Salmos 41:2 - New Testament Psalms and Proverbs in Mixtec Magdalena Peñasco

² Te ko koto va'a ña'a Iya Tátnuni ma, te sa'a ya ja koteku i te sii ini xeen koo i nuu ñuu ñayivi a, te másu kua'a ya tnu'u ja sa'a ndeva'a ña'a ñayii ñatuu kúnimani nuu i ma.

Salmos 41:2 ပူးပေါင်းရင်းမြစ်များ

Salmos 27:12

Máko kua'a ni tnu'u ja ñayii ñatuu ka kunimani nuu sa ma, te jin sa'a ña'a i sukan ka kuni maa i ma, vaa ni ka kenda koo kua'a ñayii ka ka'an tnu'u, kovaa masu ja ndaa kúu ja ka ka'an i ja kuu sa a, te jin sa'a ndeva'a ña'a i ka kuni i.

Salmos 33:19

Vaa sa'a ya ja jin kaku i, te masu jin kûu i, te sa'a ya ja jin koteku i kivi koo soko koo tnama ma.

Salmos 37:22

Te ñayii ká'an ya ja sa'a i ja va'a ma chi jin ndani'i ta'vi i in ñu'ú va'a, kovaa ñayii ja ká'an u'vi ya ja jin kuu i ma chi xnaa ya i.

Proverbios 11:17

Ñayii va'a ini te nda'vi ini i ma chi ja va'a maa i kúu nuu Su'si ma, kovaa ñayii ndee kaa ini i ma chi sa'a u'vi i maa i.

Proverbios 14:21

te vitna ja ká'an Su'si ma ja ñayii saxiko in‑ka ñayii ma chi jiso kuechi i nuu Su'si ma, kovaa ñayii kúnda'vi ini ñayii kúnda'vi kúkee ma chi ja vava'a ko kuu i nuu Su'si ma.

Proverbios 19:17

Ja chíndee o ñayii nda'vi ma chi kuenda tnu'u ja in ja wanuu o nuu Su'si ma kúu, te maa ya ja kúu ya Iya Tátnuni ma ndataa nuu o ja va'a ni sa'a o ma.

Proverbios 31:20

Te ndimaa chíndee ña ñayii ka kunda'vi ka kukee ma nawa ka jiniñu'u i ma.

1 Timoteo 4:8

Te kona'a ni ja ndaka ja sa'a ja kúu o sukan‑va'a koo‑ka tnu'u ndee tnu'u ndatnu yikikuñu o a chi vala‑ni chíndee ña'a i, vaa ja kuu yikikuñu o a‑ni kúu. Kovaa ja kútu'va o ja sa'a ja kuu o sukan játna ini Su'si o a chi ndaka tu'u chíndee ña'a i, vaa chíndee ña'a i ja koo va'a ini anua o a ji'in yikikuñu o a nuu Su'si ma, vaa jâ ni skuiso Su'si ma ja iyo ja jin ni'i o nani ka iyo o ñuu ñayivi ya, ji'in ja jin ni'i o kivi ndenda koo o nuu ya ma.