1 Corintios 4:3 - Yaminahua

³ Nios fistichi tãpikõiakĩ nã ea yoia keskara ẽ aki. Akka yorafãfe ea mekafakĩ chakafakani. Akka fetsafãferi ea yoisharakani. Nãskanõki ãa ea mekafanõfo. Ẽ ãto yonomatimaki. Akka ẽ Niospa yonomatiki. Akka Nios fistichi tãpia ẽ yonoxosharakõiaito. Yorafãfekai tãpiafoma. Ẽrikai tãpiama.

1 Corintios 4:3 ပူးပေါင်းရင်းမြစ်များ

Juan 7:24

Nãskakẽ a yõra afara shara fakẽ õixõ yoikĩ iskafayamakãfe: ‘Nãto afara chakafai kiki,’ fayamakãfe. Mẽstekõi yoisharakãfe,” ixõ Jesús ato yoini.

1 Corintios 2:15

Akka fatora fetsa Niospa Yõshi Shara afe ikano Niospa tãpimapaiyai keskara tãpitiro. Fatoforimãkĩ chaka shinãifo, askatari fatoforimãkĩ shara shinãifo Niospa Yõshi Sharapa ato tãpimatiro. Nãskakẽ a Niospa Yõshi Shara fe rafeyamato a Jesús chanĩmara faifo ato tãpitirofoma.

1 Corintios 3:13

Nãskarifiai Nios nã pẽxe ifo keskara. Niospa meka yoimisfo nã pexe ifo pexe faxõaifo keskarafo. Fetsafãfe shara faxomis, fetsafãferi shara faxomisma. Nãskaxõ anã oaitĩa Cristo noko õimaxii nã nõ axomis keskara fatofo keyonakamakĩ. Akka fatofori nipanakafomãkĩ. Noko õimaxii afeskaxõ nõ Nios yonoxonamãki. Fẽtsa Jesús Ifofasharaxoma ãa shinãxõ Niospa meka ato yoisharaima, tãpisharaxoma ato yoisharatiroma. A yoiai keskara sharama, ifi kerexma keskara, samama keyotiro. Akka fẽtsa Niospa mekakõi ato yoi. Niospa shinãmanaino ato tãpimani. Nã tokiri kerexkõi keskara keyotiroma.

1 Corintios 4:2

Akka ãfe inafãfe ãfe ifo nikakõitirofo. Ãto ifãfe ato yoia keskara axosharatirofo. Akka nõfi Cristo ãfe inafoki. Niospa noko yoini iskafakĩ: “Ẽ mato yoia keskara ato yoikãfe ato fomãkakĩma. Ato yoikãfe xanikakĩma,” ixõ noko yoimis.

1 Corintios 4:4

Ẽfe shinã mẽraxõ ẽ shinãi iskafakĩ: “Ea Niospa yoiai keskara ẽ aki,” ixõ ẽ anori shinãfiaino nõko Ifo fistichi ea tãpikõia a ea yoia keskara ẽ ayamakĩ ẽ akima.