1 Corintios 1:1 - Yaminahua

¹ Ẽkĩa Pablo, ẽ mato kirika kenexõ fomai. Nofe yora feta nã Jesús Ifofamis feta, ãfe ane Sóstenes, efeta mato kirika kenexoni. Epa Niospa ea katopaikĩ ea katoni ãfe meka shara Jesucristoõnoa ẽ yoifofãsafanõ.

1 Corintios 1:1 ပူးပေါင်းရင်းမြစ်များ

Lucas 6:13

Mã penano a aõxõ tãpimisfo ato kenani. Nãnoxõ doce faxõ ato katoni, aõnoa ato yoimisfo inõfo.

Juan 15:16

Mã ea ifiyamafiaino ẽ mato ifini ea keskara mã inõ mãtoxõ fetsafãferi ea chanĩmara fanõfo. Nãfãfe ea Ifofapanakafo efe ipaxakakĩ. Nãskaifono mã afarashta ẽfe Epa Nios ẽfe aneõxõ mã yõkaito mato axosharaxii.

Juan 20:21

Afianã Jesús ato yoini: “Mãto õiti fepeakax inimasharakãfe. Nã ẽfe Ẽpa ea nĩchini keskafakĩri iskaratĩa ẽ matori nĩchikai,” ato fani.

Hch. 1:15

Askata pena fetsa yora rasi ciento veinte ichanãnifo. Askaifono Pedro niinãkafã ato yoini

Hch. 1:2

Mã Jesús retefiafono oxa rafeta anã otoni. Mã otoxõ aõxõ tãpimisfo ato ifixõ ato tãpimani Niospa Yõshi Sharapa shinãmanaino akairi fetsafo tãpimanõfo. A metasitafo ato ispaketsani a aõxõ tãpimisfo. “Nafo ea metasitafokĩ õikapo,” ato fani õikakĩ tãpisharanõfo. Mã anã nia afia ipaoni keskara ixõ tãpinõfo ato yoisharani nai mẽra kayoxoma. Cuarenta nia oxata ato tãpimasharani chipo katãxiki ato yoipakeyoni a Nios xanĩfoõnoa ato yoisharapakeni. Nãskax Apa Nios ari kani nai mẽra.

Hch. 18:17

Ato askafa fokaxõ Sóstenes achinifo nã ichanãti pexe anoa xanĩfo. Mã achikaxõ nãri seteketsanifo xanĩfãfe ferotaifi. Akka nã xanĩfo Galión aõ rafanã inima.

Hch. 22:21

Ẽ askafaino nõko Ifãfe ea yoini: ‘Fininãkafãta fãi katãfe, mai fetsafo ari chaikõi ẽ mia nĩchikai a judeofoma ari,’ ea fani,” ixõ Pablo ato yoini.

Romanos 1:1

Roma anoafãfe, ẽ mato kirika kenexõ fomai. Ẽkĩa Pablo, ẽ Jesucristo yonoxomis. Niospa ea nĩchini ẽ aõnoa yoimis inõ, ãfe meka shara Jesúsnoa yoinõ.

Romanos 1:10

Ẽ mato õisharapai. Nãskaxõ ẽ Nios kĩfifafãini ẽ mato ano kapaikĩ. Akka ẽ kai, ẽ kayamai ẽ kaima. A Niospa ea nĩchipaiyaino ẽ katiro.

Romanos 1:5

Jesucristoxõ noko noi. Noko noikĩ ãfe shinã noko inãni. Nãskaxõ noko nĩchini Jesúsnoa yoimis nõ inõ. A judeofomari a xoko fetsafori afãferi Jesús chanĩmara fanõfo nõ yoiaino. Jesús chanĩmara fakaxõ nikasharakõinõfo.

1 Corintios 15:9

Akka ẽ chakafayopaoni keskara Jesús Ifofaa fetsafãfe chakafamisfoma. Akka ẽ afara chakafakĩ finayopaoni. A Jesús Ifofaafo ẽ ato omiskõimayopaoni. A afe yorafo ẽ chakafayopaonifikẽ Jesús ea noikĩ ea nĩchini aõnoa ẽ ato yoinõ.

1 Corintios 3:9

Efe yora mĩshtichi, ẽ meka fetsa mato yoipai. Tarepa ifo fistifiano fetsafãferi yonoxotirofo. Askatari pexe ifo fistifiano fetsafãferi yonoxotirofo. Nãskarifiai mãfi Niospa ãfe tare keskarafokĩ. Askatari mã ãfe pexe keskara. Nios fisti mãto Ifo. Akka nõri Apolos feta yonoxomiski. Noko yoiai keskara nõ mato tãpimasharani ãfe meka mã nikasharakõinõ.

