Santiago 4:8 - New Testament Psalms and Proverbs in Mixtec Magdalena Peñasco

⁸ Jín koo o jín tu'va‑ka o Su'si ma, te maa tna ya chi ki tu'va‑ka ña'a ya. Ndijin ja ka ndiso kuechi ni ma, jin ndakani jin ndaka'vi ini ni, te jin xndoo ni ja u'vi ka sa'a ni ji'in nda'a ni ma. Te ndijin ja ka jani uu ka jani uni ini ni ma, jin ndasandoo ni ini anua ni a, te jin kukanu ini ni Su'si ma.

Santiago 4:8 ပူးပေါင်းရင်းမြစ်များ

Salmos 119:113

Ûni masu játna ini kuiti sa ndaka ñayii ka kuvixi ma, vaa ka ka'an i te masu ka sa'a i, kovaa saña chi ja játna ini sa kúu ja ko sa'a sa sukan tátnuni ni ma.

Salmos 145:18

Iya Tátnuni ma chi iyo yatni ya nuu ka iyo ndaka ñayii ka ndakune'e i ya ma, nuu ka iyo ndaka ñayii ni‑yu'u ni‑ini i ka ndakune'e ndija i ya ma.

Salmos 18:20

Te maa Iya Tátnuni ma, ni ndataa ya ja vii ja va'a, vaa maa ya jini ja ni sa'a ndaa, ni sa'a ndija sa ma, te ñatuu na ja u'vi ni sa'a sa ji'in nda'a sa a.

Salmos 24:4

Ñayii ñatuu na kuechi ndiso nda'a i ma, te iyo vii ini anua i ma, te ñatuu nde ndáchiñu'u i tna'a ja masu Su'si ka kuu ma, te ni masu nde xnda'vi i in‑ka ñayii ma.

Salmos 26:6

Ndakate sa nda'a sa ya, ja kúni ka'an ja masu na ja u'vi ni yo sa'a sa, te sukan, te kuu ki'in kii sa nuu altar ni ma, vi Su'si Iya Tátnuni,

Salmos 51:10

Su'si maa sa, ndasandoo ni ini anua sa a, te ndachunee ni ini sa a in anua jaa ja sa'a ja va'a ja ndaa ma.

Salmos 73:13

Te nú sukan, masu nde jiniñu'u ja ni‑in ja u'vi ñatuu nde sa'a sa a, jani ini sa, te masu nde jiniñu'u ja jito va'a sa maa sa ja ñatuu na ja u'vi ko sa'a sa ji'in nda'a sa a, jani ini sa.

Salmos 73:28

Kovaa saña chi ja va'a xeen kúu ja koo yatni sa nuu Su'si Iya Tátnuni ma, te kúkanu ini sa ya, vaa suu ya ndetu sa ja chindee ña'a ya, sukan‑va'a ndaka'an ndakachi sa nuu ñayii ma ndaka ja va'a ja sa'a ja kúu ya ma.

Mateo 12:33

’Chukan kúu ja jin ndasa'a maa ni kuenda. Vaa nú yutnu kui'i va'a kúu tnu, chi wa'a tnu nde'ya va'a. Te nú masu yutnu kui'i va'a kúu tnu, te masu kua'a tnu nde'ya va'a. Chukan kúu ja onde kuun nde'ya tnu ma, te kuni o nú yutnu kui'i va'a kúu tnu xi ña'a.

Mateo 15:2

―‍¿Nava'a tee ka ndikin ña'a ndijin ma, ñatuu ka ndikin de sukan ni ka yo sa'a tna'a o tee jana'a‑ka ma? Vaa ñatuu ka ndanda'a de nú jin kaa de xita ma ―‍ka kuu de ka jiña'a de.

Mateo 27:24

Jâ ni jini Pilato ma ja ma kundee de ma, vaa ñayii ma, su'va ni ka ndakiti‑ka ini i. Te chukan kúu ja ni jikan de ndute ma, te ni ndanda'a de nuu ndaka ñayii ñuu ma, te jiña'a de: ―‍Ñatuu na kuechi kuiti kondiso saña ja jin ka'ni ni tee nda'vi ya'a. Kuechi maa ni jin ko kuu ―‍kúu de jiña'a de.

