Salmos 4:3 - New Testament Psalms and Proverbs in Mixtec Magdalena Peñasco

³ Kovaa jin kona'a ni ja Su'si ma chi játna ini ya ñayii sa'a sukan kúni ya ma te ndí ini i ja ko kuu i ñuu maa ya ma. Te chukan kúu ja saña chi nuna kakan‑ta'vi sa nuu ya ma chi koniniso'o ya ja kuña'a sa ya ma, vaa sa'a sa sukan kúni ya ma.

Salmos 4:3 ပူးပေါင်းရင်းမြစ်များ

Salmos 31:23

Ndaka ni ja ñatuu‑ka na ja u'vi ka sa'a‑ka ni a, jin kutoo ni Iya Tátnuni ma chi jito va'a ya ñayii ja ni‑yu'u ni‑ini i ndáchiñu'u i ya ma. Kovaa ñayii ka jani ini ja maa i ka kuu‑ka ma chi sa'a ya ja jin ndando'o jin ndaneni i ndaka ja ka sa'a ka kuu i ma.

Salmos 34:15

Vaa Su'si Iya Tátnuni ma chi nde'ya nde'ya‑ni ya nuu ka iyo ñayii ka sa'a ja va'a ja ndaa ma, te niniso'o ñukuun ya ja ka jikan‑ta'vi ka jikan‑ta'vi i nuu ya ma.

Salmos 49:3

Vaa ndimaa tnu'u ndichi ka'an sa, te ndimaa ja ndákani ichi tna'a o ma jani ini sa.

Salmos 50:5

Te sa'a tatnuni Su'si ma nuu i ma: “Jin ndaxtutu ndaka ñayii ni ka ketna'a ini ji'in ri ma ja ñatuu ni ka yo sa'a‑ka i ja u'vi ma te ni ka yo ja'mi i kiti nuu ri ma, te ni ka skuiso i ja jin ko sa'a i sukan kúni ri ma”, kúu ya jiña'a ya.

Salmos 56:9

Te nuna kakan‑ta'vi sa nuu ni a ja chindee ña'a ni a chi ndaka ñayii ñatuu ka kunimani nuu sa ma, jin ndakakayata i jin koo i. Vaa jini sa ja iyo ni ji'in sa, vi Su'si.

Salmos 6:8

Ndaka ni ja ka sa'a ni ja u'vi a, kuán jin ndiyo ni. Máko jin koo‑ka ni nuu iyo sa ya, vaa Iya Tátnuni ma chi ni jiniso'o ya ja nda'yu sa a.

Salmos 62:10

Máko kukanu ini ni ja onde sa'a ndeva'a ni ñayii ma sana ni'i ni nawa kúni ni ma, ni a sakui'na ni sana kuxiku ni. Te nú ve kuxiku ni ma, máko kukanu ini ni xu'un ni ma.

Juan 15:16

Ndijin, masu ni ka kaji ña'a ni ja jin kondikin ña'a ni, su'va maa sa ni kaji ña'a. Te ni sacargu ña'a sa ja jin koo ni te jin kaxtnu'u ni tnu'u tátnuni sa a, te jin ko sa'a ni ja vii ja va'a, sukan‑va'a ja vii ja va'a yukan koo ni‑kani ni‑jika. Chukan, te Yuva sa ma chi taa ya ndaka ja jin ko kakan ni ja maa sa ma.

Efesios 2:10

Vaa ja maa Cristo Jesús ma, te ni sa'a Su'si ma ja ni ka nduu o ñayii jin ko sa'a ja va'a, te jin kondikin o ichi ni satu'va ya onde xinañu'u ma.

2 Timoteo 2:19

Kovaa Su'si ma chi jâ ni jani vava'a ya nuu jin koxtnee o ma ja ka kandija o ya ma, vaa onde xi'na‑ka ma jâ jini ya na in jin ko kuu sa'ya ya ma, vaa kuenda tnu'u ja ka yitnuni o nkuu, vaa sa'a ni ka'an ya ma: “Iya Tátnuni ma chi na'a ya na in ka kuu sa'ya maa ya ma”, te vaa: “Ndaka yo'o ja ka ndakune'e o Cristo ma na jin xndoo o ndaka ja u'vi ma, te máko jin ko sa'a‑ka o.”

Tito 2:14

Vaa maa ya chi ni kachi ya ja ni ndo'o ni neni ya nuu tniñu o ma, te sukan, te ni ndene'e ña'a ya nuu ndaka ja u'vi ma, te ni ndasavii, ni ndasandoo ña'a ya, sukan‑va'a jin ko kuu o ñayii ñuu maa ya ma, te ndimaa jín ku'un ini o ja jin ko sa'a o ja vii ja va'a ma.

1 Pedro 2:9

Kovaa ndijin chi sa'ya tata ni ndakaji Su'si ma ka kuu ni, te ûni ka kuu ni sutu ndija nuu ya, vaa ñuu maa ya ma ka kuu ni, te ñatuu‑ka na ja u'vi ka sa'a ni, vaa maa ya ni ndakaji ña'a. Chukan kúu ja jin kaxtnu'u ni ndaka ja va'a sa'a iya ni ndene'e ña'a nuu nee ma, te ni ndaxsia'a ña'a ya nuu ndú'va ñu'u vivii maa ya ma.

2 Pedro 2:9

Kovaa sa'a, te ka jini o ja Iya Tátnuni ma chi kuu kasi ndee kasi ndoso ya ñayii kándija ja ká'an ya ma ja ma ska'an ña'a tachi ma, te koneva'a tu'va ya ñayii ka sa'a ja u'vi ma onde kenda kivi ndakan ya kuenda nuu i ma te jin ndachunaa i ja ni ka yo sa'a, ni ka yo kuu i ma.