Santiago 4:14 - New Testament Psalms and Proverbs in Mixtec Magdalena Peñasco

¹⁴ Te vitna ja ni masu ka jini ni nawa ko kuu yutnee ma. Vaa ¿nawa kúu yo'o? Ja ndaa ja sukan kúu in viko ñu'u ma ja ñuñu'ni‑ni nde'ya o i, sani te náa i, sukan‑ni kúu yo'o ja kúu o ñayii a.

Santiago 4:14 ပူးပေါင်းရင်းမြစ်များ

Salmos 102:3

Vaa kivi iyo ja koteku sa ya chi ve ndi'i sukan naa ñu'ma ma, te yiki sa ya chi kuenda tnu'u ja nuu ñu'u tikayi ma ka kayu i.

Salmos 144:4

Ñayii ya chi sukan kúu ja jaka ini o ma‑ni sukan‑ni kúu i, vaa ja téku i a chi sukan‑ni kúu kuanda'vi ma‑ni sukan‑ni kúu i ja nunuu‑ni iyo i ñuu ñayivi a.

Salmos 39:5

Vaa jaku‑ni kivi ni taa ni ja koteku sa ñuu ñayivi ya. Te kuiya ni taa ni ja koo sa ñuu ñayivi ya chi vala ñii‑ni kúu nuu maa ni a. Te ja ndaa ndija kúu ja ndaka ñayii ma chi nunuu‑ni kúu ja téku i ñuu ñayivi a.

Salmos 78:39

Ni ndaka'án ya ja yikikuñu‑ni ka kuu i, vaa ñuñu'ni‑ni ka iyo i ñuu ñayivi a te jin kûu i, te másu jin ndakokuiñi‑ka i ñuu ñayivi a.

Salmos 89:47

Su'si Iya Tátnuni, ndaka'án ni ja masu kua'a‑ni kivi koo sa ñuu ñayivi a, vaa ñayii ni sa'a ni ji'in nda'a maa ni a chi masu kua'a‑ni kivi téku i.

Proverbios 27:1

Máko kuvixi ni ja nde a jani ini ni ja sa'a ni yutnee ma, vaa ni masu jini ni naxe ko kuu yutnee ma,

Santiago 1:10

Kovaa nú na in kúxiku ma, te káni ini i ja masu xiku kúu i, su'va kóo sii ini i ja ni ndakunitnuni i ja masu in ñayii kanuu‑ka kúu i, vaa sukan kúu ita yi'i ma‑ni kúu i.

1 Pedro 1:24

Vaa: Ndaka ñayii ma, sukan kúu in yi'i ma kúu i, te ndaka jayiñu'u ñayii ma, sukan kúu ita nuu yi'i ma kúu i. Yi'i ma chi yíchi i, te ita i ma chi jínkava,

1 Pedro 4:7

Te jâ ve kuyatni ja ndi'i ndaka ja iyo ñuu ñayivi a. Chukan kúu ja jin kani va'a ini ni nawa jin sa'a ni, te jin koto va'a ni maa ni, te jin kakan‑ta'vi jin kakan‑ta'vi‑ni ni nuu Su'si ma.

1 Juan 2:17

Kovaa ñuu ñayivi ya ji'in ja játna ini ñayii ma ja sa'a i ma chi ja naa ko kuu nuu Su'si ma, kovaa ñayii sa'a sukan játna ini Su'si ma, koteku i ni‑kani ni‑jika nuu ya ma.