Santiago 5:11 - New Testament Psalms and Proverbs in Mixtec Magdalena Peñasco

¹¹ Yo'o chi jâ ka ndasa'a o kuenda ja vava'a‑ka ka kuu ñayii ka kanda ja ka ndo'o ka neni i ma. Vaa ni ka jiniso'o o sukan ni kanda Job ma ja ni ndo'o ni neni de ma, te ni ka jini o ndaka ja va'a ni ndakua'a Iya Tátnuni ma, vaa iya va'a ini iya nda'vi ini kúu ya.

Santiago 5:11 ပူးပေါင်းရင်းမြစ်များ

Salmos 103:13

Te sukan kúnda'vi ini ñayii sa'ya i ma, sukan kúnda'vi ini Su'si Iya Tátnuni ma nuu ndaka yo'o ja ka yu'u o ya te ñatuu‑ka na ja u'vi ka sa'a o a.

Salmos 103:8

Iya nda'vi xeen ini kúu ya, te ka'nu xen‑xeen ini ya te kuee ini ya, vaa ñatuu ndákiti yachi ini ya.

Salmos 116:5

Ja ndaa kúu ja Su'si o ya chi iya kuee ini kúu ya, te sa'a ya ja va'a ja ndaa. Saa vi, Su'si o a chi iya kúnda'vi ini ña'a kúu ya.

Salmos 119:132

Konde'ya ña'a ni, te kunda'vi ini ña'a ni, sukan sa'a ni ji'in ndaka‑ka ñayii ka kandija ja ká'an ni ma.

Salmos 145:8

Iya nda'vi xen‑xeen ini kúu Iya Tátnuni ma, te kuee ndákiti ini ya, te ka'nu xen‑xeen ini ya.

Salmos 37:37

Kovaa jín konde'ya o ja ñayii ni‑yu'u ni‑ini i ndikin i Su'si ma, chi ni'i i ja vii ja va'a kivi ki'in o ma, vaa ni yo iyo mani i ji'in ndaka ñayii ma.

Salmos 51:1

Ja kútoo ña'a maa ni, vi Su'si, te kunda'vi ini ña'a ni. Sukan va'a xeen ini ni a, te xnaa ni ndaka kuechi sa a.

Salmos 78:38

Kovaa maa ya chi ni kunda'vi ini ya i, te ni sakanu ini ya ndaka ja u'vi ka sa'a i ma, te ñatuu nde ni sa'a ya sukan ni yo jani ini ya ora ni yo ndakiti ini ya nuu i ma.

Salmos 86:15

Kovaa maa ni, vi Su'si Iya Tátnuni chi nda'vi xeen ini ni, te kuee ini ni, vaa masu ndákiti yachi ini ni, vaa kútoo xeen ña'a ni, te ndija te ndaa ni ja ká'an ni ma.

Salmos 86:5

Vaa maa ni chi iya va'a ini kúu ni, vaa sákanu ini ni na kuechi ñayii ma, te ka'nu xeen ini ni, te kúnda'vi ini xeen ni ndaka ñayii ka ndakune'e ña'a ma.

Salmos 94:12

¡Kovaa naka vii naka va'a kúu ñayii ja maa ni ndáka'an‑so'o nuu i ma, vi Iya Tátnuni! Te káxtnu'u ni tnu'u tátnuni ni a nuu i ma.

Mateo 10:22

Te ja kuechi ja ka kandija ña'a ni maa sa a te jin saxiko ña'a ndaka ñayii ma ndijin, kovaa nú na in na kanda onde jinu ma chi ndani'i‑ta'vi i.

Lucas 1:50

Su'si ma, ndimaa kúnda'vi ini ya ñayii ka yu'u nasa yukan, te jin ko sa'a i in ja ñatuu játna ini ya ma.

Lucas 11:10

Vaa nú na in jikan chi ni'i i. Te ñayii ndúku ma chi ni'i i. Te ñayii skajan ye'e ma chi ndanune, te ni'i i ja kúni i ma.

Lucas 6:36

Jin kava va'a ini ni sukan va'a ini Yuva o Su'si ma.

Romanos 2:4

¿Xi saxiko ni ja vii ja va'a sukan kuee ini ya ma vaa kútoo ña'a ya ma? ¿Te ñatuu ndása'a ni kuenda ja va'a ini ya kúu, chukan kúu ja káxtnu'u ya ichi ndaa ko kaka ni ma, sukan‑va'a ndakani ndaka'vi ini ni te kondikin ni Su'si ma?

Efesios 1:6

Sa'a ni sa'a Su'si ma, sukan‑va'a koo jayiñu'u ya, vaa ni skuta'vi ña'a ya ja vii ja va'a ma. Te ni ndakuan‑ta'vi ña'a ya, ja maa Sa'ya ya Jesucristo iya kútoo xeen ya ma.

Efesios 2:4

Kovaa Su'si o ma chi nda'vi xen‑xeen ini ya, te kútoo xen‑xeen ña'a ya,

Hebreos 10:39

Chukan kúu ja yo'o chi masu ñayii jin ndakakayata ja jin skenaa i maa i ka kuu o. Su'va yo'o chi ñayii ka kukanu ini Su'si ma ka kuu o, sukan‑va'a ma jin skenaa o anua o a.

Hebreos 3:14

Vaa yo'o chi jin ni'i o ndaka ja skuta'vi ña'a Cristo ma, nuna jin konukuiñi va'a o te jin kukanu ini o ya, sukan ni ka jini o onde xinañu'u ma,

Hebreos 3:6

Kovaa Cristo ma chi Sa'ya maa Su'si ma kúu ya, te tátnuni ya nuu yo'o ja ka kuu o ñayii ka iyo nuu Su'si ma. Te sukan jin koo o ji'in ya ni‑kani ni‑jika, nuna jin konukuiñi va'a o nuu ya a te jin kanda o te jin kondetu o ya.

Santiago 1:12

Vava'a kúu ñayii kánda ora ska'an ña'a tachi ma ja sa'a i ja u'vi ma, vaa nuna kanda i ja masu sa'a i ja u'vi ma chi ni'i i in corona ja koteku i ni‑kani ni‑jika ja ni skuiso Su'si ma ja taa ya nuu yo'o ja ka kutoo o ya.

Santiago 1:2

Ndijin ja ni ka nduu o sa'ya Su'si o a, jin koo sii ini xeen ni ndeva'a‑ni naxe ka ndo'o ka neni ni.

1 Pedro 1:13

Chukan kúu ja jin koo tu'va ni, te jin jaku'ni ini ni naxe jin sa'a ni. Te jin ndasa'a ni kuenda, te jin kondetu ka'nu ka'nu ni ndaka ja skuta'vi ña'a Su'si ma kivi jin kuni o Jesucristo ma.

1 Pedro 3:14

Te nú ka ndo'o ka neni ni ja kuechi ja ka sa'a ni ja ndaa ma, ja vava'a ka kuu ni nuu Su'si ma. Má jin kua'a ni tnu'u ja jin xsiu'u ña'a i ji'in ja ka yu'u i ma, te má jin koyu'u ni.

2 Pedro 2:9

Kovaa sa'a, te ka jini o ja Iya Tátnuni ma chi kuu kasi ndee kasi ndoso ya ñayii kándija ja ká'an ya ma ja ma ska'an ña'a tachi ma, te koneva'a tu'va ya ñayii ka sa'a ja u'vi ma onde kenda kivi ndakan ya kuenda nuu i ma te jin ndachunaa i ja ni ka yo sa'a, ni ka yo kuu i ma.