Salmos 69:17 - New Testament Psalms and Proverbs in Mixtec Magdalena Peñasco

¹⁷ Máko chu'u ni, sukan‑va'a kuni ni ndenu iyo sa ja jinukuechi sa nuu ni a. Konuu ni, te kii ni ki chindee ña'a ni vaa ndó'o néni sa.

Salmos 69:17 ပူးပေါင်းရင်းမြစ်များ

Salmos 102:2

Te máko chu'u ni kivi kúxii kúnda'vi ini sa ma, su'va ndakone'e kunu ni nawa jikan‑ta'vi sa ma.

Salmos 13:1

Iya Tátnuni, ¿na saa‑ka kii ko ndunaa ña'a ni te koo jika ni nuu sa a? ¿Na saa‑ka kivi ni ma kuni ña'a sa ja iyo ni ji'in sa a?

Salmos 143:7

Iya Tátnuni, ndakone'e kunu ni ja jikan‑ta'vi sa ya, vaa ve kuita sa. Máko chu'u ni ja ma chindee ña'a ni, vaa ma kundee sa, te nasa yukan, te kûu sa sukan ni ka ji'i ñayii ma te skenaa sa maa sa.

Salmos 143:9

Chindee ña'a ni ja na kaku sa nuu ñayii ñatuu ka kunimani nuu sa ma, vaa nuu maa ni kúu nuu kuu chu'u sa te kaku sa.

Salmos 22:24

Vaa ñatuu nde ni saxiko ya ja ni jiña'a ñayii ndó'o néni ma, te ni masu nde ni chu'u ya nuu ya ma ora nuu ni ndakune'e i ya ma. Su'va ni yo niniso'o ñukuun ya ja ni jikan‑ta'vi i ma.

Salmos 27:9

Máko chu'u ni ja ma ndani'i ña'a sa. Máko ndakiti ini ni te xtandiyo ña'a ni nuu iyo ni a, saña ja jinukuechi sa nuu ni a. Vaa maa ni kúu iya chíndee chítuu ña'a, te máko xndoo maa in‑ni ña'a ni, vi Su'si iya sa'a ja kaku sa ma.

Salmos 40:13

Su'si, jikan‑ta'vi xeen sa nuu ni ja chindee ña'a ni. Ne'e kunu ni, kí chindee ña'a ni, vi Su'si Iya Tátnuni.

Salmos 44:24

¿Naku ñatuu ndáka'án ña'a ni, te naku ni ndunaa ña'a ni te ka ndo'o ka neni sa ya, ja sukan ka sa'a ndeva'a ña'a ñayii ma?

Salmos 66:14

sukan ni ka'an, ni kachi sa ja sa'a sa nuu ni ma nuu iyo sa nuu tnundo'o tnuneni ma.

Salmos 70:1

Su'si, jikan‑ta'vi xeen sa nuu ni ja chindee ña'a ni. Ne'e kunu ni, ki chindee ña'a ni, vi Su'si.

Mateo 26:38

te jiña'a ya de: ―‍Jini sa ja onde ini anua sa a, kúxii xeen ini i, te ûni kuenda kûu sa kúni sa. Jin kendoo ni ya'a. Másu ko jin kusu ni ―‍kúu ya jiña'a ya.

Mateo 27:46

Te maa ora yukan kúu ora ni kayu'u nini'i Jesús ma ni ka'an ya: ―‍Eloi, Eloi, ¿lama sabactani? Te tnu'u ya'a kúni ka'an, “Su'si maa sa, Su'si maa sa, ¿nava'a ni xndoo ña'a ni?”