Salmos 57:4 - New Testament Psalms and Proverbs in Mixtec Magdalena Peñasco

⁴ Vaa kuenda tnu'u ja ne'un ndika'a ma iyo sa, vaa ni ka ndakonduu ña'a ñayii a. Te kuenda tnu'u ja ñu'u i'ni ka kuu tnu'u ka ka'an i ma, te kuenda tnu'u ja lanza xi flecha ka kuu nu'u i ma, te yaa i ma kuenda tnu'u ja yuchi nduva nduva nuu i ma kúu.

Salmos 57:4 ပူးပေါင်းရင်းမြစ်များ

Salmos 10:9

vaa kívi i in nuu iyo yu'u ma. Sukan sa'a ndika'a ma ja chú'u ti ini yavi ti ma, sukan iyo tu'va i ja tnii i in ñayii nda'vi ma. Te nú ni tnii i ñayii ma, te ñú'u i ñayii ma kua'an i ji'in ñayii ma onde nuu iyo i ma.

Salmos 35:17

Iya Tátnuni, ¿na saa‑ka kivi ko ndo'o ko neni sa, saa sa'a ni ja kaku sa nuu ñayii ya'a ja kini ka kuu yu'u i sukan ka kuu yu'u ndika'a ma? ¿Te na saa‑ka kivi, sana sa'a ni ja kaku sa nuu i? Vaa in‑ni jichi vee sa ñuu ñayivi a.

Salmos 43:3

Tetniñu ni tnu'u ndaa tnu'u ndija ni a nuu iyo sa a, te na xtnuu i nuu sa, te káxtnu'u i ichi ko kaka sa, sukan‑va'a kenda sa onde yuku ii nuu iyo maa ni a.

Salmos 52:2

Te ndijin chi nanimaa tnu'u ndeva'a ká'an ni, te nanimaa tnu'u xnda'vi tna'a ká'an ni. Te kuenda tnu'u ja in yuchi xen‑xeen ka kuu tnu'u ká'an ni a.

Salmos 55:21

Te ndaka tnu'u ká'an i ma chi vita vita‑ni ká'an i kuenda tnu'u ja xe'en ma. Kovaa ini anua i ma chi ûni kanaa i kúni i. Te vivii ká'an i kuenda tnu'u ja xe'en ni ndandute ma. Kovaa ndaka ja ká'an i ma chi kuenda tnu'u ja in yuchi jâ ni kana nuu ñunee i ma kúu ndaka tnu'u ká'an i ma.

Salmos 58:6

Te ja sukan ka sa'a so'o i ma, vi Su'si, te ta'vi ndi'i ni nu'u i ma, ja ka kuu i sukan ka kuu ndika'a lilikin ma.

Salmos 59:7

Ûni ka ke koo ti‑iñu yu'u i ma. Sukan kúu yuchi kúu espada ma, sukan ka kuu tnu'u ndeva'a ka ka'an i ma, te ka ka'an i: “Másu kuniso'o Su'si ma ja ka ka'an o ya”, ka kuu i ka ka'an i.

Salmos 64:3

Vaa sukan kúu yuchi kúu espada ma ja xen‑xeen i ma, sukan ka kuu yaa i ma, te sukan ka ke koo flecha ma kuan koo i ma, sukan ka ke koo tnu'u ndeva'a ka ka'an i ma.

Proverbios 12:18

Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Proverbios 25:18

Kuenda kúu yuchi ma xi in martillu xi in flecha, sukan kúu ñayii ká'an tnu'u in nuu te'nde tniñu ma.

Proverbios 28:15

Sukan kúu oso ma xi ndika'a ma ora ka kokon ti ma, sukan kúu tee netniñu in ñuu nuu ka kunda'vi ñayii ma, ja ndimaa sa'a de ja u'vi ja ñatuu játna ini Su'si ma.

Proverbios 30:14

Ka iyo ñayii ja kuenda tnu'u ja in yuchi ka kuu nu'u i ma, xi nu'u kiti xeen ma ka kuu, te ûni ka sakui'na i ja ka neva'a ñayii nda'vi ka iyo ñuu ñayivi a, te ka xnaa i ñayii yukan.

Santiago 3:6

Yaa ñayii ma kúu sukan kúu in ñu'u luluu ndú'va ma. Te kúu i sukan kúu in ñuu ñayivi ja ñu'u chitu ja u'vi ma. Te iyo i ne'un yikikuñu o a, te sa'a i ja kútne'e ni‑ka'nu yikikuñu o a. Te yaa o ya, kúu i sukan kúu ñu'u ndú'va andeya ma ja xndo'o xneni ña'a i ni‑kani ni‑jika. Te chukan kúu ja na jin ko koto va'a o yaa o ya nawa ká'an i.

Apocalipsis 19:15

Te yu'u ya ma kée in yuchi kuiñi xen‑xeen kúu espada, sukan‑va'a xtnakue'e ya ñayii ka iyo ñuu na'nu ma ja ñatuu ni ka kandija i ya ma, te yinda'a ya in yutnu xii kaa. Te maa ya kuiñu nuu ka jaxi i uva ma, te cha'a kúni ka'an ja ndákiti ini xen‑xeen ini Su'si iya kúu sa'a ndaka ma.