Salmos 7:7 - New Testament Psalms and Proverbs in Mixtec Magdalena Peñasco

⁷ Te maa ni chi jin ndakonduu ña'a ñayii ka ndututu ja ka ndachiñu'u ña'a i ma ja ka iyo i ndi‑in ndi‑in ñuu ma, vaa maa ni chi onde sukun ma núkoo ni ja tátnuni ni nuu i ma, vi Su'si.

Salmos 7:7 ပူးပေါင်းရင်းမြစ်များ

Salmos 138:6

Vaa Su'si Iya Tátnuni, iya iyo onde sukun ma kúu ni, te ndí ini ni ja jin kuu ñayii nda'vi ma. Kovaa jika‑ni nde'ya ni ñayii ka jani ini ja maa i ka kuu‑ka ma.

Salmos 35:23

Ndokuiñi ni, vi Iya Tátnuni, Su'si maa sa, te sa'a ndaa ni tniñu sa a ji'in ñayii ya'a, te chindee ña'a ni, vaa masu na kuechi sa.

Salmos 43:1

Su'si maa sa, ka'nde ni tniñu sa a ji'in ñayii ka sa'a ndaka ja u'vi ma, te ka xnda'vi tna'a i ma, sukan‑va'a jín kuni i ja másu na kuechi sa.

Salmos 48:11

Ndusii ini xeen yuku nani Sion ma, te jin ndusii ini xeen sasi'i ñayii ñuu Judá ma, ja jin kuni i ja sukan ja'nde ndaa ni tniñu ñayii ma, vi Su'si.

Salmos 59:5

Vaa maa ni kúu Su'si Iya Tátnuni, te neva'a ni tnu'u ndee tnu'u ndatnu, ja kanaa ni ji'in ndaka ñuu ma. Te sa'a ni ja jin ndo'o jin neni ndaka ñayii ndaka ñuu ma ja ñatuu ka kandija i ja ká'an ni ma, vaa ndimaa ja u'vi ka sa'a i. Te máko kunda'vi ini ni i, vaa maa ni kúu Su'si ñuu Israel ma.

Salmos 93:4

Iya Tátnuni iya iyo onde sukun ma kúu iya neva'a‑ka tnu'u ndee tnu'u ndatnu sana ndute kua'a xeen ma, te iyo‑ka tnu'u ndee tnu'u ndatnu ya sana nuu ndute kua'a kuá'an vee nuu mar ma.

Apocalipsis 18:20

Kovaa ndusii ini andivi ma, te jin ndusii ini tna ni ja ka kuu ni ñayii ka sa'a ja va'a ma, ja ka kuu ni tee ni tetniñu Jesucristo ma, ji'in tee ka ndakaxtnu'u tnu'u ni yo taa Su'si ma, vaa Su'si ma, jâ ni sa'a ya ja ni ka ndachunaa ñayii ka iyo ñuu ka'nu ma, kuechi ja ni ka sa'a ña'a i ma.

Apocalipsis 19:2

Vaa sa'a ndaa sa'a ndija ya, te ni sa'a ya ja jâ ni ndachunaa ña'a kúneé kú‑uun ma ja u'vi ni yo sa'a ña ma, vaa ni yo sa'a ña ja jin ko sa'a ñayii ma ja u'vi sukan ni yo sa'a ña ma, te jâ ni ndachunaa ña ja ni yo ja'ni ña ñayii ni ka yo jinukuechi nuu Su'si o a, ka kuu i ka ka'an i.