Salmos 4:2 - New Testament Psalms and Proverbs in Mixtec Magdalena Peñasco

² Te sa'a ká'an ya: “Ndaka ni ja ka kuu ni sa'ya ñayii a, ¿Na saa‑ka kivi jin sa'a ni ja u'vi a, te jin ka'an ndeva'a ñayii ma ja kuu sa? ¿Te na saa‑ka kivi, ma jin ndachiñu'u ña'a ni? ¿Nava'a ka saxiko ña'a ni te ka ndachiñu'u ni tna'a ja masu Su'si ka kuu ma te ka xnda'vi ni maa ni?”, kúu ya ká'an ya.

Salmos 4:2 ပူးပေါင်းရင်းမြစ်များ

Salmos 106:20

Te sukan ni ka ndaxsama i jayiñu'u Su'si ma, vaa saa su'va nuu xndiki ma ja yi'i ma‑ni jaa ti ma ka ndachiñu'u‑ñu'u‑ni i.

Salmos 14:6

Te ñayii ndákunitnuni ja jiniñu'u i Su'si ma, ndáka'an‑so'o i nuu ñayii ñatuu ka kandija ya ma, kovaa ñayii ñatuu kándija Su'si ma chi jákundee i ñayii ndáka'an‑so'o nuu i ma, te visi sukan ka sa'a i ma, kovaa Iya Tátnuni ma chi jito vava'a ya ñayii kándija ja ká'an ya ma.

Salmos 2:1

¿Nava'a ka ndaxtutu tna'a ñayii ndi‑in ndi‑in ñuu ma te ka ndatnu'u tna'a i tna'a ja masu nde jiniñu'u ma?

Salmos 3:3

Kovaa ndijin, vi Su'si Iya Tátnuni, maa ni kúu nuu kuu kaku sa. Maa ni kúu iya sa'a ja koo jayiñu'u sa. Maa ni kúu iya ndátaa tnu'u ndee tnu'u ndatnu ini anua sa a, vi Su'si maa sa.

Salmos 31:6

Saña, vi Su'si, chi ñatuu játna ini sa ndaka ñayii ka kukanu ini tna'a ja masu Su'si ka kuu ma. Vaa saña chi maa ni, vi Iya Tátnuni, kúkanu ini sa.

Salmos 5:6

Te xnaa ni ndaka ñayii ka ka'an tnu'u ma, ji'in ndaka ñayii ka xnda'vi tna'a ma, ji'in ndaka ñayii ka ja'ni tna'a ma, te masu kuan‑ta'vi ni i nuu iyo ni a, vi Iya Tátnuni.

Salmos 50:15

Te jin ndakune'e ña'a ni kivi kénda tnundo'o tnuneni nuu ni ma te ñatuu ka ni'i ini‑ka ni nawa jin sa'a ni ma, te saña chi chindee ña'a sa ja vivii jin yanduu jin yandoso ni nuu tnundo'o yukan ma, sani te maa ni chi jin ndachiñu'u ña'a ni”, kúu ya ká'an ya.

Salmos 57:4

Vaa kuenda tnu'u ja ne'un ndika'a ma iyo sa, vaa ni ka ndakonduu ña'a ñayii a. Te kuenda tnu'u ja ñu'u i'ni ka kuu tnu'u ka ka'an i ma, te kuenda tnu'u ja lanza xi flecha ka kuu nu'u i ma, te yaa i ma kuenda tnu'u ja yuchi nduva nduva nuu i ma kúu.

Salmos 58:1

Ndijin ja ka kuu ni ñayii ka tatnuni ñuu ñayivi a, ¿ka sa'a ndaa ka sa'a ndija ni ja jin kuu ñayii ma? ¿Ka ja'nde ndandaa ni tniñu ñayii ma?

Salmos 58:3

Ndaka ñayii ka sa'a ja u'vi ma chi onde nuu ka ñunee‑ka i chii si'i i ma, te jâ ni ka jakona'a ja ñayii jin ko sa'a ja u'vi jin ko kuu i. Te visi ñatuu jin kâku‑ka i ma, te jâ ve koo maa i ja ñayii tnu'u jin ko kuu i.

Salmos 63:11

Kovaa rey ya chi koo sii ini xeen de nuu Su'si ma. Te ndaka ñayii ka ndakune'e Su'si ma te ka kandija i ya ma chi jin kata i te jin ndachiñu'u i Su'si ma. Kovaa ñayii inutnu'u ma chi na'ñi na'ñi‑nka‑ni jin koo i, te masu kuu nawa jin ka'an‑ka i nuu ya.

Salmos 72:2

Te rey ya, na sa'a ndaa na sa'a ndija de ja jin kuu ñayii ñuu ni a, ji'in ñayii ka kunda'vi ka kukee ma te ka kukanu ini ña'a i maa ni, vi Su'si.

Proverbios 1:22

“Ro'o suchi jaa, ja ñatuu jin kuni‑ka ro naxe jin ko kuu ro a, ¿na saa‑ka kivi jin ko kuu ro sukan‑ni, ja ndimaa ka jakundee ro ñayii ka sa'a ja va'a ma, te ka saxiko ro ja va'a iyo ja jin kutu'va ro ma?

Hechos 24:9

Te ñayii judío ma, ûni ka jiña'a i ja ndija ndaka ja jiña'a de ma.

1 Corintios 1:31

Te ja sukan ndaka chíndee ña'a ya ma, te jín ko kuu o sukan ndee nuu tutu Su'si ma: “Nú na in kúni ja kani ini i ja maa i kúu‑ka, su'va Su'si ma na ndachiñu'u i vaa maa ya kúu iya sa'a ndaka.”

Efesios 4:25

Chukan kúu ja ñatuu koo jin xnda'vi tna'a‑ka ni, su'va ndi‑in ndi‑in ni jin ka'an ndaa nuu tna'a, vaa ndaka o chi in‑ni ñayii ka kuu o.