2 Co. 1:1

Ẽfe yora mĩshtichi, ẽkĩa Pablo. Ẽ kirika kenexõ mato fomai mã tãpinõ. Nofeta Jesús Ifofamis Timoteo feta ẽ mato kirika kenexõ fomai. Epa Niospa ea katopaiyaito Cristo Jesús ea katoni ãfe meka ẽ mato yoifofãfofãinõ. Nios chanĩmara faafo Corinto anoafo, Acaya mai anoafori ẽ mato keyokõi yoisharai.

2 Co. 11:5

Akka mã shinãi nãfãfe Niospa meka yoisharakõimisfora ixõ. Akka askafikaxõ ea finõfafoma.

2 Co. 12:12

Jesucristo ea nĩchini aõxõ ãfe meka ẽ mato yoinõ. Nãskakẽ tanaimakõi ẽ yonomis fena fenakima. Nãskara ẽ yonofaino Niospa afama mĩshti amis eõxõ mã tãpinõ Jesucristo ea nĩchinikẽ.

2 Co. 8:5

Nõ shinãyamea kori fistis noko inãkanira ixõ, Jerusalén anoafo a Nios Ifofaafo ato foxopaikĩ. Akka noko kori inãyokaxoma taefakĩ Nios inãyameafo, iskafakĩ yoiyanã: “Ifo, nõfi mefe yorakĩ nã mĩ noko afara amapaiyai keskara mĩ noko yoitiro,” ixõ yoiyameafo. Nãnori yoikãta nokori yoiyameafo iskafakakĩ Niospa fichipaiyai keskafakĩ: “Nõri nõ mato nikakõinõ,” ixõ noko yoiyameafo.

Gálatas 1:1

Ẽkĩa Pablo, ẽ mato kirika kenexõ fomai. Niospa ea nĩchini aõnoa meka shara ẽ ato yoinõ. Yorafãfe ea nĩchinifoma, Jesucristo feta Epa Niospa ea nĩchini. Nã Niospa Jesucristo otofani mã nakẽ.

Efesios 1:1

Ẽkĩa Pablo ẽ mato kirika kenexõ fomai. Ea Jesucristo nĩchia ẽ aõxõ ãfe meka yoimis inõ, Niospa fichipaiyai keskafakĩ. Ẽ na kirika mato fomai a Nios Ifofaafo, Jesucristo chanĩmara faafo, Efeso anoafo.

Efesios 4:11

Nãato noko katoni noko imapaiyai keskai aõnoax nõ shara faatanãnõ. Nãskaxõ fetsafo afe rafemisfo ato imata, nokori nĩchi aõnoa fetsafo nõ ato yoisharanõ. Fetsafori katoni nã meka shara aõnoa ato yoinõfo Jesús Ifofanõfo. Fetsafori katoni ãfe meka shara chanĩmara faifono ato tãpimayanã ato kexesharanõfo ãfe meka nikasharakõinõfo.

Colosenses 1:1

Ẽkĩa Pablo, Niospa ea nĩchini, aato apaiyai keskafakĩ ẽ yorafo yoinõ Jesucristoõnoa. Nofe yora Timoteo feta nõ mato kirika kenexõ fomai. Mã Cristo Ifofakõikẽ, pexe rasi Colosas anoxõ Nios nikakõiyanã. Nõko Epa Niospa mato noikĩ mato shinãfafãinõ afanã mato fekaxtefanõma mã isharakõinõ.

1 Ti. 1:1

Ẽkĩa Pablo. Iskaratĩa ẽ mia kirika kenexõ fomai Timoteo, ẽ mia yoikĩ. Epa Niospa ea katoni ẽ ãfe meka Jesucristoõnoa ẽ ato tãpimanõ. Epa Nios noko ifimis, Jesucristo nõko Ifo feta ea yoini ẽ ato tãpimanõ. Jesucristo nokoõnoax nani ares noko Epa Nios ari iyoxii kiki.

1 Ti. 2:7

Nãskakẽ Niospa ea katoni aõnoa judeofoma ẽ ato tãpimanõ nãfãferi tãpinõfo. Yora fetsafoõnoaxri Jesús nani. “Eõxõ yoixiki,” ixõ Niospa ea yoini. Ẽ chanĩma, ẽ mia paraima. Niospa ea yoini ẽ ato tãpimanõ Jesús ato nãxoni chanĩmara fanõfo.

2 Timoteo 1:1

Ẽkĩa Pablo ẽ mia kirika kenexõ fomai. Epa Niospa fichipaiyai keskafakĩ Cristo Jesús ea katoni aõnoa ãfe meka shara ẽ yoifofãsafanõ. Ea yoini iskafakĩ: “Keyokõi yorafo yoife iskafakĩ: ‘Jesucristo matoõnoax nãxoni mãto chaka mato soaxoxiki nã chanĩmara faafo tii afe nĩpaxanõfo,’ ixõ ato yoife nã ẽ mia yoiai keskafafe,” ixõ Jesús ea yoini.