1 Corintios 7:10 - Yaminahua

^10-11 Askata iskaratĩa feronãfake ãfiya ẽ yoipai, xotofãke feneyari ẽ yoisharapai. Ẽa ẽ mato yoima. Nõko Ifoõxõ ẽ mato yoi iskafakĩ, kẽromã fene enetiroma. Mã fene eneax fetsa fe fianãtiroma. Ares itiro. Akka askayamai anã feneki kematiro. Askara shara itiro. Askatari feronãfãke ãfi enetiroma.

1 Corintios 7:10 ပူးပေါင်းရင်းမြစ်များ

Mateo 5:32

Akka anori Moisés yoifinikẽ anã meka fetsari ẽ mato yoinõ. Tsõa ãfe ãfi chotayamafiano, feronãfake ãfe ãfi eneano nã kẽro feronãfãke fetsa fe chotanãi chakanai. Askatari feronãfake fẽtsa nã kẽro fĩax chakanai ãfe ãfikõima chotai,” ixõ Jesús ato yoini.

Marcos 10:2

Ato yoikĩ askafaino fariseofo Jesús ano fenifo. Akiki fẽkaxõ chakafakĩ mekamapaikani. Nãskaxõ yõkanifo iskafakĩ: “Nõko xinifãfe Niospa meka yoikĩ kenenifo keskafakĩ, ¿feronãfãke ãfe ãfi enepaikĩ enetiromẽ?” ixõ yõkaifono,

Lucas 16:18

Anã Jesús ato yoini iskafakĩ: “Akka fẽtsa ãfe ãfi enexõ, fetsa fia sharama. Chakafai. Askara sharama. Askatari mã fenẽ enea feronãfake fẽtsa fĩari sharama. Nãatori chakafai ãfe ãfimakõi fe ikĩ,” ixõ Jesús ato yoini.

1 Corintios 7:12

Nãskakẽ iskaratĩa keyokõi ẽ mato yoisharapai. Na meka ẽ mato yoiai Niospa ea yoiyamafekẽ ẽa mẽstekõi shinãkĩ ẽ mato yoi. Feronãfãke Jesús Ifofaino ãfe ãfinĩ Jesús Ifofaxoma fene noikĩ fene enepaiyamaino fenẽ ãfe ãfi potatiroma.

1 Corintios 7:15

Akka feronãfãke Jesús Ifofayamakẽ ãfinĩ Jesús Ifofaito fenẽ enepaikõikĩ enetiro. Nãskax kapaiyaito nẽtefayamafe. Katanõ. Mã nẽtefaino fekaxtetiroki. Askatari kẽromã Jesús Ifofayamakẽ fenẽ Ifofaito kẽromã enepaikõikĩ enetiro. Kapaiyaitori nẽtefayamafe. Katanõ. Mã nẽtefaino fekaxtetiroki. Niospa noko katoni nõko shinã mẽraxõ afanã noko fekaxtefanõma nõko õiti tanaimakõi shara inõ.

1 Corintios 7:25

Akka iskaratĩa afara fetsa anã ẽ mato yoipai mã ea yõkaita. Feronãfakefo ãfimaisfoya kẽrofo fenemaisfoõnoa ẽ mato yoi. Ẽ mato yoiai keskara nõko Ifãfe ea yoiyamafixõ ea noikĩ ea nĩchini ẽ ãfe ina inõ. Nãskakẽ ẽ mato yoiai keskara mã chanĩmara fatiro.

1 Corintios 7:40

Nãskatari ẽa ẽ shinãkĩ iskafai. Mã fene naano fetsa fe fianãmax nãskarari sharakõi itiro. Ẽ shinãi Niospa Yõshi Sharapari nonorikõi mato yoipai.

1 Corintios 7:6

Ẽ mato, “Fianãkãfe,” ixõ ẽ mato yoima. Akka mã fianãpai mã fianãtiro.