1 Corintios 2:5 - Yaminahua

⁵ Akka yõra shinãõxõ mã Jesús chanĩmara fayameama. Niospa shinãõxõ mã chanĩmara fayamea.

1 Corintios 2:5 ပူးပေါင်းရင်းမြစ်များ

Hch. 16:14

Nãnoa fetsa ãfe ane Lidia ini pexe rasi Tiatira anoa. Nã kẽromã sama fexta nana sharakõi ato minimis ini. Askatari Nios shinãkõimis. Nãskaxõ Pablo Jesúsnoa yoiaito nikakõisharaito õikĩ nõko Ifãfe ãfe õiti fepeaxosharakõini.

1 Corintios 1:17

Cristokai ea yoiama ẽ yorafo maotisafapanõ. Akka ea yoia ẽ aõnoa meka shara ẽ mato yoinõ. Ẽa shinãxõ ẽ mato yoima. Ẽa shinãxokai ẽ mato Jesucristo chanĩmara famatiroma. Jesucristo mato ifi cruz ikakĩnoax nãxoni mato chaka soaxoxikĩ. Cristo mekaõxõ Niospa mato chanĩmara famatiro.

1 Corintios 3:6

Ẽ mato iskafakĩ yoipai. Yora fẽtsa taefakĩ xiki fanatiro. Fetsafãfe a nãmã orometirofo foaisharanõ. Nãskafixokai nã rafeta xiki foaimatirofoma. Nios fistichi xiki foaimasharatiro. Nãskarifiakĩ ẽ mato taefakĩ Jesucristo chanĩmara famani. Chipo Apolos Cristoõnoa mato yoini ãfe meka mã nikasharakõinõ. Nõ mato yoiaino Nios fistichi mãto shinã mẽraxõ mato shinãmasharatiro ãfe meka mã tãpisharakõinõ.

2 Co. 12:9

Ẽ askafaito nõko Ifãfe ea kemakĩ iskafani: “Ẽ mia noi. Askafixõ ẽ mia sharafaima. Cristo mia axotiro na pae mĩ tenenõ ẽ mefe rafekakaini. Mĩ mitsisipayamafikẽ ẽ mĩõxõ ẽ ato õimatiro ẽ afama mĩshti fatiro,” ixõ ea kemani. Nãskakẽ ẽ isinĩ ifiai ẽ inimasharakakaini.

2 Co. 4:7

Akka nõ afaayamafekẽ Niospa ãfe sharakõi noko mẽra nanea nõ ãfe meka shara Jesúsnoa ato yoinõ. Akka nã kesho noko keskarari akai afaama. Samama moshitiro. Moshifitirokẽ a mẽra afara sharakõi nõ nanetiro. Nãskarifiai nõ afaayamafiano Jesús nofe rafea. Nãskakẽ yorafãfe tãpitirofo Niospa Yõshi Shara nõmẽra nanea.