Salmos 69:3 - New Testament Psalms and Proverbs in Mixtec Magdalena Peñasco

³ Te ni kuita‑nka sa ja kána ña'a sa, te sukun sa ya chi ni kuu tikaña‑nka i, te nduchinuu sa ya chi ni ka kuita‑nka i, ja ndetu ña'a sa ja kii ni ki chindee ña'a ni, vi Su'si.

Salmos 69:3 ပူးပေါင်းရင်းမြစ်များ

Salmos 119:123

Vaa nduchinuu sa ya chi ni ka kuita‑nka i ja ka ndetu i ja na chindee ña'a ni, sukan‑va'a na kaku sa nuu ja u'vi ma, vaa sukan ni skuiso ni nuu tnu'u maa ni ma, te ndetu ña'a sa.

Salmos 119:82

Te onde nduchinuu sa ya ve jin kuita‑nka ja ndétu sa sukan ká'an tnu'u maa ni a, te jani ini sa: “¿Na kivi‑nka, te kii Su'si ma te ndaka'an mani ña'a ya?”, jani ini sa.

Salmos 22:15

Te ni yichi kuiti ñií yu'u sa ya, te ni ndatnii tna'a yaa sa ya ji'in nda'nda sa ya, jâ ni kuita kuiti sa, te vala‑nka ja kûu sa nkuu, vaa maa ni ni wa'a tnu'u ja sukan ndó'o néni sa a.

Salmos 22:2

Su'si maa sa, kána ña'a sa nduu ma, te ñatuu ndákone'e ni ja ká'an sa ma, te jakuaa ma ñatuu ndátatu sa ja kána ña'a sa.

Salmos 25:21

Te ûni ni‑yu'u ni‑ini sa ká'an sa nuu ni a, te másu xnda'vi ña'a sa, vaa jini maa ni ja masu na ja u'vi sa'a sa, vaa kúkanu ini ña'a sa ja maa ni, te koo va'a sa.

Salmos 39:7

Te nú sukan, vi Su'si Iya Tátnuni, ¿na nde a kúu ja kondetu sa ñuu ñayivi ya? Te chukan kúu ja va'a‑ka ja nuu maa ni kúkanu ini sa chi koo va'a‑ka sa.

Salmos 40:3

Te ni sa'a ya ja ni ndusii ini sa, te ni keja'a sa jita sa in yaa jaa, te ndáchiñu'u sa Su'si o a. Te nuna jin kuni kua'a ñayii ma sukan sa'a sukan kúu sa a, te jin koyu'u i Su'si ma, te masu jin ko sa'a‑ka i ja u'vi ma, te jin kukanu ini tna i Iya Tátnuni a.

Salmos 6:6

Vaa jâ ni kuita sa ja tnána u'vi sa a. Ndaka jakuaa ma nda'yu nda'yu sa, te ni ndoyo kuiti‑nka nuu kátuu sa ma, sa'a ndute nuu sa a.

Salmos 69:21

Su'va ja uwa ni ka taa i ja ni jaa sa, te nuu yichi sa ma, su'va ni ka taa i ndute nde'ya uva ja ni jiya ja ko'o sa.

Salmos 88:7

Te ndaka ja ndákiti ini ni ma ni kenda siki sa ya, te ndaka tnundo'o ni tetniñu ni ma, jâ ni kundee i nuu sa a.

Juan 19:28

Ja ni jinu sukan ma, vaa Jesús ma chi jâ jini ya ja ni ndi'i ndaka ja iyo ja ndo'o neni ya ma, te jiña'a ya: ―‍Yíchi sa. Sukan jiña'a ya, sukan‑va'a na ko kuu sukan ká'an tnu'u ndee nuu tutu Su'si ma.

Hebreos 5:7

Te nuu ve kuyatni ora ja jin ka'ni i Cristo ma, te ni kayu'u nini'i ya, te nda'yu ya jikan‑ta'vi ya nuu Su'si ma, vaa Su'si ma chi kuu sa'a ya ja kaku Cristo ma ja masu kûu ya ma. Te Su'si ma chi ni jiniso'o ya ja ni jikan‑ta'vi Cristo ma, vaa ndaka ja ni tatnuni Su'si ma ni yo kandija Cristo ma.