Santiago 3:5 - New Testament Psalms and Proverbs in Mixtec Magdalena Peñasco

⁵ Suni sukan tna kúu yaa ñayii ma. In ja luluu‑ni kúu i, kovaa sa'a i kua'a ja na'nu xeen. ¡Ka jini ni ja in ñu'u ndú'va luluu ti'i‑ni ma chi kundee i ka'mi i in yuku ka'nu xeen!

Santiago 3:5 ပူးပေါင်းရင်းမြစ်များ

Salmos 10:3

Vaa ñayii sa'a ja u'vi ma chi kúvixi maa i ja ñu'u ini i ja sa'a i ma, te ká'an i ja vii ja va'a ja kuu ñayii ndiyo ini ma, te saxiko i Iya Tátnuni ma.

Salmos 17:10

Vaa ûni ni kundee maa ja u'vi ma ni jasi i ini anua i ma, te chukan kúu ja ka ka'an i ja maa i‑ni ka kuu‑ka.

Salmos 39:1

Ni jani ini sa: Katanuu o kondikin o ichi Su'si o a, sukan‑va'a ma ka'an o ni‑in ja u'vi ma. Te kasiyu'u vava'a o, sukan‑va'a nú iyo in ñayii ñatuu sa'a sukan játna ini Su'si ma nuu iyo o a, te ñatuu nawa kondekuechi yu'u o a.

Proverbios 12:18

Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Proverbios 15:2

Ñayii ndichi ma chi ndimaa tnu'u vii tnu'u va'a, tnu'u kuatniñu o ká'an i, kovaa ñayii so'o xeen kaa ma chi ndimaa tnu'u ndeva'a tnu'u kini ma, tnu'u masu nde kuatniñu o kúu tnu'u ká'an i ma.

Proverbios 18:21

Vaa nuna ka'an maa ñayii ja va'a ma te koteku kani i, kovaa nú ma ko koto va'a maa i tnu'u ká'an i ma chi maa tnu'u ká'an i ma sa'a ja kûu‑ni i.

Proverbios 26:20

Nú ñatuu na tutnu‑ka ñu'u nuu ñu'u ma chi ndá'va maa i, te sukan kúu tna nú ñatuu ka nduku‑ka ñayii cuentu ma chi ñatuu na in kánaa‑ka.

Santiago 3:4

Jin kani ini tna ni ja barcu ma, visi inuna'nu xeen tnu, te kajin yi'i nini'i ma sa'a ja jika tnu. Kovaa in ja luluu nani timón kúu ja skuiko ña'a nde ichi kúni tee skaka tnu ma ja ki'in tnu.

2 Pedro 2:18

Vaa vivii ka ka'an i ora ka kaxtnu'u i ma, kovaa masu nde jiniñu'u ja ka ka'an i ma, vaa ka ka'an i ja kuu jin sa'a ñayii ma sukan ka kuni maa yikikuñu i ma, te ñayii yika ni ka nde koo nuu ja u'vi ma, te ka sa'a i ja ka ndakokuiñi tuku ñayii nda'vi yukan in‑ka tuku jichi nuu ja u'vi ma.

Judas 1:16

Tee ya'a, ka ka'an de tnu'u ñayii ma, te ka ndakiti ini de ja ñatuu kúu jin sa'a de sukan ka kuni maa de ma. Te ñií yu'u de ma‑ni ka iyo ja ka ka'an vii de ma, sukan‑va'a jin kua'a ñayii ma ja ka kuni de ma.