1 Corintios 4:8 - Yaminahua

⁸ Mã shinãkĩ iskafamis: “Nõ Niospa meka tãpikõia. Nõ fetsafo finõkõia. Nãskaxõ nõ anã tsoa fichipaima noko tãpimanõ. Nõfi Cristo fe xanĩfo keskaraki. Nõ yorafãfe ãto ifo keskarakĩ,” ixõ mã shinãi. Nãskapainõra mã xanĩfokõifo iki. Mã xanĩfokõifo ikaino nõri mato fe xanĩfo ikerana. Akka nõ xanĩfoma. Noko tsõa ifofaima.

1 Corintios 4:8 ပူးပေါင်းရင်းမြစ်များ

Mateo 5:1

Yorafã rasi akiki feaifono õi Jesús ato paxafãini kaax, machi pochinĩ tsaoni. Tsaoano ãfe meka tãpipaimisfo akiki fenifo. Ãfe meka nikai fekani. Akiki feafono ato yoikĩ iskafani:

Lucas 6:25

“Ooa. Iskaratĩa afara ichapayax mã inimakõiyoi; akka chipo mã fonãixii. Askatari iskaratĩa mã fitsakõiyoi; akka chipo shinãmitsai mã oiaxii.

Hch. 26:29

Askafaito anã Pablo yoini: “Iskaratĩa iyamai afetĩara ea keskara mĩ inõ ẽ fichipai, askatari nã mã ea nikaifo keyokõi ea keskara mã inõ. Nõko Ifo Jesús Ifofai nãskafiax karaxa mẽra mã ikiyamanõ ẽ imis keskai. Nãnori ẽ mato Epa Nios kĩfixomis,” ixõ Pablo ato yoini.

Romanos 12:3

Epa Niospa ea noikĩ ea yoia ẽ mato tãpimanõ. Nãskakẽ ẽ keyokõi mato yoisharapai. Kakapaimis iyamakãfe. Niospa mato imapaiyai keskara fisti shinãkãfe. Afaa fetsa shinãyamakãfe. Niospa mato shinãmana keskara fisti matoõnoa shinãkãfe. Mẽstekõi matoõnoa shinãkãfe. Mã Nios chanĩmara fakĩ shinãkãfe iskakĩ: “Ea Niospa imapaiyai keskara ẽ ipai,” ixõ shinãkãfe.

1 Corintios 1:5

Chanĩma, Jesucristo mato fe rafesharaino aõxõ mã Niosnoa tãpisharakõitiro. Akka ãfe shinãõxõ xafakĩa mã yorafo mã yoisharatiro. Jesucristoõnoa mã ato yoisharatiro.

1 Corintios 4:18

Mẽ tãpia mã ranãrito shinãkĩ iskafai: “Pablo Timoteo nokoki nĩchi nokoki mesekĩ. Ãakai nokoki opaima. Akka nõ keyokõi tãpikõia. Nõ Pablo yopaima,” ixõ mã shinãi. Askai mã kakapaimis.

1 Corintios 5:6

Ooa, mã iskamis: “Nõ sharakõi,” ixõ mã shinãfikĩ mãkai nã feronãfake mato mẽranoa mã potapaima afara chakafafiaito. ¿Mã tãpiamamẽ, yora fistichi mato mẽra ixõ afara chakafaito mã xatemayamax aõnoax keyokõi mã chaka itiro?

2 Co. 11:1

Iskaratĩa ẽ mato yoinõ, nã yora shinãsharayamaito yoiai keskara nãnorikõi ẽ mato yoifikĩkai askarakõi ẽ mato yoima. Nã mã ea nikamis keskafakĩ iskaratĩa ea nikasharakãfe.

2 Co. 13:9

Akka fetsafãfe nõ afama noko askafakĩ shinãfiaifono nõ shinãchakaima. Akka mã Jesúsnoax isharakõikẽ nõ fãsi inimakõitiro. Akka nõ mato Epa Nios kĩfixona mã a keskara sharakõi inõ.

Gálatas 6:3

Akka fẽtsa shinãkĩ iskafai: “Ẽ sharakõi. Ẽkai tsoa yopaima ea Nios kĩfixonõ,” ixõ shinãi. Nã keskara yorakai afama, ãakõi pãramei.

Filipenses 1:27

Akka shinãsharata isharakãfe. Nãskaxõ na meka shara Jesucristoõnoa chanĩmakõi yoixikakĩ. Mã askaito ẽ mato õikanõ, askayamai chai ixõ ẽ matoõnoa nikakĩ ẽ tãpitiro mã Jesús Ifofasharaino nãskara fisti shinãkaxõ. Nãskaxõ keyokõi Niospa Yõshi Sharaõxõ fetsafo mã ato Jesús chanĩmara famaxikãki.

Filipenses 2:12

Nãskakẽ ẽfe yora mĩshtichi, ẽ mato fe ixõ ẽ mato yoiaito mẽxotaima mã ea nikapaoni keskafakĩ, ea nikakĩ finakõikãfe iskaratĩa ẽ chai ikakĩ nono karaxa mẽra. Jesús mãto chaka mato soaxonõ isharakõita shinãsharakõikãfe afe ĩpaxakakĩ kachikiri fakakĩma. Nãskakẽ meseyanã nikakĩ finakõifafãikãfe Niospa mãto chaka mato soaxonõ.

Apocalipsis 3:17

Akka mã yoimis iskafakĩ: “Ẽ afara ichapaya. Ẽ afaa yopaima. Ẽ Niospa mekari tãpifinakõia,” ixõ, anori mã yoifiax mã tãpiama mã chaka imis. Ooa. Ea mã yopafikĩ mã kakapaimis. Niospa ãfe Yõshi Sharapa mato imapaiyai keskara mã ikama. Mã katsa keskarakĩ. Mã imis keskara mẽ tãpia. Akka ẽkai askara fichipaima. Askafixõ ẽ matoõnoa shinãi keskara mãkai tãpiama. Mã nã fẽxo keskarafo. Fẽxo afara õitiroma. Nãskarifiai mãri ẽfe mekakõi nikasharamisma. Mã yora chitoria keskarafo. Akka mã tãpiama mã chitoria keskara. Yora chitoriato rapati yopai chitoria ixikima. Nãskarifiakĩ mã ea yopaima keskara ea yopafikĩ.