Salmos 15:3 - New Testament Psalms and Proverbs in Mixtec Magdalena Peñasco

³ Ñayii masu nde ká'an tnu'u i ja kuu in‑ka ñayii ma, ni a sa'a i ja u'vi ja kuu tna'a i ma, ni a ká'an ndeva'a i ja kuu ñayii iyo yatni ji'in i ma.

Salmos 15:3 ပူးပေါင်းရင်းမြစ်များ

Proverbios 22:10

Máko kuan‑ta'vi ni ñayii ndee ini te so'o kaa i ma nuu iyo ni a, sukan‑va'a na naa maa ja u'vi ma te masu na in kanaa‑ka, te ni a ko skiti tna'a‑ka ini i.

Proverbios 25:3

Ja jani ini rey ma ini anua de ma chi masu na in jáku'ni ini, vaa yii xeen iyo, sukan kúu andivi ma xi onde ichi chii ñu'ú ya, vaa masu na in ndáni'i te ndaka'an naxe iyo.

Mateo 7:12

’Chukan kúu ja ndaka ja va'a ka kuni ni ja jin sa'a ña'a ñayii ma, te sukan jin sa'a ni ja va'a ja jin kuu i, vaa nú sa'a o sa'a chi yikuu o sa'a o ndaka sukan ni ka yo kaxtnu'u Moisés ma ji'in tee ni ka yo ndakaxtnu'u tnu'u ni yo wa'a Su'si ma.

Romanos 1:30

ka skanduu yu'u i ma, ka ka'an i tnu'u tna'a i ma, ñatuu ka kuni sii i nuu Su'si ma, ñatuu na respetu i ma, inuvixi xeen ka ndaa i ma, ndimaa ja u'vi ka jani ini i ja jin sa'a i ma, masu ka kandija i nuu yuva nuu si'i i ma,

Romanos 12:17

Máko jin ndasa'a o ja u'vi nuu ñayii ka sa'a ña'a ja u'vi ma. Ndimaa jín ko sa'a o ja va'a nuu ndaka ñayii ma.

Romanos 13:10

Ja kútoo o in‑ka ñayii ma kúu ja ni‑in ja u'vi sa'a o in‑ka ñayii ma. Te nú kúndee o sa'a o sukan chi yikuu o sa'a ndi'i o sukan ni tatnuni Moisés ma.

Tito 3:2

Te másu ko jin ka'an i tnu'u ni‑in ñayii ma, su'va jín nduku i ja jin koo mani i nuu ndaka ñayii ma. Te máko jin nduku i ja jin ko kanaa i, su'va jín kava kuee ini i nuu ndaka ñayii ma.

Santiago 4:11

Ndijin ja ni ka nduu o sa'ya Su'si o a, má jin ka'an ni ja jin kuu ndi‑in ndi‑in ni. Vaa nú na in ká'an ja kuu in tna'a i ma, suni ká'an i ja kuu tnu'u ni tatnuni Su'si ma. Te nú na in ndákan kuenda ja kuu in tna'a i ma, suni ndákan i kuenda ja kuu tnu'u ni tatnuni Su'si ma. Kovaa nú ndijin ja ndákan ni kuenda tnu'u ni tatnuni Su'si ma, te ñatuu sa'a ni sukan ni tatnuni ya ma, su'va sukan kúu in ñayii ja'nde tniñu kúu ni.

3 Juan 1:11

Gayo tee kútoo maa sa, máko ndane'e ni sukan ka sa'a ñayii ka sa'a ja u'vi ma, su'va sa'a ni ja va'a ma. Ñayii sa'a ja va'a ma, sa'ya Su'si ma kúu i, kovaa ñayii sa'a ja u'vi ma chi ñatuu jini i Su'si ma.