Salmos 71:7 - New Testament Psalms and Proverbs in Mixtec Magdalena Peñasco

⁷ Visi kua'a ñayii chi ka jatnu'u ini ña'a i, kovaa saña chi nuu maa in‑ni ni kúkanu ini sa ja na chindee ña'a ni, te kaku sa nuu ja u'vi ma.

Salmos 71:7 ပူးပေါင်းရင်းမြစ်များ

Salmos 61:3

Vaa maa ni kúu nuu kuu chu'u sa, vaa maa ni kúu ve'e sukun sukun‑ka nuu másu kuu kenda ñayii ñatuu ka kunimani nuu sa ma.

Salmos 62:7

Vaa nuu maa Su'si ma kúu nuu kuu kaku sa te koo jayiñu'u sa. Vaa maa Su'si ma kúu toto nuu kuu koxtnee va'a sa te kaku sa.

Salmos 62:8

Ndaka ni ja ka kuu ni ñuu Su'si ma, nuu maa in‑ni ya jin kukanu ini ni ni‑kani ni‑jika, te ni‑yu'u ni‑ini ni jin kukanu ini ni ya, vaa maa ya kúu nuu kuu jin kaku o.

Salmos 62:9

Ja ndaa kúu ja ndaka sa'ya tata ñayii ma, ñatuu ka kandija i Su'si ma, te masu nawa ka kuu i‑ni chi sukan ka kuu in ja jani ini o ma te ni ya'a ma, sukan‑ni ka kuu i, ka kuu i ñayii xiku, ka kuu i ñayii nda'vi. Nuna chikua'a ña'a Su'si ma in in i ma chi kuenda tnu'u in mi'i‑ni ka kuu nduu jichi i ma nuu ya ma.

Lucas 2:34

Te Simeón ma, ni ka'an de ja va'a ja jin kuu ña, te jiña'a de si'i ya María ma: ―‍Te iya ya'a, iyo ya ja sa'a ya ja kua'a ñayii Israel ya, jin kotuu i xi jin ndakoo i. Te maa ya ko kuu seña, te kua'a ñayii, jin saxiko i ya,

Hechos 4:13

Ni ka jini tee ka netniñu ma ja Pedro ma ji'in Juan ma chi ûni masu ka yu'u de te ka ka'an de ma, te vitna ja masu tee ni ka skua'a ka kuu de. Chukan kúu ja ni ka sa'vi‑nka ini de, te ni ka ndakunitnuni de ja tee ni ka iyo ji'in Jesús ma ka kuu de.

1 Corintios 4:9

Vaa jani ini sa ja saña ja ka kuu sa tee ni tetniñu Su'si ma, ni jani ini ya ja sandi'i‑nka jin ko kuu sa, te kuenda tnu'u ja jâ ni kutnuni ja jin kûu sa. Te ndaka ñayii ñuu ñayivi a ji'in ángel ma, ka ndaa ka nuu ña'a i, te ka kusii ini i, te ka kutachi i, tee ka jakundee ña'a i ja sukan ka ndo'o ka neni sa a.