1 Corintios 13:3 - Yaminahua

³ Nãskatari ẽ afama mĩshti nã afaamaisfo keyokõi ẽ ato inãfixõ ẽ ato noiyamax ẽkai afaa itiroma. Askatari Niospa meka shara ẽ ato yoiaito ea nikakaspakakĩ ea koaifono ẽ atoõnoax nafiakĩ ẽ ato noiyamax ẽkai afaa itiroma. Ẽ ato noiyamaino Niospa ea shara õima.

1 Corintios 13:3 ပူးပေါင်းရင်းမြစ်များ

Mateo 23:5

Afama mĩshti sharafo apaikani yorafãfe noko õinõfora ikaxõ kakapaiyanã. Niospa meka kirikaki kenekata koiro kafo pishta fakãta a mẽra Niospa meka nanekaxõ ãto fishpi ano nẽtamisfo. Askatari ãto põya anori nẽtamisfo. Askatari tari kepanãtia chainipa safemisfo sharakõira noko fanõfo ikaxõ.

Lucas 18:22

askafakĩ yoiaito nikakĩ Jesús kemani iskafakĩ: “Nãno afara fetsa fisti mĩ tãpiama. Akka mĩ afarafo minixõ kori fixõ nã afaamaisfo ato minife. Nãskax nai mẽranoax mĩ afama mĩshtifoya ixikai. Nãskafata efe koofe,” ixõ yoiaino,

Lucas 18:28

Pedro yoini: “Ifo, nõ mefe okĩ nõko afama mĩshtifo nõ õiferani nõ mefe oni,” faito,

Lucas 19:8

Askafafiaifono Zaqueo fininãkafã Jesús yoini iskafakĩ: “Ifo, õipo. Nã afaamaisfo na ẽfenãfo ẽ ato paxkaxonikai. Nã ẽ atoki yometsomisfo cuatro veces faxõ ẽ ato inãi,” ixõ yoini.

Juan 12:43

Yora fetsafãfe ato yoiaito nafo sharakõifora nã yorafãfe atoõnoa meka shara yoiaifono nikapaimisfo. Akka Niospa atoõnoa nafo sharakõira ixõ yoiaino fichisharapainifoma.

Juan 13:37

anã Pedro kemani: “¿Afeskai iskaratĩa ẽ mefe katiromamẽ? Mẽ iskaratĩa itipinĩshara mĩõnoax naxikĩ,” faito,

Juan 15:13

Nõ fetsafo fe rafekõiax nõ aõ noikõiax nõ aõnoax natiro. A mã nakĩ noiai keskarakõi tsõa finõtiroma.

Juan 6:63

Akka Niospa Yõshi Sharapa nã fistichi yorafo nimasharapaketiro. Yorafokai yõra nimapaketiroma. Akka ẽfe Epa Niospa Yõshi Sharaõxõ ẽ mato yoimis. Nãskakẽ ẽfe meka chanĩmara faax mã nisharapakexatiro.

Hch. 21:13

Askafaifono Pablo noko kemani iskafakĩ: “¿Afeskakĩ mã oiaiyanã mã ea shinãmitsamanimẽ? Mẽ itipinĩshara ea nexayamakakĩ ea retekani Jerusalén anoxõ, nõko Ifo Jesúsxõ ea askafakani,” Pablo noko faito,

Gálatas 5:26

Nãskakẽ Niospa Yõshi Shara fe nõ rafeax kakapaimis nõ itiroma, fetsafãfe nokoõnoa yoisharanõfora ixõ ẽ mato finõkõiara iyamakãfe. Mã askakĩ fetsafo mã shinãchakamatiroki. Mã askara chakafo shinãkĩ mã shinãsharatiroma, askara chakakõiki.

Filipenses 2:3

Akka fetsafo afara axotama a mã mã afara apaiyai keskara fisti shinãyamakãfe, askatari fetsafãfe eõnoa yoisharakõinõfora ikax kakapaimis iyamakãfe. Askatamaroko isharakõita fetsafoõnoa yoikĩ iskafakãfe: “Nafãfe ea finõtirofoki. Akka ẽkai afama. Jesús fistichi ea imasharatiro,” ixõ fetsafo finõpaiyamakãfe.

1 Ti. 4:8

Akka afaa meeyamai rakatsax nõko yora xokenãtiro. Nõ anã afaa yonopaitiroma. Akka nõ mẽxotaima yonoi nõ mitsisipakõi itiro. Nãskara shara. Nãskafakĩri nõ mẽxotaima Niospa meka nõ õirifakĩ, Nios kĩfirifai nõ mitsisipakõi itiro nõmẽra sharafinakõia. Nãskax nõ shara itiro. Nãskatari nõ naax, nai mẽra kaax, ariaxri nõ mitsisipakõi itiro sharafinakõimãi niax Nios anoax, nõmãi Nios Ifofakatsaxakĩ.

Hebreos 13:9

Akka fetsafãfe mato anorima yoipaikani, a tsõa nikamisma keskara. Nãskakẽ ato nikayamakãfe mato iskafakĩ yoipai ani kiki: “Nõko xinifãfe noko yoinifo keskara nõ nami fetsa piaino nõko shinã mẽra noko shinãmasharatiro,” ixõ mato yoipai ani kiki. Akka a nõ piaitokai nõko shinã mẽra noko shinãmasharatiroma. Askatamaroko Niospa noko noixõ noko imasharatiro a keskara shara nõ inõ.