1 Juan 1:8 - Yaminahua

⁸ Akka nõ yoikĩ iskafamis: “Ẽ afaa chakafamisma,” ifiax nõa nõ pãramemis. Nãskax nõa nõ chanĩkõimis. Nõko õiti mẽra Niospa meka naneama.

1 Juan 1:8 ပူးပေါင်းရင်းမြစ်များ

Juan 8:44

Akka mãto epa Satanás. Mã ãfe fakekõifo. Nãskaxõ mãto epa apaiyai keskara mãri mã apai. Nãfi taeyoi retemitsamis iyopaoni. Afi iskaratĩa nãskara. Atokai afara shara yoimisma, chanĩkõi. Ãfe shinã mẽraxõ chanĩ fisti shinãmis. Nãskaxõ chanĩ fisti yoimis. Nã chanĩai shinãifãfe nã chanĩmis nãfi ãto apaki.

Romanos 3:10

Niospa meka yoikakĩ kirika kenenifo iskafakakĩ: Tsoa pishtakai nã Niospa yoia keskara famisma.

Romanos 3:23

Keyokõichi mã nõ chakafamis. Tsoa Nios keskarama. Nios sharakõi. Afaakai chakafamisma. A keskarakai tsoama.

1 Corintios 3:18

Efe yora mĩshtichi, iskafakĩ shinãyamakãfe: “Nã Jesús chanĩmara famafãfe kirika raiskakĩ afama mĩshti tãpisharakõiafo. Nõri ato keskaraxõ anori shinãkĩ tãpikõia,” ixõ anori shinãi mã pãrameyamakãfe. Jesús chanĩmara famafãfe shinãkakĩ iskafakani: “Nã Jesús chanĩmara faafãfe shinãsharakanima,” ixõ nokoõnoa yoimisfo. Matoõnoa anori yoifiaifono Niospa mato mẽstekõi shinãmasharapai mã shinãtiro.

Gálatas 6:3

Akka fẽtsa shinãkĩ iskafai: “Ẽ sharakõi. Ẽkai tsoa yopaima ea Nios kĩfixonõ,” ixõ shinãi. Nã keskara yorakai afama, ãakõi pãramei.

1 Ti. 6:5

Akka a feratenãmisfãfe anorima fisti shinãmisfo. Mã Nios shinãyopaofinixakakĩ anã shinãsharatirofoma. Anã ato yoisharatirofoma mẽstekõi. Afãfe shinãfo: “Nõ Nios Ifofakatsaxakĩ nõ kori ichapaya itiro,” ixõ shinãmisfo anori Niospa yoiamafiano. Akka fẽtsa shinãi iskatiro: “Ẽri a keskara shara ipai,” ixõ shinãtiro.

2 Timoteo 3:13

A yora chakafãfe ãa ato pãrakani. Askatari chipo ato pãrakĩ finakõixikani. Nãskakẽ afara chakafakĩ ato pãraifãfe õikĩ Satanásri ato pãraxii.

Stg. 1:22

Ãfe meka fisti nikakãkima nã Niospa yoini keskakõiri akãfe. Mã mã nikafi mã askayamai mãa mã pãramei, “Nõ Nios Ifofara,” ixõ shinãkĩ.

Stg. 1:26

Akka fẽtsa shinãkĩ iskafai: “Ẽ Jesús Ifofasharai,” ifiakĩ meka chaka fisti yoimis ãa pãrameyanã. Askara yõrakai Jesús Ifofasharama. Akikikai Nios inimaima. Nã keskara yõrakai tsoa õimatiroma afeskax isharatiromãki. Atokairoko Nios Ifofaxõ ato õimaxiki.

Stg. 3:2

Akka fake yome rama finipai paketiro kerex sharaxma. Nãskarifiakĩ nõko mekapa nõ afara chakafatiro, Nios Ifofasharaxoma. Akka fẽtsa meka chaka yoikĩma meka shara fisti yoifafãini nã keskaratokai afaa fetsa chakafaima ãa kexemesharatiro. Akka shara ifiakani tsoa shara imisma, afara chakafamisfo.

2 Pe. 2:13

Fetsafo omiskõimakatsaxakakĩ afori omiskõixikani. Afãfe afarafo chakakõifo fakakĩ sharakõimeyokani. Akka nã mato pãramisfo mato fe ichanãfo Jesús nikayamafikatsaxakakĩ. Anoxõ mato feta piyanã mato pãrapaikani. Akka mãfi askaramakĩ mã noinãsharakõita ano fisti ichanãxõ mã piisharamis. Mã askafiaito a ato pãramisfo mato fe ichanãpaikani mato fanĩrira chakafo yoipaikani mã anã shinãsharanõma. Inimakõiyanã nã mato pãrapaiyai fisti yoipaikani.

1 Juan 1:10

Niospa yoimis: “Keyokõi yorafãfe chakafamisfo,” noko famis yoikõikĩ. Noko askafafiaino, “Ẽkai afaa pishta chakafamisma, ẽ chaka shinãima,” ixõ yoikĩ nõ Nios chanĩmara faima, “Ãa chanĩra,” nõ Nios fai. Nãskakẽ ãfe meka nõko õiti mẽra naneima.

1 Juan 1:6

Akka anorima shinãi yora fetsafo iskakani: “Ẽ Nios fe rafea,” ifiaxõ a Niospa yoiai anori shinãima ãa chanĩ anorima yoi. Ãfe õiti sharama xafakĩakõi ikama, fakish keskara a Niospa yoiai anori shinãyamafi.

1 Juan 2:4

Yora fetsafo iskai: “Ẽ Cristo fe rafea,” ifiaxõ ãfe meka nikama, ãa akikiri kẽtapamis, mẽstekõi ikama.

1 Juan 4:20

Akka fetsafo iskakani: “Ẽ Nios noi,” ifiaxõ a Nios Ifofaafo noima, anorima yoimisfo. Mã afe yorafo õifikĩ atokairoko noikatsaxakakĩ, Niosri noisharakanima askara õiroko fakatsaxakakĩ.

2 Juan 1:2

Nõ mato noikõi Jesúsmãi nofe rafeano. Akka nã Jesús nofe rafepakenaka.

3 Jn. 1:3

Mẽ mia nikamis mĩ Nios potakaspakõiaito. Nãskaxõ a Ifofafo mĩ ika anoax ekeki nokokaxõ ea iskafamisfo: “Nã Gayopa Niospa meka nikasharai,” ixõ ea yoimisfo. Nã nikai ẽ mikiki inimai finakõi.