Salmos 69:13 - New Testament Psalms and Proverbs in Mixtec Magdalena Peñasco

¹³ Kovaa saña chi jikan‑ta'vi sa nuu ni, vi Su'si. Te kivi kúni maa ni ja chindee ña'a ni ma, te kua'a xeen ja taa ni, vaa kúnda'vi ini ña'a ni, vaa ndija ni ja ká'an ni ja chindee ña'a ni te kaku sa nuu ja u'vi ma, te vitna, te koniniso'o ni ja ká'an sa ya, vi Su'si.

Salmos 69:13 ပူးပေါင်းရင်းမြစ်များ

Salmos 32:6

Visi na yanduu ndute ma nuu ñu'u de ma te ndakana de, kovaa masu kenda de nuu ka iyo ñayii ma. Te sukan kúu ni ji'in ñayii ka iyo va'a nuu ni ma chi ka jikan‑ta'vi i nuu ni ora ka kuxii xeen ini i ma, te maa ni chi chíndee ni i.

Salmos 51:1

Ja kútoo ña'a maa ni, vi Su'si, te kunda'vi ini ña'a ni. Sukan va'a xeen ini ni a, te xnaa ni ndaka kuechi sa a.

Salmos 91:15

Te nuna ndakune'e ña'a i, te yo'o chi ndakone'e o ja ká'an i ma. Maa o koo ji'in i, te sa'a o ja ya'a i nuu tnundo'o tnuneni ma, te koo xeen jayiñu'u i.

Salmos 98:3

Ni ndaka'án Su'si ma sukan kúnda'vi ini ya ndaka sa'ya tata tee kúu Israel ma, te ndaka ñayii ka iyo ni‑ka'nu ñuu ñayivi a, ni ka jini i sukan sa'a Su'si o ma ja jin kaku ñayii ma nuu ja u'vi ma.

Lucas 1:72

Ja kunda'vi ini ya tna'a o tee jana'a ma, te ma ndunaa ña'a ya, vaa sa'a ña'a ya sukan ni skuiso ya ma.

Lucas 22:44

Te yikuu ya kuxii kunda'vi xeen ini ya, te jikan‑ta'vi jikan‑ta'vi‑nka ya nuu Yuva ya Su'si ma, te kuun kuun‑nka ña'a tnaa ya ma, te kuenda niñi kúu i, jinkoo i nuu ñu'ú ma.

2 Corintios 6:2

Vaa sa'a ká'an tnu'u Su'si ma: Kivi ni jan‑ta'vi ña'a ni ma, te ni jiniso'o sa ja ká'an ni ma, te kivi ndó'o néni ni ma, te ni chindee ña'a sa, te ni kaku ni. Sa'a ká'an tnu'u Su'si ma. Te vitna kúu kivi kuan‑ta'vi ni ya te ndakuan‑ta'vi ña'a ya, te vitna kúu kivi iyo ja kuu kaku ni nuu ja u'vi ma.

Hebreos 5:7

Te nuu ve kuyatni ora ja jin ka'ni i Cristo ma, te ni kayu'u nini'i ya, te nda'yu ya jikan‑ta'vi ya nuu Su'si ma, vaa Su'si ma chi kuu sa'a ya ja kaku Cristo ma ja masu kûu ya ma. Te Su'si ma chi ni jiniso'o ya ja ni jikan‑ta'vi Cristo ma, vaa ndaka ja ni tatnuni Su'si ma ni yo kandija Cristo ma.

1 Pedro 2:23

Nuu ni ka ka'an ndeva'a i nuu ya ma, masu ni yo ndaka'an ndeva'a ya nuu i ma. Nuu ni yo ndo'o, ni yo neni ya ma, masu ni yo chu'un ini ya, su'va ni yo yo ndetu ya naxe sa'a maa Su'si ma, vaa suu ya kúu iya ja'nde ndandaa tniñu ma.