Salmos 17:3 - New Testament Psalms and Proverbs in Mixtec Magdalena Peñasco

³ Vaa maa ni ján koto ña'a jakuaa ma, te jitotnuni ni ini anua sa ya, kovaa ñatuu na ja u'vi ni ndani'i ni, vi Su'si, vaa jito va'a sa yu'u sa ya ja máko ka'an i tnu'u ndeva'a.

Salmos 17:3 ပူးပေါင်းရင်းမြစ်များ

Salmos 11:5

Iya Tátnuni ma, jitotnuni ya ñayii ka sa'a ja va'a ja ndaa ma nú inundija i ja ka kukanu ini i ya ma. Kovaa ñayii ka sa'a ja u'vi ma te ka jatna ini i ja ka sa'a ndeva'a i ñayii nda'vi ma, onde ini anua ya ma saxiko ya i.

Salmos 119:106

Ni skuiso sa ja sa'a ndi'i sa'a tu'u sa ndaka tnu'u ndaa tnu'u ndija tátnuni ni a.

Salmos 139:1

Su'si maa sa, maa ni kúu iya jitotnuni ña'a, te jini ña'a ni.

Salmos 139:23

Te kototnuni ña'a ni, vi Su'si, te kuni ni ja ñu'u ini anua sa a, te kototnuni ni janitnuni sa a, te kuni ni ja jani ini sa a.

Salmos 16:7

Chukan kúu ja ká'an sa ja vii ja va'a ja kuu Iya Tátnuni ma, vaa maa ya ndákan‑so'o nuu sa a, vaa visi onde jakuaa ma, te sa'a ya ja ndákani ndáka'vi ini sa, te ndása'a sa kuenda.

Salmos 26:2

Iya Tátnuni, konde'ya vava'a ni ini anua sa ya, te kototnuni ña'a ni naxe iyo ini anua sa ya, te ndaka'an ndakachi maa ni nú ja va'a kúu ndaka ja jani ini sa a.

Salmos 39:1

Ni jani ini sa: Katanuu o kondikin o ichi Su'si o a, sukan‑va'a ma ka'an o ni‑in ja u'vi ma. Te kasiyu'u vava'a o, sukan‑va'a nú iyo in ñayii ñatuu sa'a sukan játna ini Su'si ma nuu iyo o a, te ñatuu nawa kondekuechi yu'u o a.

Salmos 66:10

Te maa ni, vi Su'si, kúu iya ni jitotnuni ña'a naxe ka iyo sa nuu ni a. Sukan, te ni ndasavii, ni ndasandoo ña'a ni sukan ndúu nanimaa plata ma.

Salmos 7:4

vaa masu nama uun ni sa'a ndeva'a sa ñayii iyo mani ji'in sa ma, te ni masu nama uun ni sa'a ndeva'a sa ñayii ñatuu kúnimani nuu sa ma.

Proverbios 13:3

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Hechos 11:23

Nuu ni kenda de ma te nuu ni jini de ja vii ja va'a ni sa'a Su'si ma, ni kutachi de, te ni ka'an‑so'o de nuu ndaka i ja ni‑yu'u ni‑ini i jín kondikin i Iya Tátnuni ma, sukan‑va'a jin koo va'a i nuu ya.

Hechos 16:9

Te jakuaa ma, Pablo ma, ni jininuu de ja in tee ñuu Macedonia ma, núkuiñi de, te jikan‑ta'vi xeen de, te jiña'a de: ―‍Ya'a tna ni ñuu Macedonia ma, te chindee ña'a ni ―‍kúu de jiña'a de.

1 Corintios 4:4

Vaa visi maa sa jani ini ja ñatuu na ja u'vi sa'a sa ma, kovaa maa Su'si Iya Tátnuni ma kúu iya jini ndaa jini ndija nawa sa'a nawa kúu ndija sa ma.

2 Corintios 1:12

Te ka kutachi xeen sa, vaa maa Su'si ma kúu iya chíndee ña'a ja in jayiñu'u kúu ja sukan ka sa'a sa, te onde maa Su'si ma na'a ja ka ka'an ndaa ka ka'an ndija sa ka iyo sa ñuu ñayivi a, te ñukuun‑ka ka kuu sa ji'in ni, te cha'a chi masu ja sukan jani ini ñayii ñuu ñayivi a kúu chi ja ni skuta'vi ña'a maa Su'si ma kúu ja ka sa'a sa sa'a.

Santiago 3:2

Vaa ndaka o chi kua'a xeen jichi ka sa'a o ja masu játna ini Su'si ma. Nú na in ñatuu ká'an ni‑in tnu'u ndeva'a ja masu játna ini Su'si ma, te ñayii ya'a chi in ñayii sa'a ja va'a ja ndaa kúu i, te iyo i ja kundee i chitna'nu i ni‑ka'nu yikikuñu i ma.

1 Pedro 1:7

Vaa sukan kúu oro ma, visi na jin chunee jin chunee de i nuu ñu'u i'ni‑ka ma su'va nduu nanimaa‑ka i, te sukan jin ko kuu tna o, te visi na jin ndo'o xeen‑ka o, kovaa sukan, te vivii‑ka jin kukanu ini‑ka o ya. Te sukan, te jin koo jayiñu'u o kivi jin kuni o sukan kaa maa Jesucristo ma.