Salmos 69:16 - New Testament Psalms and Proverbs in Mixtec Magdalena Peñasco

¹⁶ Ndakone'e ni ja jikan‑ta'vi sa nuu ni a, vi Su'si, vaa iya va'a ini kúu ni. Te kunda'vi ini ña'a ni, sukan kútoo ña'a ni a, te konde'ya ña'a ni ja sukan ndó'o néni sa ya.

Salmos 69:16 ပူးပေါင်းရင်းမြစ်များ

Salmos 106:45

Te ni yo ndaka'án ya sukan ni skuiso ya nuu i ma, te ni yo ndunda'vi ini ya i, vaa iya va'a xeen ini kúu ya.

Salmos 109:21

Te maa ni, vi Su'si Iya Tátnuni, kunda'vi ini ña'a ni, te sa'a ni ja kaku sa, vaa va'a ini ni, te sa'a ña'a ni ja va'a, sukan‑va'a jín kuni ñayii ma ja maa ni kúu Su'si iya jito ña'a.

Salmos 18:5

Ni ka jani ini i ja jin ka'ni ña'a i, te ni kenda sa nuu kûu sa ma nkuu.

Salmos 25:16

Iya Tátnuni, konde'ya ña'a ni, te kunda'vi ini ña'a ni, vaa iyo maa in‑ni sa ya'a, te jiniñu'u ña'a sa, vaa ndó'o néni sa a.

Salmos 26:11

Kovaa saña chi ni‑yu'u ni‑ini sa kondikin ña'a sa, te kunda'vi ini ña'a ni, te chindee ña'a ni ja na kaku sa nuu ja u'vi ma.

Salmos 36:7

¡Naka vii naka luu kúu tnu'u nda'vi ini ni a, vi Su'si! Te chukan kúu ja ka kukanu ini ña'a ñayii ma ja jin koo va'a i nú iyo ni ji'in i ma, sukan ka kuu chili ma ja chii ndijin si'i ti ma kúu nuu kuu jin kaku ti ma.

Salmos 51:1

Ja kútoo ña'a maa ni, vi Su'si, te kunda'vi ini ña'a ni. Sukan va'a xeen ini ni a, te xnaa ni ndaka kuechi sa a.

Salmos 63:3

Vaa ja va'a xeen‑ka kúu ja kúnda'vi ini ña'a ni a te koo sa ji'in ni ma, sana ja koo maa in‑ni sa ñuu ñayivi ya visi na koteku kani sa ma. Te chukan kúu ja ni‑yu'u ni‑ini sa ndachiñu'u ña'a sa, vi Su'si.

Salmos 69:13

Kovaa saña chi jikan‑ta'vi sa nuu ni, vi Su'si. Te kivi kúni maa ni ja chindee ña'a ni ma, te kua'a xeen ja taa ni, vaa kúnda'vi ini ña'a ni, vaa ndija ni ja ká'an ni ja chindee ña'a ni te kaku sa nuu ja u'vi ma, te vitna, te koniniso'o ni ja ká'an sa ya, vi Su'si.