Santiago 4:10 - New Testament Psalms and Proverbs in Mixtec Magdalena Peñasco

¹⁰ Te jin ndakunitnuni ni nuu Su'si ma ja masu in ja va'a ni yo kuu ja ni ka yo sa'a, ni ka yo kuu ni ma, te maa ya sa'a ja jin konukuiñi va'a ni nuu ya, te jin koo jayiñu'u ni.

Santiago 4:10 ပူးပေါင်းရင်းမြစ်များ

Salmos 113:7

Te onde ñayii kúnda'vi kúkee ma ja kuenda tnu'u ja ne'un ñuyaka‑nka ma iyo i ma chi kuu ndone'e ya i ja kuatniñu ya i. Te onde ñayii jani ini ja másu nde jiniñu'u‑ka i ma vaa másu nawa neva'a kuiti i ma chi kuu ndone'e ya i ja kuatniñu ya i,

Salmos 147:6

Su'si iya tátnuni nuu o a chi ûni sa'a ya ja koo jayiñu'u ñayii ndákunitnuni ja masu nawa kuu sa'a i ja maa i ma, nú masu ja onde maa ya chindee ña'a ma. Kovaa ñayii sa'a ja u'vi ma chi sa'a ya ja ûni tna'a i ja kan‑nuu.

Salmos 27:6

Sani te ndonenuu sa, sukan‑va'a jin kuni ña'a ñayii ñatuu ka kunimani nuu sa ma ja ni kaku sa nuu tnundo'o tnuneni ma, te saña chi kivi sa nuu iyo Iya Tátnuni ma, te sii ini ndakua'a sa ya kiti ka'mi sa nuu ya ma, te kata sii ini sa, te ndachiñu'u sa Iya Tátnuni ma.

Salmos 28:9

Iya Tátnuni, sa'a ni ja jin kaku ñayii ñuu maa ni ma, te kua'a ni ja vii ja va'a ñayii kúu ñuu maa ni a ja ni kundee ni ni ndani'i ni i, te kuenda maa ni ni ka nduu i. Te maa ni ko koto vava'a i, te kua'a ni ja jin kaa jin ko'o i ni‑kani ni‑jika.

Salmos 30:1

Iya Tátnuni, ni‑yu'u ni‑ini sa ndáchiñu'u ña'a sa, vaa maa ni ni sa'a ja ni nukuiñi va'a sa. Te ñatuu ni wa'a ni tnu'u ja jin jakundee ña'a ñayii ñatuu ka kunimani nuu sa ma.

Proverbios 29:23

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Mateo 23:12

Vaa nú na in jani ini ja kanuu‑ka i sana ndaka‑ka ñayii ma chi ndatna'a i ja kan‑nuu. Te nú na in jani ini ja in ñayii masu kanuu kúu i chi in ñayii kanuu‑ka ko kuu i nuu Su'si ma.

Lucas 1:52

Ni xtandiyo ya nuu ka nukoo rey ma, te ni wa'a ya jayiñu'u ñayii ka ndakunitnuni ja ka jiniñu'u i Su'si ma.

Lucas 14:11

Vaa nú na in sa'a tnu'u ja kanuu‑ka i ma, suni kendoo nda'vi i, te kukan‑nuu i. Te ñayii sa'a tnu'u ja masu ñayii kanuu‑ka kúu i ma, te ñayii yukan, nduu i in ñayii kanuu‑ka ―‍kúu ya jiña'a ya.

Lucas 18:14

Ká'an sa ja tee ndáke'en ya'vi xu'un no'o ñuu Roma ma, nuu kuan no'o de ve'e de ma, te jâ ni sakanu ini ña'a Su'si ma, kovaa tee kúu fariseo ma, ñatuu. Vaa nú na in sa'a tnu'u ja maa i ma kúu ja kuu‑ka vaa va'a‑ni sa'a va'a‑ni kúu i, jani ini i, chi suni kendoo nda'vi‑ka i te ndatna'a i ja kan‑nuu. Te ñayii jani ini ja masu nde jiniñu'u i ma vaa ja sa'a ja kúu i ma masu ja va'a kúu, ñayii yukan nduu in ñayii kanuu‑ka ―‍kúu ya jiña'a ya.

1 Pedro 5:6

Chukan kúu ja jin ndakunitnuni ni naxe ka iyo ni nuu nda'a Su'si iya neva'a tnu'u ndee tnu'u ndatnu ma, sukan‑va'a maa ya, te taa ya jayiñu'u kivi yukan ma.