Salmos 26:3 - New Testament Psalms and Proverbs in Mixtec Magdalena Peñasco

³ Vaa saña chi ndimaa ñu'u ini sa ja maa ni chi iya nda'vi ini kúu ni, te chukan kúu ja nde kua'an nde vee sa chi ndimaa sa'a sa sukan kúni ni ma.

Salmos 26:3 ပူးပေါင်းရင်းမြစ်များ

Salmos 101:2

Su'si, ¿na kivi kii ni nuu iyo sa ya, sukan‑va'a jaku'ni ini sa naxe koo va'a sa nuu ni, te onde ve'e sa ma, te ko kuu vii ko kuu va'a sa nuu ni?

Salmos 119:142

Ndijin, vi Su'si, chi ndimaa sa'a va'a sa'a ndaa ni, vaa ja ndaa kúu tnu'u tátnuni ni a.

Salmos 25:5

Kaxtnu'u ni naxe sa'a sa ja ndaa ma, vaa maa ni kúu Su'si sa, iya sa'a ja kaku sa nuu ja u'vi ma, te maa in‑ni ni kúkanu ini sa ndaka kivi ndaka ora.

Salmos 52:1

Tee kanuu xeen, ¿nava'a kúvixi xeen ni, ja ndimaa ja u'vi ma sa'a ni? Te vitna ja Su'si ma ja kúu sa'a ya ndaka ma chi su'va ndimaa kúnda'vi ini ya ñayii ma.

Salmos 86:11

Su'si maa sa, Iya Tátnuni, kaxtnu'u ni ichi maa ni a, te ko kaka ndaa sa sukan kúni maa ni a. Te sa'a ni ja jaku'ni ndaa ini sa te koyu'u ña'a sa.

Lucas 6:36

Jin kava va'a ini ni sukan va'a ini Yuva o Su'si ma.

Juan 14:6

Jesús ma, ni ndakone'e ya: ―‍Saña kúu ichi va'a ma, te ká'an sa ja ndaa ma, te sa'a sa ja jin koteku ni ma. Te masu na in kuu kenda nuu Yuva sa ma, nú masu ja onde kandija ña'a i maa sa.

2 Corintios 3:18

Chukan kúu ja yo'o chi ñatuu‑ka na sa'ma ka ndesi nuu o a, te sukan kúu espeju ma, sukan ka kuu o, ja ka sa'a o ja vii ja va'a ma, sukan‑va'a jin kuni ñayii ma jayiñu'u Iya Tátnuni ma. Te ndi‑kivi ndi‑kivi ve ndaxsama ña'a ya sukan‑va'a jin ko kuu o sukan sa'a sukan kúu maa ya ma, te ndi‑kivi ndi‑kivi, te ka ni'i‑ka o jayiñu'u ya ma, vaa sukan sa'a maa Xtumani Iya Tátnuni ma iya ka iyo ji'in o a.

2 Corintios 8:9

Vaa jâ ka jini ni ja vii ja va'a sukan ni skuta'vi ña'a Jesucristo iya tátnuni nuu o ma, vaa ja kutoo xeen ña'a ya kúu. Vaa nuu iyo ya andivi ma chi xiku kúu ya, vaa maa ya neva'a ndaka ma. Te ni xndoo ya ndaka, te ni kii ya ñuu ñayivi ya, te ni ndunda'vi ya ja jin kuu o. Te ja ni ndunda'vi ya ma, te ni ka nduxiku yo'o, vaa ni sa'a ya ja jin ndani'i ta'vi o.

Efesios 4:32

Su'va jin kava va'a ini ni, te jin kunda'vi ini nuu tna'a ni, te jin sakanu ini nuu tna'a ni, sukan ni sa'a Su'si ma, ja maa Cristo ma, te ni sakanu ini ña'a ya ma.

1 Juan 1:7

Kovaa nú ka sa'a o ja va'a sukan ka sa'a ñayii ka iyo nuu xndu'va maa Su'si ma ñu'u ya ma, te ka ketna'a ini ndi‑in ndi‑in o, te maa niñi Sa'ya ya Jesucristo ma ndasavii ña'a ndaka na kuechi o ma.

2 Juan 1:4

Ni kusii ini xeen sa ja ni jini sa ja jaku ni ja ni ka nduu o sa'ya Su'si ma, te ka sa'a ndija ni sukan ni tatnuni Yuva o Su'si ma.

3 Juan 1:11

Gayo tee kútoo maa sa, máko ndane'e ni sukan ka sa'a ñayii ka sa'a ja u'vi ma, su'va sa'a ni ja va'a ma. Ñayii sa'a ja va'a ma, sa'ya Su'si ma kúu i, kovaa ñayii sa'a ja u'vi ma chi ñatuu jini i Su'si ma.