Salmos 52:3 - New Testament Psalms and Proverbs in Mixtec Magdalena Peñasco

³ Ni kutoo xeen‑ka ni ja u'vi ma sana ja va'a ma. Te ni kutoo‑ka ni tnu'u xnda'vi tna'a ma sana tnu'u ndaa ma.

Salmos 52:3 ပူးပေါင်းရင်းမြစ်များ

Apocalipsis 22:15

Kovaa ñayii ka sa'a sukan ka sa'a la‑ina ma chi ke'e ma jin koo i, ji'in ñayii tasi ma, ji'in ñayii ka kivi nduu ji'in ñayii masu ni ka tnanda'a ji'in i ma, ji'in ñayii ka ja'ni tna'a ma, ji'in ñayii ka jatna ini i ja jin xnda'vi tna'a i ma.

2 Timoteo 3:4

Te jin ke'en‑su'va i ñayii ma, te jin kusaa ini i ja jin ko sa'a i ndaka sukan ka jatna ini maa i ma, ndaka tna'a ja masu nde jiniñu'u ma, te masu jin ko ndi ini i ja jin ndanduku i Su'si ma.

Romanos 1:25

Te sukan ni ka ndaxsama i tnu'u ndaa tnu'u ndija Su'si ma, te ni ka jan‑ta'vi i tnu'u xnda'vi tna'a ma, vaa ka chiñu'u i ndaka ja iyo ñuu ñayivi a ja ni sa'a Su'si ma, kovaa ka ndunaa i ja jin ndachiñu'u i maa iya ni sa'a ndaka ja iyo ñuu ñayivi a. Kovaa yo'o chi ka jini o ja Su'si ma, iyo jayiñu'u ya ni‑kani ni‑jika ma. Te sukan kó kuu.

Juan 8:44

Te chukan kúu ja tna'a ja sa'a yuva ni tachi ma ka kuni ni ja jin sa'a ni. Te tachi ma chi onde xinañu'u ma suchi ja'ni ñayii ma kúu i. Te ñatuu na ja ndaa ñu'u ini i ma, vaa masu nde ká'an ndaa i. Nú ká'an i ja xnda'vi i ñayii ma, ká'an i sukan kúu maa i ma, vaa suchi xnda'vi ñayii kúu i, te suu i kúu yuva ñayii ka xnda'vi ñayii ma.

Salmos 62:4

Vaa ûni ka jani ini ni ja jin xtuu ña'a ni, te ka jatna ini xeen ni ja jin xnda'vi ni ñayii ma. Ñií yu'u ni a‑ni iyo ja ka ka'an vii ka ka'an va'a ni ja jin kuu ñayii ma, kovaa ini anua ni a chi ka kuni u'vi ni nuu ñayii ma.

Proverbios 21:10

Ñayii sa'a ja u'vi ma chi yika ja ñu'u ini i kúu ja sa'a i ja u'vi in‑ka ñayii ma, te ni masu nde kúnda'vi ini i ñayii yukan.