niafo keskara. Afaakai shinãkanima. Ãto chaka xatekaspakani. Askafikaxõ afaa tãpiafoma, fenokõiafo.

1 Juan 3:14

Nõ yorafo noikõixõ nõ tãpitiro nõmãi Niospa fakefoxõ. Nãskakẽ a omiskõipakenakafo mẽra katama, afe nõ ipanaka. Akka a yora fetsafo noikaspai, afokai Niospa fakema. Nios fe rafeamax afe ipanakama.