Salmos 3:4 - New Testament Psalms and Proverbs in Mixtec Magdalena Peñasco

⁴ Saña chi káyu'u sa jikan‑ta'vi sa nuu Iya Tátnuni ma ja na chindee ña'a ya, te maa ya chi onde nuu yuku ii iyo ya ma, te ni ndakone'e ya ja ni jikan‑ta'vi sa ma.

Salmos 3:4 ပူးပေါင်းရင်းမြစ်များ

Salmos 119:114

Nuu kuu chu'u sa te kaku sa nuu ja u'vi ma kúu nuu maa ni a, vi Su'si, vaa kúkanu ini sa sukan ká'an tnu'u maa ni a.

Salmos 138:3

Vaa kivi ni ndakune'e ña'a sa ma chi ni chindee ña'a ni, te ni ndani'i ini anua sa ya tnu'u ndee tnu'u ndatnu.

Salmos 18:3

Ndakune'e sa Iya Tátnuni ma, vaa maa ya iyo ja ndachiñu'u o ya ma. Te kaku sa nuu ñayii ñatuu ka kunimani nuu sa ma.

Salmos 2:6

Te kuña'a ya: “Saña chi ni satu'va sa Rey sa ma ja tatnuni ya ñuu Sion ma nuu iyo yuku ii ma.”

Salmos 27:6

Sani te ndonenuu sa, sukan‑va'a jin kuni ña'a ñayii ñatuu ka kunimani nuu sa ma ja ni kaku sa nuu tnundo'o tnuneni ma, te saña chi kivi sa nuu iyo Iya Tátnuni ma, te sii ini ndakua'a sa ya kiti ka'mi sa nuu ya ma, te kata sii ini sa, te ndachiñu'u sa Iya Tátnuni ma.

Salmos 28:7

Te maa Iya Tátnuni ma taa tnu'u ndee tnu'u ndatnu, te maa ya kasi ndee kasi ndoso ja ñatuu na ja u'vi ki tna'a ña'a. Vaa maa in‑ni ya kúkanu ini ini anua sa ya, te maa ya ni chindee ña'a. Te chukan kúu ja iyo sii ini xeen ini anua sa ya, te sii ini xeen jita sa ndáchiñu'u sa Su'si ma.

Salmos 34:4

Ni ndanduku sa Iya Tátnuni ma, te ni jiniso'o ya ja ni jiña'a sa ma, te ni sa'a ya ja ni kaku sa nuu ndaka ja ni yo yu'u sa ma.

Salmos 34:6

Te tee nda'vi ya'a chi ni ndakune'e jajaa de Su'si Iya Tátnuni ma, te ni jiniso'o ya ja ni jiña'a de ma, te ni sa'a ya ja ni kaku de nuu ndaka tnundo'o tnuneni ma.

Salmos 43:3

Tetniñu ni tnu'u ndaa tnu'u ndija ni a nuu iyo sa a, te na xtnuu i nuu sa, te káxtnu'u i ichi ko kaka sa, sukan‑va'a kenda sa onde yuku ii nuu iyo maa ni a.

Salmos 50:15

Te jin ndakune'e ña'a ni kivi kénda tnundo'o tnuneni nuu ni ma te ñatuu ka ni'i ini‑ka ni nawa jin sa'a ni ma, te saña chi chindee ña'a sa ja vivii jin yanduu jin yandoso ni nuu tnundo'o yukan ma, sani te maa ni chi jin ndachiñu'u ña'a ni”, kúu ya ká'an ya.

Salmos 62:8

Ndaka ni ja ka kuu ni ñuu Su'si ma, nuu maa in‑ni ya jin kukanu ini ni ni‑kani ni‑jika, te ni‑yu'u ni‑ini ni jin kukanu ini ni ya, vaa maa ya kúu nuu kuu jin kaku o.

Salmos 84:12

Su'si iya tátnuni nuu ndaka ángel ma, ¡Naka vii naka va'a kúu ñayii kúkanu ini ña'a i maa ni ma!

Salmos 89:19

Te ni sa'a ni ja ni jininuu ña'a tee jinukuechi nuu ni a, te sa'a ni jiña'a ni de: “Ni chindee sa tee iyo tnu'u ndee tnu'u ndatnu ma, te ni sa'a sa ja iyo jayiñu'u tee ni kaji sa ñuu sa ma.

Salmos 91:15

Te nuna ndakune'e ña'a i, te yo'o chi ndakone'e o ja ká'an i ma. Maa o koo ji'in i, te sa'a o ja ya'a i nuu tnundo'o tnuneni ma, te koo xeen jayiñu'u i.

Salmos 99:9

Te chukan kúu ja yo'o chi jín kunukoo jiti o nuu yuku ii ya ma, te jín ndachiñu'u o Su'si o Iya Tátnuni ma, vaa iya ii kúu ya.

Proverbios 2:7

Te chukan kúu ja ñayii ni‑yu'u ni‑ini i ndikin i ya ma te ñatuu ni‑in ja u'vi sa'a i ma chi ñukuun jito va'a ya i, te chíndee ya i nawa ka kuni i ja jin sa'a i ma.

Mateo 7:7

’Jin kakan‑ta'vi ni nuu Su'si ma, te taa ya. Jin nduku ni, te jin ni'i ni. Jin skajan ni ye'e ma, te ndanune, te kuu jin kivi koo ni.

Santiago 5:13

Nú nde ni iyo in tnundo'o, kakan‑ta'vi ni nuu Su'si ma. Nú nde ni iyo sii ini, kata ni nuu Su'si ma.