Salmos 6:3 - New Testament Psalms and Proverbs in Mixtec Magdalena Peñasco

³ Te ní'i ní'i‑nka sa, vaa yu'u sa. Te ndijin Iya Tátnuni, ¿na kivi sana kii ni ja chindee ña'a ni?

Salmos 6:3 ပူးပေါင်းရင်းမြစ်များ

Salmos 22:14

Te ni ndu‑uun sa, kuenda tnu'u ja ndute ma, te kuenda tnu'u ja ni ndi'i kuiti yiki sa ya ni ka ndatnana tna'a i. Sukan ni nduvita xe'en ma ja sani te ndandute i ma, sukan ni kuita kuiti ini anua sa ya.

Salmos 38:8

Te ni kuita nda'a, ni kuita ja'a sa, te tnána u'vi tnána u'vi‑nka sa, vaa ndó'o néni ini anua sa a.

Salmos 42:11

Kovaa ni ndachu'un xeen ini sa, te ka'án sa: ¿Te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 42:5

Te jani ini sa, ¿te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 77:7

“¿Kuiti ja ni‑kani ni‑jika ndakiti ini Iya Tátnuni ma nuu o a te xndoo ña'a ya? ¿Te ma ndunda'vi ini‑ka ña'a ya?

Salmos 9:14

Te onde ye'e ñuu Jerusalén a, te ndaka'an ndakachi sa nuu ñayivi a ja maa ni iyo ja jin ndachiñu'u ña'a sa, te kuña'a sa ja iyo sii ini xeen sa, vaa maa ni ni sa'a ja ni kaku sa.

Salmos 90:13

Iya Tátnuni, ¿na saa‑ka kivi, sana ndakokuiñi ni nuu ka iyo sa ya, te ndunda'vi ini ni tee ka jinukuechi nuu ni a?

Proverbios 18:14

Ñayii ndimaa iyo sii ini i ma te ñatuu nde ndaa ndivi ini i visi ku'u i ma chi ñatuu xtaya i, kovaa ñayii ja'nde ini ja ma kuu‑ka i ma chi masu na‑in kuu chindee ña'a ja ndani'i i tnu'u kanu ini.

Mateo 26:38

te jiña'a ya de: ―‍Jini sa ja onde ini anua sa a, kúxii xeen ini i, te ûni kuenda kûu sa kúni sa. Jin kendoo ni ya'a. Másu ko jin kusu ni ―‍kúu ya jiña'a ya.

Lucas 18:7

Va'a‑ni, suni sukan sa'a tna Su'si ma, te chindee ya ñayii ni ndakaji ya ma ja ka ndakune'e i ya nduu ñuu ma. ¡Masu kukuee ya ja chindee ña'a ya!

Juan 12:27

Sani te ni jiña'a tuku ya: ―‍Kúxii xeen ini sa. ¿Naxe ka'an sa? ¿Kuña'a sa Yuva sa ma: “Sa'a ni ja na kaku sa nuu tnundo'o ya'a”? Kovaa ña'a, vaa ja chukan kúu ja vee sa a ―‍kúu ya jiña'a ya.