Salmos 69:2 - New Testament Psalms and Proverbs in Mixtec Magdalena Peñasco

² vaa kuenda tnu'u ja in nuu ñu'u tnaa kuan kêe ja'a sa ya, te ñatuu nde jakituu i, te kuenda tnu'u ja jâ ni kenda sa onde ka'a ndute ma, te ñú'u ña'a de.

Salmos 69:2 ပူးပေါင်းရင်းမြစ်များ

Salmos 32:6

Visi na yanduu ndute ma nuu ñu'u de ma te ndakana de, kovaa masu kenda de nuu ka iyo ñayii ma. Te sukan kúu ni ji'in ñayii ka iyo va'a nuu ni ma chi ka jikan‑ta'vi i nuu ni ora ka kuxii xeen ini i ma, te maa ni chi chíndee ni i.

Salmos 40:2

Te ni ndatava ña'a ya soko nuu ñunee sa ma, nuu ñu'u nde'yu ka'va ma, nuu ñu'u tnaa ma, nuu ñatuu ní'i ini‑ka sa nawa sa'a sa ma. Te ni ndasunkani ña'a ya siki toto ma, te ni ndaskaka ya ja'a sa a ichi va'a ma, sukan‑va'a ma ndêe‑ka tuku sa.

Mateo 7:25

Visi ni kuun savi ma te ni kee ndeñu'u yute ma, te ni yi'i xeen tachi ma, te ni jan kani ndee ni'i ndute ma yika ve'e ma, kovaa masu ni kotuu ve'e ma, vaa siki toto ma yoxtnee i.