Santiago 3:8 - New Testament Psalms and Proverbs in Mixtec Magdalena Peñasco

⁸ Kovaa ni‑in ñayii masu kundee i tatnuni i nuu yaa i ma. Vaa in ja u'vi kúu yaa i ma, te ñu'u chitu venenu ja ka'ni ña'a i.

Santiago 3:8 ပူးပေါင်းရင်းမြစ်များ

Salmos 140:3

Vaa yaa i ma, sukan ka kuu yaa koo ma ka kuu, te tnu'u ka ka'an i ma ka kuu sukan kúu venenu koo ma.

Salmos 55:21

Te ndaka tnu'u ká'an i ma chi vita vita‑ni ká'an i kuenda tnu'u ja xe'en ma. Kovaa ini anua i ma chi ûni kanaa i kúni i. Te vivii ká'an i kuenda tnu'u ja xe'en ni ndandute ma. Kovaa ndaka ja ká'an i ma chi kuenda tnu'u ja in yuchi jâ ni kana nuu ñunee i ma kúu ndaka tnu'u ká'an i ma.

Salmos 57:4

Vaa kuenda tnu'u ja ne'un ndika'a ma iyo sa, vaa ni ka ndakonduu ña'a ñayii a. Te kuenda tnu'u ja ñu'u i'ni ka kuu tnu'u ka ka'an i ma, te kuenda tnu'u ja lanza xi flecha ka kuu nu'u i ma, te yaa i ma kuenda tnu'u ja yuchi nduva nduva nuu i ma kúu.

Salmos 58:4

Te ka kuu i sukan kúu koo kiti ndiso venenu ti ma, te ka jasi ti so'o ti ja ma jin koniniso'o ti. Te sukan kuiti ka sa'a i.

Salmos 59:7

Ûni ka ke koo ti‑iñu yu'u i ma. Sukan kúu yuchi kúu espada ma, sukan ka kuu tnu'u ndeva'a ka ka'an i ma, te ka ka'an i: “Másu kuniso'o Su'si ma ja ka ka'an o ya”, ka kuu i ka ka'an i.

Proverbios 17:20

Ñayii nde'e xeen kaa ini ma chi masu kee nawa ñu'u ini i ja sa'a i ma, te ja sukan ká'an tnu'u i ma, te jákun‑nee i nuu ja u'vi ma.

Romanos 3:13

Sukan kini kaa nuu ka yinee ndiyi ma nuna ndanune i ma, sukan ka kuu tnu'u ka kana koo sukun ñayii ma. Te ja ka ka'an i ji'in yaa i ma, ja ka xnda'vi i ñayii ma kúu. Te sukan kúu venenu koo ma, sukan kúu ja ka ka'an i ji'in ñii yu'u i ma.

Santiago 3:6

Yaa ñayii ma kúu sukan kúu in ñu'u luluu ndú'va ma. Te kúu i sukan kúu in ñuu ñayivi ja ñu'u chitu ja u'vi ma. Te iyo i ne'un yikikuñu o a, te sa'a i ja kútne'e ni‑ka'nu yikikuñu o a. Te yaa o ya, kúu i sukan kúu ñu'u ndú'va andeya ma ja xndo'o xneni ña'a i ni‑kani ni‑jika. Te chukan kúu ja na jin ko koto va'a o yaa o ya nawa ká'an i.

Santiago 3:7

Vaa ndaka kiti ka iyo ñuu ñayivi a, ja ka kuu ti kiti na'nu ka iyo yuku ma, ji'in lasaa ma, ji'in koo ma, ji'in kiti ka ñu'u nuu mar ma, kundee o nuu ti.

Apocalipsis 12:9

Te koo ka'nu kiti kaa sukan kaa in lana'ña ma, koo jana'a ma, kiti nani tachi ma ja kúu ti Satanás ma, ja ni yo xnda'vi ti ndaka ñayii ka iyo ni‑ka'nu ñuu ñayivi a, te ni ka ndaskana i ti ji'in ángel ti ma onde nuu ñu'ú ya.