Santiago 2:6 - New Testament Psalms and Proverbs in Mixtec Magdalena Peñasco

⁶ Kovaa ndijin chi ni masu ni ka sa'a inuu ni ji'in ñayii nda'vi ma ji'in ñayii xiku ma, te vitna ja ñayii xiku ma, ka sa'a ndeva'a ña'a i maa ni, vaa ka ñu'u ndeva'a ña'a i, te kuan koo i kuan xsia'a ña'a i nuu tee ka netniñu ma.

Santiago 2:6 ပူးပေါင်းရင်းမြစ်များ

Salmos 10:10

Vaa jínkoo i, te jákindeyi vava'a i, te iyo tu'va i ja ki'in i jin tnii vava'a i ñayii nda'vi ma.

Salmos 10:14

Kovaa maa ni chi nde'ya ni ndaka ja u'vi ka sa'a ka kuu i ñayii nda'vi ma, te maa ni chi ndakan ni kuenda nuu ñayii ka sa'a ja u'vi ma, vaa nuu maa ni ka kukanu ini ñayii nda'vi ma, te maa ni chíndee suchi kuechi ñatuu na yuva na si'i‑ka i ma.

Salmos 10:2

Ñayii ka sa'a ja u'vi ma, ûni ka ndikin i ñayii nda'vi ma, sukan‑va'a jin sa'a ndeva'a i ñayii yukan ma. Kovaa maa i jin ndani'i jin ndatna'a sukan ka ñu'u ini i ja jin sa'a i ñayii nda'vi ma.

Salmos 10:8

Te kua'an i ichi yu'u ñuu ma, núkoo i chú'u i, sukan‑va'a ka'ni i ñayii nda'vi ñatuu na ja u'vi sa'a i ma ora ya'a ñayii yukan ma, te ni masu nde yá'a nuu i ñayii nda'vi masu nawa kúu sa'a ma,

Salmos 12:5

Kovaa sa'a ká'an Iya Tátnuni ma: “Ja kuechi ja ka sa'a ndeva'a ñayii ma ñayii nda'vi ñayii kee ma, te vitna, te ndokuiñi o, te sa'a o ja jin kaku ñayii ka kuxii ka kunda'vi ini ma, ja ka ndo'o ka neni i nuu in‑ka ñayii ma”, kúu ya ká'an ya.

Salmos 14:6

Te ñayii ndákunitnuni ja jiniñu'u i Su'si ma, ndáka'an‑so'o i nuu ñayii ñatuu ka kandija ya ma, kovaa ñayii ñatuu kándija Su'si ma chi jákundee i ñayii ndáka'an‑so'o nuu i ma, te visi sukan ka sa'a i ma, kovaa Iya Tátnuni ma chi jito vava'a ya ñayii kándija ja ká'an ya ma.

Proverbios 14:31

Ñayii xnda'vi te sa'a ndeva'a i ñayii kúnda'vi ma chi sa'a i ja kúxii ini Su'si iya ni sa'a ña'a ndaka o ma, kovaa ñayii kúnda'vi ini ñayii nda'vi ma chi ndáchiñu'u i Su'si ma ja sukan sa'a i ma.

Proverbios 17:5

Ñayii jákundee ñayii nda'vi ma chi sa'a i ja ndákiti ini Su'si iya ni sa'a ña'a ma, te ñayii kúsii ini ja jini i sukan ndó'o néni in‑ka ñayii ma chi masu yanduu ja ndaxndo'o ndaxneni ña'a Su'si ma.

Proverbios 18:23

Ñayii kúnda'vi kúkee ma chi ká'an vii ká'an va'a ká'an kuee i, kovaa ñayii kúxiku ma chi ndákone'e jatu ndákone'e kini i nuu ñayii ma.

