Salmos 2:2 - New Testament Psalms and Proverbs in Mixtec Magdalena Peñasco

² Tee ka kuu rey ja ka tatnuni de ndi‑in ndi‑in ñuu ma, ji'in tee ka kuu gobiernu ma, ka ndututu de, te ka ndatnu'u tna'a de ja masu jin kandija de ja ká'an Su'si ma, ji'in ja ká'an Sa'ya ya ni sunkoo ya ja tatnuni ya ma.

Salmos 2:2 ပူးပေါင်းရင်းမြစ်များ

Salmos 110:5

Te Su'si Iya Tátnuni ma, núkuiñi ya xiñi kua'a ni a, te maa ya sa'a ja jin skenaa tee ka kuu rey ma kivi kaxtnu'u ya sukan ndákiti ini ya nuu de ma.

Salmos 2:10

Ndijin ja ka kuu ni rey ma ji'in gobiernu ja ka tatnuni ni ñuu ñayivi a, jin koniniso'o ñukuun ni ja ká'an sa a, te jin jaku'ni ini ni sukan káxtnu'u sa a.

Salmos 45:7

Ni kutoo ni ja va'a ja ndaa ma, te ni saxiko ni ja u'vi ma. Chukan kúu ja ni ndakaji ña'a maa Su'si ma, te ni chi'i ña'a ya aceite ja ni ndusii ini ni, vaa maa ni kanuu‑ka sana ndaka‑ka i ma.

Salmos 48:4

Ni ka ndututu ndaka tee ka netniñu ndi‑in ndi‑in ñuu ma ja ka kuu de rey ma, te ni ka ndatnu'u tna'a de sukan jin kanaa de ji'in ñayii ñuu Jerusalén ma.

Salmos 48:5

Kovaa nuu ni ka jini de ja îyo kaa yika ve'e ni ndakonduu ndesi ñuu Jerusalén ma, te ni ka sa'vi‑nka ini de, te ni ka yu'u de, te ni ka ndakunu de kuan nu koo de.

Salmos 74:18

Su'si, kona'a ni ja ndakan ni kuenda nuu ñayii ñatuu ka kunimani nuu ni ma te ka jakundee ña'a i ma te ka ka'an ndeva'a i ja kuu ni ma.

Salmos 74:23

Te máko ndunaa ni sukan ka kana ka kayu'u i ma, vaa nuu‑ni nuu‑ni ka ka'an ndeva'a i ja kuu ni ma, vi Su'si.

Salmos 83:6

Te ndaka ñayii ka kuu edomitas ma, ji'in ñayii ka kuu ismaelitas ma, ja ka kuu i sa'ya tata Agar ma, ji'in ñayii ñuu Moab ma,

Salmos 89:20

Ni ni'i sa David ma ja kunukuechi de nuu sa a, te ni chiso sa aceite xini de ja ko kuu de tee tatnuni.

Proverbios 21:30

Tnu'u ndichi jani ini ñayii ma ja neva'a i ma xi ja jani ini i ja maa i kúu‑ka ma chi ni masu kundee i nuu Su'si ma,

Mateo 2:16

Sani te nuu ni jinitnuni Herodes ma ja ni ka xnda'vi ña'a tee inundichi ma, te ni ndakiti xeen ini de, te ni tatnuni de ja jin ka'ni soldado ma ndaka suchi yika ni ka kâku ma te onde suchi uu kuiya ma, ja ka iyo i ñuu Belén ma ji'in ndaka yu'u ñuu ma.

Mateo 26:3

Sani te tee ka tatnuni nuu sutu ma, ji'in tee ka kuu ja'nu ma, ni ka ndatna'a de nuke'e ve'e tee kúu Caifás tee tátnuni nuu sutu ma.

Mateo 26:59

Te tee ka tatnuni nuu sutu ma, ji'in tee ka kuu ja'nu ma, ji'in ndaka tee ka ja'nde tniñu ñayii ñuu judío ma, ni ka nduku de in ja kuu jin skuiso kuechi de Jesús ma te jin ka'ni de ya.

Mateo 27:1

Nuu jâ ve ndii in‑ka kii ma, te ni ka ndututu tee ka tatnuni nuu sutu ma, ji'in tee ka kuu ja'nu ma, te ni ka ndatnu'u tna'a de naxe jin xtekuechi de Jesús ma te jin ka'ni de ya.

Lucas 13:31

Sani te suni ni ka kenda koo tee ka kuu fariseo ma, te ka jiña'a de Jesús ma: ―‍Kuá'an ni in‑ka ñuu, vaa tee kúu Herodes ma chi kúni de ja ka'ni ña'a de ―‍ka kuu de ka jiña'a de.

Juan 1:41

Andrés ma, sani te ni ndanduku de ñani de Simón ma, te jiña'a de: ―‍Ni ka ndani'i ri Mesías ma ―‍kúu de jiña'a de. Te tnu'u Mesías ma kúni ka'an “Cristo iya ni tetniñu Su'si ma”.

Juan 15:23

Ñayii ndákiti ini nuu sa ma, suni ndákiti ini i nuu Yuva sa ma.

Juan 3:34

vaa maa Su'si ma ni tetniñu Sa'ya ya ma. Vaa iya ni tetniñu Su'si ma, ká'an ya ndaka ja tátnuni Su'si ma, vaa Su'si ma chi masu jaku‑ni Xtumani maa ya ma ni wa'a ya Sa'ya ya ma chi ni wa'a ndi'i ni wa'a tu'u ya.

Hechos 10:38

Ja ká'an sa ya kúu ja Jesús nazareno ma, ni wa'a Su'si ma Xtumani Ndios ma ji'in tnu'u ndee tnu'u ndatnu ya ma. Te maa ya chi ni yo sa'a ya ja vii ja va'a ma, te ni yo sa'a ya ja kua'a ñayii ni ka ndayaa nuu nda'a tachi ma, vaa Su'si ma ni yo iyo ji'in ya.

Hechos 9:4

Te ni kotuu de onde nuu ñu'ú ma, te ni jiniso'o de ja ká'an: ―‍Saulo, Saulo, ¿nava'a sóndikin ña'a ni? ―‍kúu ká'an.

Hebreos 1:9

Ni kutoo ni ja va'a ja ndaa ma, te ni saxiko ni ja u'vi ma. Chukan kúu ja ni ndakaji ña'a maa Su'si ma, te ni chi'i ña'a ya aceite ja na ndusii ini ni, vaa maa ni kanuu‑ka sana ndaka i ma. Sa'a ká'an tnu'u Su'si ma.