1 Corintios 3:8 - Yaminahua

⁸ Akka taefakĩ fetsafo Jesús chanĩmara famano, a chipo ato yoiaitori nãnorikõiri ato yoi. Nã rafetamãi nãnorikõi shinãkakĩ Niospamãi ato shinãmanaino. Nãskakẽ ato Jesúsnoa yoixikani a Ifofasharanõfo. Nãskatari Niospa a yonoxonafo ato afara inãxii. Fetsa ichapa inãta fetsafori ichapama inãxii yonoxosharafomano.

1 Corintios 3:8 ပူးပေါင်းရင်းမြစ်များ

Mateo 16:27

Akka ẽfi Niospa Fakekĩ yorakõiri. Nãskakẽ sharafinakõia chaxapakefofãxii ẽfe ãjirifo fe nai mẽranoax mai ano okĩ. Mẽ oax ẽ ãto xanĩfo finakõia ẽ ixii. Nãskakẽ nã afara shara famisfo ẽ ato inãsharakõixii ẽ atoki inimakõikĩ. Akka nã afara chakafamisfo afara shara ẽ ato inãsharakõima. Ẽ ato omiskõimaxii.

Lucas 19:19

Nãskafaino nãri kemakĩ iskafani: ‘Mĩri cinco pexe rasi anoa xanĩfo ikikai,’ fani.

Romanos 2:6

Nã nõ imis keskara Niospa tãpikõia. Nãskax nõ naano keyokõi noko kopifaxii mã nõko mai keyoaino.

1 Corintios 15:58

Akka efe yora mĩshtichi, afara fetsa shinãyamakãfe. Niospa noko imapaiyai keskara nã fisti shinãsharakãfe. Jesús Ifofasharakãfe. Nõko Ifo Jesús yonoxosharafafãikãfe. Mã mã tãpia nõko Ifoõxõ nõ yonoai kaxpa nõ yonomisma, nõko Ifomãi noko amakẽ. Nãskakẽ nõ aõxõ ato axosharatiro nõ kaxpa ato axõima.

1 Corintios 3:14

Nãskatari fatotora Nios yonosharaxonano Niospa afara shara inãsharaxii nã Jesús oaitĩa.

1 Corintios 3:7

Nã ẽ mato yoiaito mã nikai keskara Apolos feta nõ afaa tãpiama. Akka Nios fistichi yorafo shinãmasharatiro ãfe meka tãpisharakõinõfo.

1 Corintios 3:9

Efe yora mĩshtichi, ẽ meka fetsa mato yoipai. Tarepa ifo fistifiano fetsafãferi yonoxotirofo. Askatari pexe ifo fistifiano fetsafãferi yonoxotirofo. Nãskarifiai mãfi Niospa ãfe tare keskarafokĩ. Askatari mã ãfe pexe keskara. Nios fisti mãto Ifo. Akka nõri Apolos feta yonoxomiski. Noko yoiai keskara nõ mato tãpimasharani ãfe meka mã nikasharakõinõ.

1 Corintios 4:15

Yora ichapato mato Cristoõnoa tãpimakani. Akka ẽ taefakĩ mato Cristoõnoa tãpimayoni. Nãskakẽ mã Cristo chanĩmara fani. Eõnoax mã Niospa fakekõifo. Nãskatari ẽ mãto epa keskarakõi. Fetsafãfe Cristoõnoa mato tãpimafiaifono afokai mãto epa keskarama. Akka ẽ fisti mãto epa keskarakõi.

1 Corintios 9:7

Anã meka fetsari ẽ mato yoinõ. Sorarofãfe kaxpa yonokanima. Ãto xanĩfãfe a piaifo ato inãkani. Askatari ato kori inãkani. Nãskarifakĩ yora tare fanamisto ãfe tare foaisharano ãfe yono pitiro. Askatari fakka kexemistori ãfe fakka chocho fĩaxõ ayatiro. Nãskarari a Jesúsnoa yoimisfãfe a piaifo fitirofo pixikakĩ tsõa kopifaxoma.

Gálatas 6:4

Akka nõ nõko shinã mẽraxõ nõ shinãtiro nõ Jesús yonoxõsharaimãkai. Akka nõ yonoxõsharai mã nõ tãpiax nõ inimasharatiro. Nãskakĩ nõ shinãkĩ iskafatiroma: “Na fetsafãfe afara chakafaifo keskafakĩ ẽ afaa chakafamisma,” ixõ nõ shinãtiroma.

Gálatas 6:5

Akka keyokõichi nõ afara chakafamis. Nãskaxori keyokõichi nõko shinã mẽraxõ nõ shinãtiro a nõ afara chakafamis keskara. Tsõakai a Niospa noko amapaiyai keskara noko amatiroma, nõakõi nõ atiro.

Hebreos 6:10

Akka Epa Nios sharakõi. Afaa chaka shinãmisma. A mã sharafamis Epa Niospa tãpia, shinãmakima. Askatari mã Nios noikĩ a chanĩmara famisfo mã ato axosharamis. Nãskakẽ Epa Nios shinãmakima.

1 Pedro 5:4

Mã askaito a noko kexemis, nõko Ifo Jesucristo anã nãmã fotoxõ mato õisharaxii. Nãskaxõ mato afara shara inãxii a keyonakama. Nãskakẽ mã afe ĩpanaka.

2 Juan 1:8

Mãri ato keskara iyamakãfe. Shinãfai ikãfe ato keskarama. Mã askakĩ mã ato Nios yoisharaimano tãpitirofoma, fenotirofo. Akka ato Niospa meka mẽstekõi ato yoisharakõikãfe Nios tãpisharakõinõfo. Nãskakẽ mãri afara shara a Niospa mato mekexona mã fitiro, mã Nios yonoxosharakĩ.

Apocalipsis 2:23

A kẽromã shinãi keskarari shinãifo ẽ ato retexii. Ẽ askafaito, õikani a ea Ifofamisfo mai fetsafo arixõ tãpitirofo ẽ keyokõi yorafo ẽ tãpisharakõia. Mãto õitinĩ a mã shinãi anori mẽ tãpikõia. Tsõakai afaa pishta ekeki onetiroma. Ẽ keyokõi tãpikõia. Nãskakẽ mã afarafo shara famis ẽ mato shara faxii kopifakĩ. Akka a afarafo chakafamisfo ẽ ato omiskõimaxii kopikiri.

Apocalipsis 22:12

Nãskaxõ Jesús anã yoia iskafakĩ: “Ea nikasharakãfe. Ẽ matoki samama nokorisai. Nokoxõ ẽ mato yoiyoa keskara ẽ mato inãsharaxii. Nã afara shara famisfo ẽ ato shara fata nã afara chakafamisfo ẽ ato omiskõimaxii.