Santiago 2:13 - New Testament Psalms and Proverbs in Mixtec Magdalena Peñasco

¹³ Nú na in ñatuu kúnda'vi ini i tna'a i ma, te suni ma kunda'vi ini tna ña'a Su'si ma kivi ndakan ya kuenda ma, kovaa ñayii kúnda'vi ini i tna'a i ma chi sii ini‑ni koo i kivi ndakan ya kuenda ma.

Santiago 2:13 ပူးပေါင်းရင်းမြစ်များ

Salmos 18:25

Maa ni chi kúnda'vi ini ni ñayii nda'vi ini ma, te ni‑yu'u ni‑ini ni jito va'a ni ñayii ni‑yu'u ni‑ini i jinukuechi i nuu ni a, vi Su'si.

Salmos 85:10

Tnu'u nda'vi ini ma ji'in tnu'u ndaa ma, ni ka ndatna'a i. Tnu'u va'a tnu'u ndaa ma ji'in tnu'u kuee ma, ni ka ketna'a ini i.

Proverbios 21:13

Ñayii ñatuu nde ndí ini ja chindee i ñayii nda'vi ma ora jikan‑ta'vi ñayii yukan ja na chindee ña'a i ma chi kenda ja jiniñu'u tna i na in chindee ña'a, te masu na in kenda ja chindee ña'a i.

Proverbios 22:16

Ñayii ndúku ja kuxiku i ma te sa'a ndeva'a i ñayii nda'vi ma ji'in ñayii skuta'vi nawa neva'a i ma nuu ñayii xiku ma, chi ja ndetu ña'a kúu ja ndunda'vi ndukee maa i.

Mateo 5:7

’Vava'a jin kendoo ñayii inunda'vi ini ma, vaa ndunda'vi ini ña'a maa Su'si ma.

Mateo 6:15

Kovaa nú ma jin sakanu ini ni ñayii ka sa'a ña'a ja u'vi ma, suni masu sakanu ini tna ña'a Yuva o ma ndaka ja u'vi ni ka sa'a ni nuu ya ma.

Lucas 16:25

Kovaa Abraham ma, ni ndakone'e de: “Sa'ya sa, ndaka'án ni sukan va'a sukan vii ni iyo ni ñuu ñayivi ma, te Lázaro a, nda'vi xeen ni yo kuu de ma. Te vitna chi ni ndusii ini de ya'a, te ndijin ndó'o néni.

Lucas 6:37

’Máko jin ndanduku ni kuenda naxe ka sa'a ka kuu in‑ka ñayii ma, sukan‑va'a máko ndanduku Su'si ma kuenda naxe ka sa'a ka kuu ni a. Máko jin xtekuechi ni in‑ka ñayii ma, sukan‑va'a Su'si ma, masu ndaxtekuechi ña'a ya ndijin. Jin sakanu ini ni nawa ka sa'a ña'a in‑ka ñayii ma, sukan‑va'a Su'si ma, sakanu ini ña'a ya.

Santiago 3:17

Kovaa tnu'u ndichi ja vee onde sukun ma kúu tnu'u nanimaa Su'si ma, te sa'a i ja kava kuee ini ñayii ma, te sa'a i ja ka'an mani tna'a ñayii ma, te kava va'a ini i, te kunda'vi ini i tna'a i ma, te masu sa'a siin i tna'a i ma, ni a masu xnda'vi i tna'a i ma, su'va sa'a i ja va'a ma. Te nú sa'a i sukan, te in ñayii ndichi kúu i.

Santiago 5:4

Tna'a ja ña ni ka chuya'vi ni ñayii ni ka satniñu itu ni ma, ka ka'an‑kuechi i ja jin kuu ni, te Iya Tátnuni ma iya kúu sa'a ndaka ma, ni jiniso'o ya ja ka ka'an‑kuechi ñayii ni ka satniñu nuu ni ma.