Salmos 61:2 - New Testament Psalms and Proverbs in Mixtec Magdalena Peñasco

² Visi iyo sa onde ñuu ka iyo jika xeen ma, kovaa ndákune'e ña'a sa, vaa ve kuita ini anua sa ya. Sonee tna ña'a ni onde nuu toto sukun‑ka sana saña ma.

Salmos 61:2 ပူးပေါင်းရင်းမြစ်များ

Salmos 18:2

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Salmos 62:6

Vaa maa ya kúu toto nuu kuu kaku sa ma. Te maa ya kúu nuu kuu chu'u sa ma, te ma kotuu kuiti sa.

Salmos 77:3

Te ndáka'án sa sukan vii sukan va'a ini Su'si ma, te nda'yu sa, kovaa ndása'a sa kuenda sukan ndó'o néni sa ma, te ndákuxii tuku ini sa.

Salmos 62:2

Vaa maa in‑ni ya kúu toto nuu kuu kaku sa ma. Maa ya kúu nuu kuu chu'u sa ma, te ma kotuu sa.

Salmos 18:46

Jayiñu'u kóo nuu ni, Iya Tátnuni. Iya va'a xeen ini kúu ni, vaa suu ni kúu toto nuu yoxtnee va'a sa a. Te jayiñu'u kóo nuu ni ja kúu ni iya ni sa'a ja ni kaku sa ma.

Salmos 27:5

Vaa maa ya chu'u ña'a ini ve'e nuu iyo ya ma kivi kenda ja u'vi ma, vaa nuu iyo ya ma koo va'a sa te kaku sa nuu tnundo'o ma, vaa in nuu toto sukun sunkani ña'a ya.

Salmos 142:3

Ora kúxii kúnda'vi ini sa ma, vi Su'si, te ñatuu ní'i ini‑ka sa nawa sa'a sa ma, kovaa maa ni chi jini ni ja ichi kua'an sa ma chi ichi nuu ni ka satu'va i ja jin ke'en su'va ña'a i ma kúu.

Salmos 40:2

Te ni ndatava ña'a ya soko nuu ñunee sa ma, nuu ñu'u nde'yu ka'va ma, nuu ñu'u tnaa ma, nuu ñatuu ní'i ini‑ka sa nawa sa'a sa ma. Te ni ndasunkani ña'a ya siki toto ma, te ni ndaskaka ya ja'a sa a ichi va'a ma, sukan‑va'a ma ndêe‑ka tuku sa.

Salmos 55:5

Te ni'i ni'i‑nka sa ja yu'u xen‑xeen sa, te ñatuu ní'i ini‑ka sa nawa sa'a sa.

Salmos 143:4

Te ini anua sa ya chi jâ ni kuita kuiti i, te ñatuu ní'i ini‑ka sa nawa sa'a sa.

Salmos 43:5

Te jani ini sa: ¿Te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 42:6

Su'si maa sa, ûni ndí ini xeen sa, te chukan kúu ja ndeva'a‑ni ndenu iyo sa ma, te ndáka'án ña'a sa, visi onde ñu'ú Jordán ma, xi onde yuku nani Hermón ma, xi onde yuku nani Mizar ma.

Lucas 22:44

Te yikuu ya kuxii kunda'vi xeen ini ya, te jikan‑ta'vi jikan‑ta'vi‑nka ya nuu Yuva ya Su'si ma, te kuun kuun‑nka ña'a tnaa ya ma, te kuenda niñi kúu i, jinkoo i nuu ñu'ú ma.

Salmos 17:1

Iya Tátnuni, koniniso'o vava'a ni in ja jikan‑ta'vi sa nuu ni a, vaa ja ndaa ndija kúu, te másu xnda'vi ña'a sa, te katanuu ni ja jikan‑ta'vi sa a.