Salmos 40:9 - New Testament Psalms and Proverbs in Mixtec Magdalena Peñasco

⁹ Te maa ni jini, vi Su'si Iya Tátnuni, ja másu nde jasiyu'u sa chi su'va káxtnu'u sa tnu'u vii tnu'u ndaa ni a nuu ka ndatna'a kua'a ñayii ka kandija sukan ká'an tnu'u maa ni a, vi Su'si.

Salmos 40:9 ပူးပေါင်းရင်းမြစ်များ

Salmos 22:25

Nuu ka ndatna'a sa ja ka ndachiñu'u ña'a sa ma, te ndaka'an ndakachi sa sukan vii sukan luu chíndee chítuu ña'a ni ma, te sukan sa'a sa, sukan‑va'a ñayii ka sa'a sukan játna ini ni ma, te jin kuni i sukan va'a ini ni ma.

Salmos 119:13

Te ndaka'an ndakachi sa nuu ñayii ma ndaka sukan ká'an sukan káchi ni nuu sa ja ko sa'a sa ma.

Salmos 22:22

Kaxtnu'u sa nuu ñani sa ma ji'in nuu ku'va sa ma na in kúu ni, te nuu ka ndatna'a ndaka sa ma, te kata sa ja ndachiñu'u ña'a sa.

Hebreos 2:12

Vaa sa'a ká'an tutu ndee tnu'u maa ya ma: Kaxtnu'u sa nuu ñani sa ma ji'in nuu ku'va sa ma na in kúu ni, te nuu ka ndatna'a ndaka sa ma, te kata sa ja ndachiñu'u ña'a sa, kúu ya ká'an ya.

Salmos 35:18

Te saña chi nuu ka ndatna'a kua'a xeen ñayii ñuu maa ni a, te ndaka'an ndakachi sa sukan va'a ini ni ma, te ndachiñu'u ña'a sa nuu ka iyo kua'a xeen ñayii ma, ja ndakuan‑ta'vi sa nuu ni a.

Juan 21:17

Ja ku‑uni jichi ni jikan‑tnu'u ya de: ―‍Simón sa'ya Juan, ¿kútoo ña'a ni? ―‍kúu ya jiña'a ya. Pedro ma, ni kuxii ini de, vaa ja ku‑uni jichi kúu ja ni jikan‑tnu'u ya de nú kútoo de ya, te ni ndakone'e de: ―‍Señor, maa ni jini ndaka, te jini ni ja kútoo ña'a sa ―‍kúu de jiña'a de. Jesús ma, jiña'a ya: ―‍Ko koto va'a ni ñayii ka kuu ndikachi sa a.

Salmos 139:2

Maa ni jini ña'a nuu núkoo núkuiñi sa. Visi onde jika ma iyo sa, kovaa jini ni nawa jani ini sa.

Salmos 37:31

Vaa tnu'u tátnuni Su'si o ma, chukan ñu'u ini anua i ma, te chukan kúu ja masu kotuu i.