Hechos 15:9

Masu ni sa'a siin ya ñayii yukan ji'in yo'o, su'va ni sa'a ya ja ni ka kandija i ma, te sukan ni ndasavii ya ini anua i ma.

2 Corintios 7:1

Chukan kúu ja ndijin ja kútoo ña'a sa, nú sukan ni skuiso Su'si ma ja jin ni'i o ndaka ja vii ja va'a ja taa ya ma, jín ku'un ini o ja máko jin sa'a o ni‑in ja u'vi ja játna ini yikikuñu o a ja sa'a o ma, te ni a in ja u'vi máko jin kua'a o tnu'u ja kun‑nee i ini anua o a, sukan‑va'a jin koo vii jin koo ndoo ni‑ka'nu ni‑tu'u o nuu Su'si ma. Te máko jin sa'a‑ka o ni‑in‑ka ja u'vi ma, vaa ka na'a o ja nde'ya ña'a Su'si ma, te ndakan ya kuenda nuu o a.

1 Timoteo 2:8

Te chukan kúu ja kúni sa ja ndaka tee ma, ni‑yu'u ni‑ini de jin kakan‑ta'vi de nuu Su'si ma ndaka nuu kuan koo de ma, te jín ndone'e de nda'a de ma nuu ya, ja ko kuu in seña ja ka iyo vii, ka iyo ndoo de nuu ya, te másu ko jin skiti ini nuu tna'a de te jin ko kanaa de. Su'va ndimaa ja va'a jín ko sa'a jín ko kuu de.

Hebreos 10:22

te chukan kúu ja ni‑yu'u ni‑ini o jín koo o jín tu'va o Su'si ma, te ûni jín kukanu ini vava'a o ya, te jín ndasa'a vivii o ini anua o a, te máko jin kani ya'a jin kani yukan‑ka ini o. Vaa yikikuñu o a, jâ ni ka nduvii, ni ka ndundoo i, vaa maa ya ni ndakate ña'a ji'in ndute vivii ma, te má jin ndasa'a‑ka o ja u'vi ma.

Hebreos 7:19

vaa masu nde ni chindee ña'a i ja jin koo va'a‑ka ñayii ma nuu Su'si ma, te vitna jâ ni nukuiñi in tnu'u va'a‑ka, te iyo tnu'u kanu ini ja jin koo va'a o nuu Su'si o ma, te chukan kúu ja jin koo o jin tu'va‑ka o ya.

Santiago 1:8

Ñayii jani uu jani uni ini i ma chi ni‑in ja kúni i ja sa'a i ma, ma kuu sa'a i.

Santiago 3:17

Kovaa tnu'u ndichi ja vee onde sukun ma kúu tnu'u nanimaa Su'si ma, te sa'a i ja kava kuee ini ñayii ma, te sa'a i ja ka'an mani tna'a ñayii ma, te kava va'a ini i, te kunda'vi ini i tna'a i ma, te masu sa'a siin i tna'a i ma, ni a masu xnda'vi i tna'a i ma, su'va sa'a i ja va'a ma. Te nú sa'a i sukan, te in ñayii ndichi kúu i.

1 Pedro 1:22

Te vitna chi jâ ni ka nduvii ini anua ni a, vaa ka kandija ni ja ndaa ja káxtnu'u Xtumani Ndios ma, te ûni jín kutoo tna'a ndija ndi‑in ndi‑in o. Te chukan kúu ja ni‑yu'u ni‑anua o jín kutoo tna'a o, te in‑ni ja jin kani ini o.

1 Pedro 3:21

Te suni sukan kúu vitna, te nuna jin kuandute o, te jin kaku o, vaa ni ndateku Jesucristo ma. Te ndute ma, masu maa in‑ni yikikuñu o a ndasavii de chi onde ini anua o a nduvii, te ku'un ku'un‑ni ini o Su'si ma.

1 Juan 3:3

Te ndaka ñayii ka kukanu ini sa'a te ka ndetu i ya ma, ka ndasavii ka ndasandoo‑ka i maa i sukan iyo vii iyo ndoo maa ya ma.