Salmos 27:3 - New Testament Psalms and Proverbs in Mixtec Magdalena Peñasco

³ Kovaa saña, visi ni ka ndakonduu ña'a soldado ma ja jin ka'ni ña'a de, kovaa masu koyu'u ini anua sa a. Te visi ndaka ñayii ñuu ma, jin ndokuiñi i ja jin kanaa i ji'in sa, kovaa saña chi kukanu ini sa Su'si ma ja maa ya chindee ña'a.

Salmos 27:3 ပူးပေါင်းရင်းမြစ်များ

Salmos 112:7

Te másu koyu'u i, visi na kenda tnundo'o tnuneni nuu iyo i ma, vaa ini anua i ma chi kúkanu ini i Su'si ma, te nuu maa in‑ni ya kúkanu ini i.

Salmos 3:6

Masu koyu'u sa, visi uxi mil soldado ni ka ndakonduu ña'a nuu iyo sa ma ja jin ka'ni ña'a de ma, vaa saña chi kúkanu ini sa ya, te kuña'a sa ya sa'a:

Salmos 3:7

“Iya Tátnuni, ndokuiñi ni, te chindee ña'a ni ja na kaku sa nuu tnundo'o tnuneni a. Su'si maa sa, maa ni kua'a yikinuu ñayii ñatuu ka kunimani nuu sa ma, te kaku sa, te ta'vi ni nu'u ñayii ka sa'a ja u'vi ma.

Salmos 52:6

Ndaka ni ja ka sa'a ni ja va'a ma, jin konde'ya ni sukan ni kuu tee yukan, te jin koyu'u ni Su'si ma.

Filipenses 1:28

Te sa'a, te ka jini o ja Su'si ma sa'a ja ichi jin ndani'i ta'vi ni ma kuan koo ni. Chukan kúu ja másu ko jin koyu'u ni nawa ka sa'a ka kuu ña'a ñayii ñatuu ka kunimani nuu ni ma. Vaa sa'a, te ka jini o ja kuan koo maa i ichi nuu jin skenaa i maa i ma, ja sukan ka sa'a i ma.

1 Pedro 3:14

Te nú ka ndo'o ka neni ni ja kuechi ja ka sa'a ni ja ndaa ma, ja vava'a ka kuu ni nuu Su'si ma. Má jin kua'a ni tnu'u ja jin xsiu'u ña'a i ji'in ja ka yu'u i ma, te má jin koyu'u ni.

Apocalipsis 2:10

’Má koyu'u ro sukan ndó'o néni ro a, chi vaa tachi ma chi chinee i nde ro a vekaa ma ja kototnuni ña'a i, te ndo'o neni ro uxi‑ni kivi. Kovaa maa in‑ni ri ku'un ini ro onde kivi kûu ro ma, te skuta'vi ña'a ri in corona ja kúni ka'an ja koteku ro ni‑kani ni‑jika.