Salmos 40:3 - New Testament Psalms and Proverbs in Mixtec Magdalena Peñasco

³ Te ni sa'a ya ja ni ndusii ini sa, te ni keja'a sa jita sa in yaa jaa, te ndáchiñu'u sa Su'si o a. Te nuna jin kuni kua'a ñayii ma sukan sa'a sukan kúu sa a, te jin koyu'u i Su'si ma, te masu jin ko sa'a‑ka i ja u'vi ma, te jin kukanu ini tna i Iya Tátnuni a.

Salmos 40:3 ပူးပေါင်းရင်းမြစ်များ

Salmos 119:133

Te ndaskaka va'a ña'a ni ichi maa ni a, te kó sa'a sa sukan ká'an tnu'u maa ni a, te ni‑in ja u'vi kundee tatnuni nuu sa a.

Salmos 142:7

Sa'a ni ja na ndayaa ini anua sa ya, vaa kuenda tnu'u ja yinee va'a i in vekaa jini sa, sukan‑va'a na kuu ndachiñu'u ña'a sa. Te sukan, te ñayii ka sa'a ja va'a ja ndaa ma chi ki koo i ki ndi tna'a ña'a i ja jin kuni i sukan ni kunda'vi ini ña'a ni a, vi Su'si.

Salmos 144:9

Kovaa saña, vi Su'si Iya Tátnuni, chi kata sa yaa jaa nuu ni, te tee sa salterio ma, te kata sa yaa ká'an ja sukan vii va'a ini maa ni, vi Su'si.

Salmos 27:5

Vaa maa ya chu'u ña'a ini ve'e nuu iyo ya ma kivi kenda ja u'vi ma, vaa nuu iyo ya ma koo va'a sa te kaku sa nuu tnundo'o ma, vaa in nuu toto sukun sunkani ña'a ya.

Salmos 33:3

Jin kata ni yaa jaa ka kutu'va ni ma nuu Su'si ma, te vivii jin tee ni yaa ma, te jin kata sii ini xen‑xeen ni.

Salmos 35:27

Kovaa jín ndusii ini xen‑xeen maa ndaka ñayii ka kuni ja kundee sa ma, te jín kayu'u jín kayu'u‑ni i jín ka'an i: “Iya Tátnuni ma, iya ka'nu xeen kúu ya, te játna ini ya ja ñayii jinukuechi nuu ya ma, te koo va'a i”, jín ka'an i.

Salmos 37:23

Ñayii sa'a ja va'a ma chi maa Iya Tátnuni ma skaka ña'a ichi va'a ma.

Salmos 52:6

Ndaka ni ja ka sa'a ni ja va'a ma, jin konde'ya ni sukan ni kuu tee yukan, te jin koyu'u ni Su'si ma.

Salmos 69:3

Te ni kuita‑nka sa ja kána ña'a sa, te sukun sa ya chi ni kuu tikaña‑nka i, te nduchinuu sa ya chi ni ka kuita‑nka i, ja ndetu ña'a sa ja kii ni ki chindee ña'a ni, vi Su'si.

Hechos 4:4

Kovaa kua'a ñayii ni ka jiniso'o tnu'u ni ka ka'an Pedro ma ji'in Juan ma, te ni ka kandija i tnu'u Su'si ma, te ja nanimaa tee ma chi visi u'un mil de kúu.

Apocalipsis 14:3

Te ka jita i yaa jaa nuu núkoo Iya Tátnuni ma, ji'in nuu ka iyo kiti ka teku ma, ji'in nuu ka iyo tee nija'nu ma. Te ni‑in ñayii ñatuu kúu kutu'va i ja kata i yaa ma chi maa‑ni cientu uu xiko kuun mil (144,000) ñayii ni ndene'e ya ne'un ñayii ka iyo ñuu ñayivi a ka kuu ñayii kúu ka jita ma.