Salmos 18:3 - New Testament Psalms and Proverbs in Mixtec Magdalena Peñasco

³ Ndakune'e sa Iya Tátnuni ma, vaa maa ya iyo ja ndachiñu'u o ya ma. Te kaku sa nuu ñayii ñatuu ka kunimani nuu sa ma.

Salmos 18:3 ပူးပေါင်းရင်းမြစ်များ

Salmos 144:1

¡Naka vii naka va'a ini Su'si iya tátnuni nuu sa a! Vaa vivii jito va'a ña'a ya, te ñatuu nawa ndo'o sa. Te maa ya kúu iya kaxtnu'u nuu sa naxe ko sa'a ko kuu sa, sukan‑va'a kundee sa nuu ñayii kenda koo ja jin kanaa i ji'in sa ma.

Salmos 145:3

Ka'nu xeen maa Iya Tátnuni ma, te maa ya iyo ja ndachiñu'u xen‑xeen o, te ni masu kuu naxe ka'an‑nka o ja iya ka'nu xen‑xeen kúu ya.

Salmos 3:4

Saña chi káyu'u sa jikan‑ta'vi sa nuu Iya Tátnuni ma ja na chindee ña'a ya, te maa ya chi onde nuu yuku ii iyo ya ma, te ni ndakone'e ya ja ni jikan‑ta'vi sa ma.

Salmos 31:4

Ndatava ña'a ni nuu yo'o ni ka satu'va i ja ni ka tnii ña'a i ma, vaa nuu maa ni kúu nuu kuu kaku sa, vi Su'si.

Salmos 48:1

Iya Tátnuni ma kúu iya kanuu xeen, te maa in‑ni ya iyo ja ni‑yu'u ni‑ini o jin ndachiñu'u o ya, vaa iyo ya ne'un ñayii ñuu ya ma, ja ka iyo i nuu yuku ii ya ma.

Salmos 50:15

Te jin ndakune'e ña'a ni kivi kénda tnundo'o tnuneni nuu ni ma te ñatuu ka ni'i ini‑ka ni nawa jin sa'a ni ma, te saña chi chindee ña'a sa ja vivii jin yanduu jin yandoso ni nuu tnundo'o yukan ma, sani te maa ni chi jin ndachiñu'u ña'a ni”, kúu ya ká'an ya.

Salmos 55:16

Kovaa saña chi nuu Su'si ma kakan‑ta'vi sa, te maa Iya Tátnuni ma sa'a ja kaku sa nuu ja u'vi ma.

Salmos 62:3

Ndijin ja ka kuni u'vi ni nuu sa ma, ja ka kuni ni ja jin xtuu ña'a ni te jin xnaa ña'a ni, te jin sa'a ña'a ni sukan kúu in yika ve'e ja núkuiñi xiñi i te sani te kotuu i te ndi'i i ndatnana ma.

Salmos 62:8

Ndaka ni ja ka kuu ni ñuu Su'si ma, nuu maa in‑ni ya jin kukanu ini ni ni‑kani ni‑jika, te ni‑yu'u ni‑ini ni jin kukanu ini ni ya, vaa maa ya kúu nuu kuu jin kaku o.

Salmos 71:3

Te ko kuu ni in nuu toto nuu ndimaa kuu kenda sa te koxtnee va'a sa te kaku sa nuu ñayii ka sa'a ja u'vi ma, vaa nuu maa ni kúu nuu kuu chu'u sa te kaku sa ma.

Salmos 76:4

Vivii kúu ni, vi Su'si, te iyo kua'a‑ka jayiñu'u ni sana yuku na'nu ma ja vivii ka ndaa i ma.

Salmos 91:15

Te nuna ndakune'e ña'a i, te yo'o chi ndakone'e o ja ká'an i ma. Maa o koo ji'in i, te sa'a o ja ya'a i nuu tnundo'o tnuneni ma, te koo xeen jayiñu'u i.

Salmos 91:2

Kuña'a sa nuu Iya Tátnuni ma: “Maa ni kúu nuu kuu chu'u sa. Maa ni kúu ve'e sa ja núkuiñi vava'a. Maa ni kúu Su'si sa ja kúkanu ini ña'a sa”, kuña'a sa ya.

Salmos 96:4

Vaa Su'si o Iya Tátnuni ma chi iya kanuu kúu ya, te maa ya iyo ja ni'i ya jayiñu'u, te maa ya iyo ja jin koyu'u o ya sana tna'a ja masu Su'si ka kuu ma, vaa maa ya ndakan kuenda nuu ndaka o.

Lucas 1:71

ja sa'a ya ja jin kaku o nuu ñayii ka kuni u'vi nuu o ma ji'in ndaka ñayii ka ndakiti ini nuu o ma.

Hechos 2:21

Kovaa ndaka ñayii ka kandija te ka ndakune'e i Iya Tátnuni ma, jin kaku i te jin ndani'i ta'vi i kivi yukan. Sa'a ni ndaka'an tee kúu Joel ma.

Apocalipsis 4:11

Iya Tátnuni, maa in‑ni ni iyo ja ni'i ni ja vii ja va'a ji'in jayiñu'u jin ndataa sa ma, vaa ndákunitnuni sa ja maa in‑ni ni iyo tnu'u ndee tnu'u ndatnu, vaa maa in‑ni ni ni sa'a ndaka ja iyo a, te ja kúu ini maa ni, te ni ka kuva'a i, te ka iyo i, ka kuu de ka jiña'a de.