Santiago 5:20 - New Testament Psalms and Proverbs in Mixtec Magdalena Peñasco

²⁰ te jin kona'a ni ja nú na in sa'a ja ndakokuiñi ñayii ni ndakuiso kuechi ma ichi Su'si o a chi jâ ni kundee i ja ni kaku anua ñayii yukan, te ma skenaa i maa i ma, vaa jâ ni ndasakanu ini ña'a Su'si ma ndaka kuechi ni ndasa'a i ma.

Santiago 5:20 ပူးပေါင်းရင်းမြစ်များ

Salmos 32:1

¡Naka vii naka va'a kúu ñayii ja jâ ni sakanu ini Iya Tátnuni ma kuechi i ma te ni ka naa ndaka ja u'vi ni yo sa'a i ma!

Proverbios 10:12

Ñayii chú'un ini nawa ni sa'a ña'a in‑ka ñayii ma te suu‑ni suu‑ni ndákune'e i ma chi ñatuu kúu koo mani i, kovaa ñayii kútoo tna'a ndija ma chi kánda i nekanu ini i nawa ni sa'a ña'a maa in‑ka ñayii ma.

Proverbios 10:2

Nú nanimaa ja u'vi ma sa'a ñayii ma chi masu nawa chíndee ña'a i, kovaa nú nanimaa ja va'a ja ndaa ma na ko sa'a ñayii ma chi kaku i te ma skenaa i maa i.

Proverbios 11:30

Ñayii sa'a ja va'a ja ndaa ma chi sa'a i ja jin koteku ñayii ma, vaa ñayii ndichi kúu i, te ja sa'a i ma sa'a ja jin kandija ñayii ma Su'si ma te jin ndani'i ta'vi i.

Proverbios 11:4

Vaa kivi ndakan Su'si ma kuenda ma chi masu nawa chindee ña'a ja ni'i tna'a i ma ja kaku i, kovaa ñayii sa'a ja va'a ja ndaa ma chi maa ja sa'a ja kúu i ma sa'a ja kaku i te ma skenaa i maa i.

Proverbios 17:9

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Juan 5:24

’Ja ndaa ja ndaa ká'an sa, nú na in niniso'o ja ká'an sa a chi kándija i sukan ká'an maa iya ni tetniñu ña'a ma, te iyo i ja koteku i ni‑kani ni‑jika, vaa masu ki'in‑ka i nuu iyo ja chunaa i nkuu ma, su'va jâ ni kaku i ja masu kûu‑ka i, te koteku i ni‑kani ni‑jika.

Romanos 11:14

sukan‑va'a xi ma sa'a sa ja jin kukueñu ini ñayii ñuu sa ma, te jin ndanduku tna i Su'si ma, te jin ndani'i ta'vi jaku i.

1 Corintios 1:21

Vaa masu ni wa'a Su'si ma tnu'u ja ñayii jani ini ja ndichi xeen i iyo i ñuu ñayivi a, te kundee tnu'u ndichi jini i ma ja kuni i ja iyo Su'si ndija ma. Su'va ja ni jatna ini Su'si ma kúu ja jin koniniso'o ñayii ma tnu'u vii tnu'u va'a ya ma, te jin jaku'ni ini i naxe jin ndani'i ta'vi i ma, visi ka ká'an maa ñayii ñatuu ka kandija tnu'u Su'si ma ja tnu'u neé tnu'u ku'u‑ni kúu ma.

1 Corintios 9:22

Te nú iyo sa ne'un ñayii ñatuu ka nukuiñi va'a nuu Su'si ma, te sa'a tna sa tnu'u ja kuee‑ni kua'an tna sa tnu'u Su'si o a, sukan‑va'a xi ma jin kandija va'a‑ka i Su'si ma te jin nukuiñi va'a‑ka i nuu ya. Kua'a xeen modo ni nduku sa, sukan‑va'a kuu jin ndani'i ta'vi jaku ñayii ma.

1 Timoteo 4:16

Te ko koto va'a ni maa ni nawa sa'a nawa kúu ni nde kua'an nde vee ni, ji'in naxe káxtnu'u ni nuu ñayii ma. Vaa nuna kaxtnu'u ndaa ni nuu i ma, te kaku ni nuu ja u'vi ma, te sa'a ni ja jin kaku tna ñayii ka niniso'o tnu'u ka'an ni ma.

Filemón 1:19

Te maa sa ndachuya'vi, vaa suni tavi tna ni nuu sa, vaa saña ni ka'an tnu'u Su'si ma nuu ni, te ni jan‑ta'vi ni, te ni ndaxsama ña'a ya ja ni nduu ni in ñayii va'a. Te nda'a maa sa ja kúu sa Pablo a, tée sa ja maa sa iyo ja ndachuya'vi sa nuu ni.

Santiago 1:15

Sani te ja játna ini o ja sa'a o ma ni kundee i ja ni jiso kuechi o ma. Te nú ja ndiso kuechi o ma, sani te kújika o nuu Su'si ma.

Santiago 1:21

Chukan kúu ja jin xtandiyo ni ndaka tu'u ja u'vi ja kini ka ñu'u ini anua ni a, te jin kava kuee ini ni, te jin kuan‑ta'vi ni tnu'u Su'si ma ja ni ka jakun‑nee ini anua ni a, vaa suu i sa'a ja kuu jin kaku ni nuu ja u'vi ma.

Santiago 5:15

Te nú ûni ka kukanu ini i Su'si ma ora ka jikan‑ta'vi i nuu ya ma, te ñayii ku'u ma chi nduva'a i, te maa Iya Tátnuni ma, ndone'e ya i. Te nú ni jiso kuechi i, te ndasakanu ini ya kuechi i ma.

Santiago 5:19

Ndijin ja ni ka nduu o sa'ya Su'si o a, nú na in ni ski'in maa i ja ni xndoo i ichi ndaa ma, te nde o sa'a ja ndakokuiñi i nuu Su'si ma chi in ja va'a kúu,

1 Pedro 4:8

Te ûni jin kutoo tna'a ndija ni, vaa ja kútoo tna'a ndija o ma kúu ja sa'a ja kuu sakanu ini o ndeva'a‑ni nawa ka sa'a ña'a ñayii ma.

Apocalipsis 20:6

Ja vava'a ka kuu ñayii ñatuu na ja u'vi ni ka yo sa'a i ma te ni ka ndateku i xinañu'u ma, vaa masu jin skenaa i anua i ma, sukan jin ndo'o in jichi‑ka ñayii ñatuu ni ka ndateku ma. Kovaa ñayii ni ka ndateku ma, jin ko kuu i sutu nuu Su'si ma ji'in nuu Cristo iya ni tetniñu ya ma, te jin tatnuni i ji'in ya mil kuiya.