Salmos 71:5 - New Testament Psalms and Proverbs in Mixtec Magdalena Peñasco

⁵ Vaa onde nuu jaa sa ma kúkanu ini ña'a sa ja maa ni kúu iya sa'a ja koo va'a sa.

Salmos 71:5 ပူးပေါင်းရင်းမြစ်များ

Salmos 119:166

Saña chi ndetu sa ja sa'a ni ja kaku sa nuu ja u'vi ma, vi Su'si, te ndaka tnu'u tátnuni ni ma chi sa'a sa sukan ká'an i ma.

Salmos 119:81

Te ûni ve kuita sa ja ndetu sa ja na chindee ña'a ni ja na kaku sa, vaa kúkanu ini sa sukan ká'an tnu'u maa ni a.

Salmos 13:5

Kovaa saña chi kúkanu ini ña'a sa ja kútoo ña'a ni, te ini anua sa ya, kúsii ini xeen i ja maa ni sa'a ja kaku sa nuu ja u'vi ma.

Salmos 39:7

Te nú sukan, vi Su'si Iya Tátnuni, ¿na nde a kúu ja kondetu sa ñuu ñayivi ya? Te chukan kúu ja va'a‑ka ja nuu maa ni kúkanu ini sa chi koo va'a‑ka sa.

Salmos 42:11

Kovaa ni ndachu'un xeen ini sa, te ka'án sa: ¿Te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 71:17

Su'si maa sa, maa ni ni kaxtnu'u nuu sa tnu'u ndaa tnu'u ndija ni a onde nuu jaa sa ma, te ndimaa ndákaxtnu'u sa nuu ñayii ma ndaka ja vii ja va'a sa'a ni a.

Lucas 2:40

Te ve kua'nu ya, te ve kundee ve kundatnu ya, te ve kundichi ya, te tnu'u vii tnu'u mani Su'si ma iyo ji'in ya.

Romanos 15:13

Te maa Su'si ma na sa'a ja jin kukanu ini o ya ma, te maa ya na sa'a ja jin koo sii ini xeen o te jin koo mani o, ja ka kandija o ya ma, sukan‑va'a ja maa tnu'u ndee tnu'u ndatnu Xtumani Ndios ma, te sa'a ya ja jin kukanu ini xeen‑ka o ja jin ni'i o ja taa ya ma.

2 Timoteo 3:15

Vaa onde nuu luluu ni ma, ni kutu'va ni tnu'u Su'si o a. Te maa tnu'u Su'si o a kúu ja sa'a ndichi‑ka ña'a, ja na kukanu ini‑ka ni Cristo Jesús ma, sukan‑va'a ndani'i ta'vi ni.