Salmos 7:6 - New Testament Psalms and Proverbs in Mixtec Magdalena Peñasco

⁶ Ndokuiñi ni, vi Iya Tátnuni, te kanaa maa ni ji'in ñayii ñatuu ka kunimani nuu sa a. Te chindee ña'a ni, te ka'nde ndandaa ni tniñu sa ji'in ñayii ñatuu ka kunimani nuu sa ma. Sukan, te kuni ndaa sa ja iyo sa ji'in ni.

Salmos 7:6 ပူးပေါင်းရင်းမြစ်များ

Salmos 44:23

Su'si maa sa, ndakatanuu ña'a ni, te máko skendoo ña'a ni, te máko kujika ni nuu ka iyo sa ya ni‑kani ni‑jika.

Salmos 35:23

Ndokuiñi ni, vi Iya Tátnuni, Su'si maa sa, te sa'a ndaa ni tniñu sa a ji'in ñayii ya'a, te chindee ña'a ni, vaa masu na kuechi sa.

Salmos 3:7

“Iya Tátnuni, ndokuiñi ni, te chindee ña'a ni ja na kaku sa nuu tnundo'o tnuneni a. Su'si maa sa, maa ni kua'a yikinuu ñayii ñatuu ka kunimani nuu sa ma, te kaku sa, te ta'vi ni nu'u ñayii ka sa'a ja u'vi ma.

Salmos 138:7

Vaa nú iyo yika sa nuu tnundo'o ma chi maa ni sa'a ja kaku sa te koteku sa. Vaa skuili ni nda'a ni ji'in tnu'u ndee tnu'u ndatnu ni ma, te sa'a ni ja kaku sa nuu ñayii ka kuni u'vi nuu sa ma te ka ndakiti ini i nuu sa ma.

Salmos 44:26

Konuu ni, te ki chindee ña'a ni ja na jin kaku sa nuu ja u'vi a, vaa maa ni chi kútoo ña'a ni, te kúnda'vi ini ña'a ni, vi Su'si.

Salmos 103:6

Maa Su'si Iya Tátnuni ma kúu iya sa'a ndaa, te chíndee ya ñayii ka ndo'o ka neni ja ka sa'a ndeva'a ña'a in‑ka ñayii ma.

Salmos 78:65

Kovaa ni ndaka'án Su'si ma sa'ya tata ñayii ñuu Israel ma, te ni chindee ya i, te ni kayu'u nini'i ya sukan kúu in tee kua'an ja kanaa de.

Salmos 74:3

Ne'e ni, te kuni ni sukan ni kendoo nda'vi, ni kendoo kee ñuu ni a. Te ñayii ñatuu ka kunimani nuu o a, ni ka xnaa i ndaka ja iyo ini veñu'u maa ni a.

Salmos 73:20

Kivi kenda ja ndokuiñi ni ma, vi Su'si chi sukan‑ni kúu in ja jani o ora kixi o ma ja nú ni ndoto o ma sani te ni ndunaa o ma, sukan‑ni jin ko kuu ñayii yukan nuu ni. Vaa visi ka jani ini i ja maa i ka kuu‑ka kovaa maa ni chi su'va saxiko ni i.

Salmos 59:5

Vaa maa ni kúu Su'si Iya Tátnuni, te neva'a ni tnu'u ndee tnu'u ndatnu, ja kanaa ni ji'in ndaka ñuu ma. Te sa'a ni ja jin ndo'o jin neni ndaka ñayii ndaka ñuu ma ja ñatuu ka kandija i ja ká'an ni ma, vaa ndimaa ja u'vi ka sa'a i. Te máko kunda'vi ini ni i, vaa maa ni kúu Su'si ñuu Israel ma.

Salmos 35:1

Iya Tátnuni, kanaa maa ni ji'in ñayii ka kuni ja jin kanaa i ji'in sa ma. Kunda'a maa ni i, te sa'a maa ni i naxe kúni ni.

Salmos 12:5

Kovaa sa'a ká'an Iya Tátnuni ma: “Ja kuechi ja ka sa'a ndeva'a ñayii ma ñayii nda'vi ñayii kee ma, te vitna, te ndokuiñi o, te sa'a o ja jin kaku ñayii ka kuxii ka kunda'vi ini ma, ja ka ndo'o ka neni i nuu in‑ka ñayii ma”, kúu ya ká'an ya.

Salmos 143:3

Vaa ñayii ñatuu ka kunimani nuu sa ma chi ka sondikin ña'a i, te ka kuni i ja kotuu sa te koo jika sa nuu ni a, te ka xtetuu ña'a i ja na ko sa'a sa sukan ka sa'a ñayii ka iyo nuu nee ma ja ñatuu ka kandija ña'a i maa ni ma, te ka kuni i ja ndo'o sa sukan ni ka ndo'o ñayii ni ka ji'i onde ndende kii ma te ni ka skenaa i maa i ma.