Proverbios 22:16

Ñayii ndúku ja kuxiku i ma te sa'a ndeva'a i ñayii nda'vi ma ji'in ñayii skuta'vi nawa neva'a i ma nuu ñayii xiku ma, chi ja ndetu ña'a kúu ja ndunda'vi ndukee maa i.

Proverbios 22:7

Ñayii ka kuxiku ma chi ka tatnuni maa i nuu ñayii nda'vi ma, te ñayii ka wanuu xu'un ma chi suni ka tatnuni maa i nde a ka kuni i ja jin sa'a ñayii ni ka jikan‑nuu xu'un nuu i ma.

Juan 8:49

Jesús ma, ni ndakone'e ya: ―‍Saña, ñatuu na tachi yinee ña'a. Vaa saña chi ndáchiñu'u sa Yuva sa ma, kovaa ndijin chi masu ka chiñu'u ña'a ni.

Hechos 13:50

Kovaa ñayii judío ma ja ñatuu ni ka kandija i Su'si ma, ni ka ska'an i ña'a ka sa'a tnu'u ja ka jinindija ña Su'si ma te ka iyo respetu ñayii ma nuu ña ma, ji'in tee ka ndanuu‑ka ka iyo ñuu yukan, ja na jin ndene'e nda'a de Pablo ma ji'in Bernabé ma. Te ni ka ndene'e nda'a de tee ma ñuu yukan.

Hechos 17:6

Kovaa ñatuu ni ka ndani'i i de, te chukan kúu ja kuan koo i ji'in tee kúu Jasón ma, ji'in jaku‑ka ñayii ka kandija Su'si ma, nuu tee ka netniñu ñuu yukan, te ka kayu'u i, ka jiña'a i: ―‍Pablo ma ji'in Silas ma chi ka skanaa de ñayii ni‑ka'nu ñuu ñayivi a, te ni ka kenda koo de ñuu o ya.

Hechos 18:12

Kovaa ni kuu ja kivi tátnuni tee kúu Galión ma ñuu Acaya ma, ñayii judío ma, ni ka ndatnu'u tna'a i, te ni ka tnii i Pablo ma te ni jan koo i ni ka jan xsia'a i de nuu tee kúu Galión ma nuu ja'nde de tniñu ñayii ma.

Hechos 8:3

Nani suchi kúu Saulo ma, yikuu i sondikin i ñayii ka kandija tnu'u Jesús ma, te ni yo kivi i ve'e ve'e ñayii ma, te ni yo kene'e nda'a i ñayii ma, ka kuu tee ka kuu ña'a, te ni yo chinee i ñayii ma vekaa ma.

1 Corintios 11:22

¿Masu ka iyo ve'e ni ma nuu kuu jin kaa jin ko'o ni? ¿Xi ka saxiko ni ñayii ka kandija Su'si o a? ¿Te ka kuni ni ja jin kukan‑nuu ñayii ñatuu ka yinda'a nawa jin kaa i ma? ¿Naxe ka'an‑nka sa, ka jani ini ni? ¿Ka'an sa ja naka va'a ka sa'a ni a? ¡Ña'a!

Santiago 2:3

te nuna jin kuaan mani ni ñayii ne'nu sa'ma va'a xeen ma, te jin kuña'a ni i: “Kunukoo ni nuu va'a‑ka ya”, te jin kuña'a ni ñayii nda'vi ma: “Konukuiñi ndijin jiña, xi kunukoo ni nuu ja'a sa ya”,

Santiago 5:4

Tna'a ja ña ni ka chuya'vi ni ñayii ni ka satniñu itu ni ma, ka ka'an‑kuechi i ja jin kuu ni, te Iya Tátnuni ma iya kúu sa'a ndaka ma, ni jiniso'o ya ja ka ka'an‑kuechi ñayii ni ka satniñu nuu ni ma.

Santiago 5:6

Ndijin chi ni ka xndo'o, ni ka xneni ni ñayii ka sa'a ja va'a ma, te ni ka ja'ni ni i, te ñatuu nawa ni ka ka'an i.