Salmos 61:3 - New Testament Psalms and Proverbs in Mixtec Magdalena Peñasco

³ Vaa maa ni kúu nuu kuu chu'u sa, vaa maa ni kúu ve'e sukun sukun‑ka nuu másu kuu kenda ñayii ñatuu ka kunimani nuu sa ma.

Salmos 61:3 ပူးပေါင်းရင်းမြစ်များ

Salmos 116:2

Vaa ni yo niniso'o ñukuun ya ja ni jiña'a sa ya ma, te chukan kúu ja ndaka kivi ja koteku sa ma, te ko ndakune'e sa ya.

Salmos 140:7

Su'si sa Iya Tátnuni, maa ni iyo tnu'u ndee tnu'u ndatnu ja sa'a ni ja kaku sa nuu ja u'vi ma, vaa maa ni ni jasi xini sa a, te ni kaku sa kivi ni ka kanaa sa ji'in ñayii ñatuu ka kunimani nuu sa ma.

Salmos 18:2

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Salmos 27:5

Vaa maa ya chu'u ña'a ini ve'e nuu iyo ya ma kivi kenda ja u'vi ma, vaa nuu iyo ya ma koo va'a sa te kaku sa nuu tnundo'o ma, vaa in nuu toto sukun sunkani ña'a ya.

Salmos 62:7

Vaa nuu maa Su'si ma kúu nuu kuu kaku sa te koo jayiñu'u sa. Vaa maa Su'si ma kúu toto nuu kuu koxtnee va'a sa te kaku sa.

Proverbios 18:10

Su'si ma chi sukan kúu in ve'e núkuiñi vava'a kúu ya nuu ñayii sa'a ja va'a ja ndaa ma, vaa nuu maa ya ma jinu i kua'an i, ja na kaku i nuu ja u'vi ma te koo va'a i nuu ya.

2 Corintios 1:10

Te suu ya ni sa'a ja ni ka kaku sa, te suu ya sa'a ja ka kaku sa onde vitna a, te ka kukanu ini sa ja maa ya sa'a ja jin kaku sa ja ma jin ka'ni ña'a i.