Salmos 7:1 - New Testament Psalms and Proverbs in Mixtec Magdalena Peñasco

¹ Su'si maa sa, Iya Tátnuni, nuu maa in‑ni ni kúkanu ini sa ja chindee ña'a ni ja na kaku sa nuu ndaka ñayii ka sondikin ña'a ja jin sa'a ña'a i ja u'vi ma.

Salmos 7:1 ပူးပေါင်းရင်းမြစ်များ

Salmos 11:1

Nuu Iya Tátnuni ma kúkanu ini sa, te kaku sa nuu ja u'vi ma. ¿Nava'a ka ka'an ñayii ma nuu sa ja na kunu sa onde yuku ma sukan ka ndava lasaa ma?

Salmos 13:3

Su'si maa sa, Iya Tátnuni, konde'ya ña'a ni, te ndakone'e ni ja jikan‑ta'vi sa nuu ni a. Ndaxtnuu ni ñu'u maa ni a nuu sa, sukan‑va'a má kûu sa.

Salmos 13:5

Kovaa saña chi kúkanu ini ña'a sa ja kútoo ña'a ni, te ini anua sa ya, kúsii ini xeen i ja maa ni sa'a ja kaku sa nuu ja u'vi ma.

Salmos 18:2

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Salmos 18:28

Vaa maa ni sa'a ja tnúu ñu'u ini anua sa a, te maa ni, vi Iya Tátnuni, ora ñatuu ní'i ini sa nawa sa'a sa ma, xtnuu ni ñu'u ni a nuu sa ma.

Salmos 25:2

Su'si maa sa, nuu maa ni kúkanu ini sa, te máko kua'a ni tnu'u ja tna'a sa ja kan‑nuu, te máko jin jakundee ña'a ñayii ñatuu ka kunimani nuu sa ma.

Salmos 26:1

Iya Tátnuni, ndaka'an ndakachi maa ni naxe iyo sa nuu ni a, vaa saña chi ni‑yu'u ni‑ini sa ndikin ña'a sa, te ñatuu nde jani uu jani uni ini sa, vaa nuu maa ni kúkanu ini sa.

Salmos 3:7

“Iya Tátnuni, ndokuiñi ni, te chindee ña'a ni ja na kaku sa nuu tnundo'o tnuneni a. Su'si maa sa, maa ni kua'a yikinuu ñayii ñatuu ka kunimani nuu sa ma, te kaku sa, te ta'vi ni nu'u ñayii ka sa'a ja u'vi ma.

Salmos 30:12

Te chukan kúu ja nuu maa in‑ni ni kata sa, te ndaka'an ndakachi sa sukan vii sukan luu chíndee ña'a ni a, te ni masu kasiyu'u sa. Su'si maa sa, Iya Tátnuni, ndachiñu'u ña'a sa ni‑kani ni‑jika.

Salmos 30:2

Su'si maa sa, nuu maa in‑ni ni ni jikan‑ta'vi, ni jikan‑ta'vi sa, te ni ndasava'a ña'a ni.

Salmos 31:15

Nuu nda'a maa ni iyo sa, te máko kua'a ni tnu'u ja jin tnii ña'a ñayii ñatuu ka kunimani nuu sa ma te ka sondikin ña'a i ma.

Salmos 32:10

Ñayii ñatuu ka kandija ja ká'an Iya Tátnuni ma chi kua'a xeen ja jin ndo'o jin neni i, kovaa ñayii ka kukanu ini Iya Tátnuni ma chi ka ndakonduu ña'a ja nda'vi ini ña'a ya ma.

Salmos 43:4

Te kivi sa nuu iyo altar ni ma, vi Su'si maa sa, iya táa tnu'u sii ini xen‑xeen, te tee sa arpa ma, te kata sa ja ndáchiñu'u ña'a sa, vi Su'si maa sa.

Salmos 89:26

Te maa de ndakune'e ña'a, te sa'a ka'an de: Maa ni kúu yuva sa. Maa ni kúu Su'si sa. Maa ni kúu toto nuu kuu kaku sa.

1 Pedro 1:21

Te chukan kúu ja ka kukanu ini o Su'si ma, vaa ni ndaxteku ya Cristo ma ne'un ñayii ni ka ji'i ma, te ni wa'a ya jayiñu'u ya ma. Te chukan kúu ja ka kandija o Su'si ma.

1 Pedro 4:19

Chukan kúu ja nú nde o ka ndo'o ka neni ja ka sa'a o sukan kúni Su'si ma, te na jin skendoo o anua o ma nuu nda'a maa iya ni sa'a ña'a ma, nuu maa iya kuu jin kukanu ini o ma, te maa ya chindee ña'a ja kuu jin koo sa'a o ja va'a ma.