Salmos 4:4 - New Testament Psalms and Proverbs in Mixtec Magdalena Peñasco

⁴ Jin koyu'u ni ya, te má jin kua'a ni tnu'u ja jin ndakiti ini ni, nasa yukan, te jin kuiso kuechi ni nuu Su'si ma. Te ora ka ndatuu ni ka ndatatu ni jakuaa ma, te na'ñi na'ñi‑nka iyo ma, te jin ndasa'a ni kuenda, te jin ndakani jin ndaka'vi ini ni nuu Su'si ma.

Salmos 4:4 ပူးပေါင်းရင်းမြစ်များ

Salmos 119:161

Tee ka kuu sa'ya rey ma, ja ka kuu de tee ka tatnuni ma, ni ka sondikin ña'a de, te masu na kuechi sa, kovaa ini anua sa ya chi na'a sa sukan ká'an tnu'u tátnuni ni ma, te yu'u sa nasa yukan, te masu sa'a sa sukan kúni ni ma.

Salmos 17:6

Saña chi ni jikan‑ta'vi sa nuu ni a, vaa maa ni chi niniso'o ni ja ká'an sa ma, vi Su'si. Te jikan‑ta'vi xeen sa nuu ni ja koniniso'o ñukuun ni ja ká'an káchi sa nuu ni a, vi Su'si.

Salmos 2:11

Jin kunukuechi ni nuu Iya Tátnuni ma, te jin koyu'u ni ya, vaa ndakan ya kuenda naxe ka sa'a ka kuu ni ma. Chukan kúu ja jin koo sii ini ni, te jin ndachiñu'u ni ya.

Salmos 3:2

Kua'a xeen i chi sa'a ka ka'an i ja kuu sa, vi Su'si: “Masu chindee ña'a Su'si i ma ja kaku i”, ka kuu i ka ka'an i.

Salmos 3:4

Saña chi káyu'u sa jikan‑ta'vi sa nuu Iya Tátnuni ma ja na chindee ña'a ya, te maa ya chi onde nuu yuku ii iyo ya ma, te ni ndakone'e ya ja ni jikan‑ta'vi sa ma.

Salmos 33:8

Ndaka ni, ja ka iyo ni ñuu ñayivi a, jin koyu'u ni Su'si Iya Tátnuni ma, te máko jin ko sa'a‑ka ni ja u'vi ma, vaa maa ya ndakan kuenda nuu ndaka ñayii ñuu ñayivi a.

Salmos 46:10

Te sa'a ká'an ya: “Jin ko nañii kuiti ni, te jin kuni ni ja maa sa kúu Su'si ni, te iyo sa ja chindee chituu ña'a sa nuu tnundo'o tnuneni ma, te maa sa chi jin ndachiñu'u ña'a ndaka ñayii ndaka ñuu ni‑ka'nu ñuu ñayivi a, te jin ndaka'an jin ndakachi i ndaka ja va'a sa'a kúu sa a ja jin kuu i ma”, kúu ya ká'an ya.

Salmos 63:6

Te ora kátuu sa nuu jito kixi sa ma, te ku'un ku'un‑ni ini ña'a sa.

Salmos 77:6

Te ndáka'án sa sukan ni yo jita sa ndaka jakuaa ma ja ni yo ndachiñu'u ña'a sa ma, te ndákani ndáka'vi ini sa. Te jikan‑tnu'u sa maa sa:

Proverbios 16:17

Ñayii sa'a ja va'a ja ndaa ma chi ûni ndí ini i ja kakayata i nuu ja u'vi ma, vaa ñayii jito va'a maa i ja ñatuu na ja u'vi‑ka sa'a i ma chi kaku i te ma skenaa i maa i.

Proverbios 16:6

Ñayii ûni kútoo ndija Su'si ma te sa'a i ja va'a ja ndaa ma chi ñatuu na kuechi kondiso i nuu Su'si ma. Ñayii yu'u Su'si ma ja iya ndákan kuenda kúu ya ma chi xndoo i ichi u'vi ma.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

2 Corintios 13:5

Jin ndasa'a maa ni kuenda, te jin ndakototnuni ni maa ni nú ka iyo va'a ni nuu Su'si ma te ka kukanu ini va'a ni ya. ¿Xi ñatuu ka ndasa'a ni kuenda ja Jesucristo ma ka iyo ji'in ni? ¿O xi ñatuu ka iyo va'a ni nuu Su'si ma?

Efesios 4:26

Nú ve jin ndakiti ini ni, kovaa másu ko jin kua'a ni tnu'u ja jin ko sa'a ni ni‑in ja u'vi ja sa'a ja jin kuiso kuechi ni, ni másu ko jin kua'a ni tnu'u ja jin ko ndakiti ini ni in nduu kuiti ma,