1 Corintios 9:12 - Yaminahua

¹² Fetsafãfe Jesúsnoa mato yoiaifono nikakĩ nã yopaifo mã ato inãmis. Akka nõ mato taefakĩ yoiyoni. Nãskakẽ mã noko afama mĩshti inãtiro fetsafo finõmainĩfofã. Mã noko afama mĩshti inãfitirokẽ nõ mato afaa yõkamisma. Nãskaxõ nõ tenemis. “Nõ ato kori yõkaito anã noko nikapaitirofoma,” ixõ nõ shinãmis. Nãskakẽ nõ mato afaa yõkapaimisma.

1 Corintios 9:12 ပူးပေါင်းရင်းမြစ်များ

Lucas 11:52

“¡Ooa a Moisés yoikĩ kirika keneni keskara ato tãpimamisfãfe! Niospa meka shara oa onea keskara mã faa yorafãfe tãpinõfoma. Mãkai Niospa meka tãpisharama. Nãskaxõ fetsafãfe nikapaifiaifono mã ato nikatimafai. Nãskakẽ Niospa mato omiskõimakĩ finakõixii,” ixõ Jesús ato yoini.

Hch. 18:3

Nã Pablo nã akaifo keskafakĩ akairi pexe fakãki tãpia ini, karapa pexe fakĩ. Nãskakẽ nãno ato fe nẽteni, ato feta yonoxiki.

Romanos 15:22

Akka ẽ mato ari kapaimis. Ẽ mato õikapaifi ẽ kamisma. Afara fẽtsa ea katimafamis.

1 Corintios 13:7

Askaxori afara afe keskararafiaino nõ Nios noikĩ nõ shinãchakatiroma. Nõ tenetiro. Askatari ato noikõikĩ atoõnoa afara chaka yoiaifono nikakĩ nõ chanĩmara fatiroma. Akka fetsafoõnoa chaka nikafixõ nõ tãpixoma, “Afaa chakafayamapainõfora,” ixõ nõ shinãtiro ato noikĩ. Askatari a mẽxotaima chakafaifoõnoa atoõnoa nõ yoitiroma iskafakĩ: “Nãfãfe mẽxotaima afara chakafaifono Niospa ato chaka soaxotiroma,” ixõ nõ yoitiroma. Askatamaroko nõ iskafatiro: “Nios Ifofakakĩ ãto chaka xatetirofo,” ixõ nõ shinãtiro ato noikĩ. Nãskaxori afara afe keskararafiaino nõ Nios noikĩ nõ kachikiri fatiroma.

1 Corintios 6:7

Mã ranã mã fochispanã faatanãx nã Nios Ifofaafomaki mã atoki chanimis. Akka askarakai sharama. Nãskakẽ Jesús Ifofaa fẽtsa mato chakafaito kopitamaroko a Jesús Ifofaafomaki mã chanitiroma. Nãskax mã shara itiro. Askatari a Jesús Ifofaa fẽtsa matoki yometsoano nã Jesús Ifofaafomaki mã chanitiroma ãa matoki yometsonõfo. Nãskax mã shara itiro.

1 Corintios 9:14

Nãskarifakĩ nõko Ifãfe yoini iskafakĩ: “Fẽtsa ẽfe meka shara fetsafo yoiaito nikakakĩ nã nikaifãfe a yopaifo ato inãtirofo,” ixõ nõko Ifãfe yoini.

1 Corintios 9:15

Nãnori nõko Ifãfe yoifinikẽ ẽ mato afaa pishta yõkamisma. Mato Niospa meka yoifikĩ ẽ mato kirika kene fomaima: “Ea kori inãnõfora,” ixõ. Nãskakẽ tsõa ea yoikĩ iskafatiroma: “Pablo ato kori fĩapaikĩ ato Jesucristoõnoa yoimis,” ixokai tsõa eõnoa anori yoitiroma. “Akka Pablo ato kori fĩamiski ato Jesucristoõnoa yoikĩ,” ea mã faito ẽ rãfipaitiro. Nãskaxõ ẽ mato afaa pishta yõkamisma: “Pablo kori fia,” mã ea fanõma.

1 Corintios 9:16

“Ẽ mato afaa yõkatama Jesúsnoa ẽ mato yoimis. Nãskakẽ ẽ sharafinakõiakĩ,” ixokai ẽ yoitiroma kakapaiyanã. Akka Niospa ea katoxõ ea nĩchini ẽ Jesúsõnoa ẽ yoifafãinõ. Akka ẽ Jesúsõnoa yoiyamaito Niospa ea omiskõimatiro.

1 Corintios 9:18

Akka ẽ Niospa meka shara yoimiskẽ, ¿afaa ea Niospa inãimẽ? Ato Niospa meka yoixokai ẽ afaa ato yõkamisma. Askaxorikai ẽ ato yoimisma iskafakĩ: “Niospa mato yoikẽ Jesúsnoa ẽ mato yoifafainaito a ẽ yopai ea inãnõfora,” ixokai ẽ ato yoimisma. Akka ẽ Niospa meka ato yoipai afaa yõkaxoma. Nãskax ẽ inimasharakõi Epa Niospa ea inimamaino.

1 Corintios 9:2

Fetsafãfe shinãkakĩ iskafamisfo: “Niospakai Pablo nĩchiama Jesúsnoa noko tãpimanõ,” ixõ anori yoimisfo. Fetsafo mekaino anori shinãyamakãfe. Ẽ mato yoiaito mã nõko Ifo Jesús chanĩmara fai. Nãskakẽ mã tãpitiro chanĩma Niospa ea nĩchini ẽ mato Jesúsnoa yoinõ.

2 Co. 11:12

Nã ẽ mato yonoxomis chãi ẽ mato afaa fĩapaimisma. Iskaratĩari ẽ mato afaa yõkaima. Nãskaxos ẽ mato yonoxoni nã chanĩmisfo mã anã ato chanĩmara fanõma. Nã ẽ yonoaito õikaxõ fetsafãfe yoimisfo iskakakĩ: “Nõri Pablo yonoai keskafakĩ nõ yonoi,” ifiakaxõ afãfekai ẽ yonoai keskafakĩ tsõa yonomisma.

2 Co. 11:20

Mato yoimisfo ãto yonomati keskarakõi mato fakaxõ, askatari mato kaxpa yonomamisfo. Nãskatari mato pãramisfo, askatari mato chakafamisfo, askatari mato ĩchamisfo. Mato askafaifono mã tenekõimis.

2 Co. 2:12

Akka ẽ mato eõnoa tãpimapai. Ẽ pexe rasi Troas ano kani meka shara Cristoõnoa ato yoikai. Cristoõnoa nikapaikõinifo. Nãskano nõko Ifãfe ea atoki nĩchini ẽ ãfe meka ato yoinõ.

2 Co. 6:3

Nõkai mato afaa chaka yoipaima tsõa noko chakafayamanõfo. Akka nõ chaka niaito õikaki a Nios chanĩmara faamafãfe noko mekafatirofo. Nãskakẽ nõ afaa chakafapaima.